Yezhanq 17

Yezsuz Saeh Dij Goanz Dix Daj Dez Ndaw Fax Hax Kauq

1 Yezsuz hax suq kauq naeh yaq, zoq ngangh to lez mwz ndaw fax, hax: "Dez gux aj, taeng zwz yah, ngwz mawz hawj daenh leztaen najta gux, zoq zawh najta lug zaiz mawz, hoakzaqnaeh gux goj hawj daenh leztaen najta mawz. 2Mawz haeuz aeu qenhliq hawj gux, hawj gux gvanx daengzle sowh gaenq rux qen'yai naeh, hawj gux aeu aen mingh daengznauq naeh hawj sowh dij goanz mawz aeu hawj gux naeh. 3Aen mingh daengznauq naeh zoq zawh ruxndeq zaw mawz laux Sen jing naeh, goj ruxndeq zaw Yezsuz Jizduz goanz mawz nemz daeuj naeh. 4Yuq dihndin, gux haeuz hoak nauq sowh najgaengx mawz yaix gux hoak naeh, hoakzaqnaeh gux zoq zwzzwz hawj daenh leztaen najta mawz. 5Dez aj, gux dauh mwz zwzrawz, vanz mawz hawj gux yuq doqnaj mawz miz najta, zoq zawh sowh najta daekgoanq chauq fax daj dihndin gaenqraeuz zaemh miz naeh. 6Sowh dij goanz mawz lowg daeq dij goanz dihndin maz naeh, zoq zawh sowh dij goanz mawz aeu hawj gux naeh, gux haeuz hawj paenqdix ruxnaj mawz. Paenqdix bwnz zawh dij goanz mawz, mawz aeu paenqdix hawj gux, paenqdix goj haeuz biak kauq mawz. 7-8Sowh kauq mawz aeu hawj gux naeh, gux haeuz aeu hawj paenqdix, paenqdix goj zaemz kauq mawz, paenqdix ruxndeq gux zawh daeq dih zawj mawz daeuj zaeh, goj sinq zawh mawz nemz gux daeuj. Baenzzaqnaeh, gannaeh paenqdix ruxndeq, nanghgaj sowh gaenq mawz aeu hawj gux naeh, gaeng goj zawh daeq dih zawj mawz daeuj. 9Gux saeh paenqdix vanz mawz, gux mboq saeh sowh dij goanz dihndin naeh vanz. Sowh dij goanz mawz aeu hawj gux naeh zawh dij goanz hoakri mawz. Baenzzaqnaeh gux saeh paenqdix vanz mawz. 10Dij goanz gux gawz goj zawh dij goanz mawz, dij goanz mawz gawz goj zawh dij goanz gux, paenqdix hawj daenh leztaen najta gux. 11Gux mboq yuq dihndin tem eh, gaj paenqdix naengz yuq dihndin, gux mwz dih mawz naeh. Dez gux aj, mawz gaeng goj saw rikrik, vanz mawz cho zwh mawz, zoq zawh zwh mawz aeu hawj gux naeh yaz paenqdix, hawj paenqdix dungzhaeb baenz zawdoag, hawj paenqdix daj gaenqraeuz dungzlumj hoak zawdoag. 12Zwz gux daj paenqdix zaemh yuq naeh, gux cho zwh mawz, zoq zawh zwh mawz aeu hawj gux naeh yaz paenqdix. Gux dawz paenqdix, mboq hawj paenqdix lamq goanz rawz. Mizgaj goanz ndaw Sw Dij Sen hax rux zoah lown naeh, mizgaj dix lown; hoakzaqnaeh zawh hawj gaemz kauq ndaw Sw Dij Sen hax naeh baenz zaeh.#Lownx 41:9. 13Gannaeh gux mwz dih mawz naeh, gux yuq dihndin hax suq kauq naeh, zawh hawj paenqdix daj gux dungzlumj faengz zaeh zaeh. 14Gux haeuz aeu kauq mawz hawj paenqdix. Paenqdix mboq zawh gaenq dihndin, daj gaenqgux mboq zawh gaenq dihndin dungzlumj, baenzzaqnaeh dij goanz dihndin hwnq paenqdix. 15Gux mboq zawh vanz mawz raep paenqdix ni dihndin, gux vanz gaj mawz yaz paenqdix, zowz paenqdix ni Sazdanz do pi mbowq tai mbowq naeuh naeh. 16Paenqdix mboq zawh gaenq dihndin, daj gaenqgux mboq zawh gaenq dihndin dungzlumj. 17Kauq mawz zoq zawh kauq jing, vanz mawz aeu kauq jing hawj paenqdix hoak daj dij goanz dihndin mboq dungzlumj, zawdoag kvej gaj mawz. 18Mawz hoakzaqrawz yaix gux daeuj jeh dij goanz dihndin, gux goj zaemh hoakzaqrawz yaix paenqdix bae jeh dij goanz dihndin. 19Cholaeng paenqdix gux hoak daj dij goanz dihndin mboq dungzlumj, zawdoag kvej gaj mawz, hoakzaqnaeh hawj paenqdix cholaeng kauqjing goj hoak daj dij goanz dihndin mboq dungzlumj, zawdoag kvej gaj mawz.

20"Gux mboq zawh saeh gaj paenqdix vanz, gux goj saeh sowh dij goanz cholaeng kauq paenqdix ej sinq gux naeh vanz, 21hawj paenqdix dungzhaeb baenz zawdoag, daj Dez, mawz yuq ndaw gux, gux goj yuq ndaw mawz dungzlumj, hawj paenqdix goj yuq ndaw gaenqraeuz. Paenqdix dungzhaeb baenz zawdoag, zawh hawj dij goanz dihndin sinq mawz nemz gux daeuj. 22Sowh najta mawz aeu hawj gux naeh, gux haeuz aeu hawj paenqdix, hoakzaqnaeh hawj paenqdix dungzhaeb hoak zawdoag, daj gaenqraeuz dungzhaeb hoak zawdoag dungzlumj. 23Gux yuq ndaw paenqdix, mawz yuq ndaw gux, hawj paenqdix dungzhaeb hoak zawdoag zaehzaeh, hoakzaqnaeh hawj dij goanz dihndin ruxndeq zawh mawz nemz gux daeuj, goj hawj dij goanz dihndin ruxndeq mawz nwh dij goanz mawz, daj nwh gux dungzlumj. 24Dez aj, zwz naengzbaeq chauq fax daj dihndin, mawz haeuz nwh gux, baenzzaqnaeh mawz hawj gux miz najta. Gux yuq rawz, ngwz mawz hawj sowh dij goanz mawz aeu hawj gux naeh goj daj gux zaemh yuq rawz, hoakzaqnaeh paenqdix zoq leztaen sowh najta mawz aeu hawj gux naeh. 25Dez tw'piang naeh aj, dij goanz dihndin mboq ruxndeq zaw mawz, gaj gux ruxndeq zaw mawz, sowh dij goanz mawz aeu hawj gux naeh goj ruxndeq zawh mawz nemz gux daeuj. 26Gux haeuz hawj paenqdix ruxnaj mawz zawh gawz, gux naengz hoakzaqnaeh mwznaj, hawj paenqdix ruxndeq mawz hoakzaqrawz nwh gux, mawz goj zaemh hoakzaqrawz nwh paenqdix, goj hawj gux yuq ndaw paenqdix."

Currently Selected:

Yezhanq 17: ZHN

Highlight

Copy