Yezhanq 15

Yezsuz Zawh Maex Maegkaeu'it Jing

1"Gux zawh maex maegkaeu'it jing, Dez gux zawh goanz zauzhuz sownmaeg naeh. 2Go gux naeh, ngah dix, ngah rawz mboq kwnj maeg, Dez gux zoq daet ni; ngah rawz kwnj maeg, Dez gux zoq zoih sawrik, hawj paenqdix kwnj maeg lai tem. 3Gannaeh gaenqsu cholaeng sowh kauq gux laemh dwk su naeh, gaenqsu haeuz saw eh. 4Gaenqsu yauq yuq ndaw gux ndowj oaj, gux goj yuq ndaw su ndowj. Jixzawh ngah maegkaeu'it mboq daj go maegkaeu'it dungzrangh, ngah dix zoq mboq rux haeggaj kwnj maeg. Jixzawh gaenqsu mboq yuq ndaw gux ndowj, gaenqsu goj rux baenzzaqnaeh. 5Gux zawh maex maegkaeu'it, gaenqsu zawh ngah dix. Jixzawh gaenqsu ni gux, gaenqsu zoq hoak gaeng mboq baenz. Gaj gawz yuq ndaw gux ndowj, gux goj yuq ndaw dix ndowj, dix zoq kwnj maeg lai yah. 6Jixzawh gawz mboq yuq ndaw gux ndowj, zoq daj sowh ngah aeu viangh bae baihnog naeh dungzlumj, choj maz, zoah dij goanz aeu viangh bae ndaw faez pyaeu. 7Jixzawh gaenqsu yuq ndaw gux ndowj, kauq gux goj yuq ndaw su ndowj, gaenqsu zawx aeu gaeng, vanz, zoq hawj su. 8Jixzawh gaenqsu do kwnj maeg, hoak cohsaenz gux singjringh, daenh zoq leztaen najta Dez gux eh. 9Gux nwh su daj dez gux nwh gux dungzlumj, gaenqsu yauq zwzzwz nwh ndaej gux hoanx naeh nwh su oaj, gaenqsu goj zwzzwz ngaiq gux oaj. 10Jixzawh su biak le diauq gux saengq su naeh, su zoq zwzzwz nwh ndaej gux hoanx naeh nwh su, su zoq zwzzwz ngaiq gux. Gux goj biak le diauq Dez gux saengq gux naeh, gux goj zwzzwz nwh ndaej Dez hoanx naeh nwh gux, gux goj zwzzwz ngaiq Dez gux. 11Gux haxdoq su le gaenqnaeh, zawh hawj gaenqfaengz gux yuq ndaw zaw su, hawj zaw su miz gaj gaenq faengz. 12Gaenqsu yauq goanz lej nwh goanz oaj, daj gux nwh su dungzlumj; diauq naeh zawh gaenq gux saengq su hoak. 13Dij goanz, jixzawh gawz cholaeng paenq dungzbownh dix viangh aen mingh, nwh gawz zawh nwh baenzzaqnaeh dauh neh. 14Jixzawh gaenqsu hoak diauq gux saengq su naeh, gaenqsu zoq zawh dungzbownh gux yah. 15Mbaenqnaeh gux mboq aeu su hoak puj koij tem eh, unj puj koij mboq ruxndeq sowh saeh zaeuj dix hoak naeh. Gux zawh aeu su hoak dungzbownh, unj, gux daeq zawj Dez ruxnyinz gaeng, gux goj haeuz haxdoq su nauq. 16Mboq zawh gaenqsu lowg gux, zawh gux haeggaj lowg su, yaq nemz su bae, hawj su daj maexmaeg dungzlumj kwnj maeg, zoq zawh kwnj sowh maeg mboq rux naeuh naeh. Baenzzaqnaeh, gaenqsu hoak najgaengx gux yungq zoah gaeng, daengz daj Dez ndaw fax vanz gaeng, dix goj hawj su mboqyaq. 17Gux hoakzaqnaeh saengq su, zawh hawj su goanz lej nwh goanz.

Dij Goanz Dihndin Rux Hwnq Cohsaenz Yezsuz

18"Dij goanz dihndin hwnq su zwzrawz, gaenqsu hoj ruxndeq, paenqdix naengz mboq hwnq su, paenqdix haeuz hwnq gux yaq. 19Dij goanz gawz goj ngaiq gaenq hoakri. Jixzawh gaenqsu zawh gaenq dihndin, dij goanz dihndin toj ngaiq su mboqyaq. Gaj gaenqsu mboq zawh gaenq dihndin, zawh gaenqgux lowg gaenqsu daeq dihndin maz, baenzzaqnaeh, dij goanz dihndin zoq hwnq su. 20Gaenqsu ruxndeq gux haeuz daj su hoakzaqnaeh hax yaq: ‘Puj koij mboq rux dwx nyeuz zaeuj dix.’ Gawz vazkuz gux, gawz goj rux vazkuz su mboqyaq. Gawz biak kauq gux, gawz goj rux biak kauq su mboqyaq. 21Paenqdix mboq ruxndeq zaw laux nemz gux daeuj naeh, baenzzaqnaeh, su hoak najgaengx gux, paenqdix goj rux hoakzaqnaeh dwk su. 22Jixzawh gux mboq ndaej daeuj zau paenqdix, paenqdix zoq mboq miz gaenqloang, gaj gannaeh gaenq loang paenqdix dih aeu ngej bae rawz mboq miz. 23Gawz hwnq gux, goj hwnq Dez gux. 24Jixzawh gux mboq ndaej yuq doqnaj doqta paenqdix hoak sowh saeh mboq sanz miz gawz hoak naeh hawj paenqdix leztaen, paenqdix zoq mboq miz gaenqloang. Gaj gannaeh paenqdix haeuz ndaej leztaen, goj naengz hwnq gux daj Dez gux. 25Hoakzaqnaeh zoq zawh hawj gaemz kauq ndaw sw fahlih dij Sen aeu hawj paenqdix naeh baenzzaeh, ndaw sw fahlih hax: ‘Paenqdix yumq hwnq gux taeuq.’ #Lownx 35:19; 69:5. Teu gaemz naeh taeuq. 26Gux daeq dih Dez ndaw fax naeh nemz laux saeh paenq goanz dij Sen naeh daeuj, laux naeh zoq zawh minghkoan dij Sen jing naeh, dix daeq zawj Dez ndaw fax daeuj zwzrawz, zawh daeuj haxdoq daenh gux zoq zawh Jizduz. 27Gaenqsu daeq zwzrawz maz bwnz daj gux zaemh yuq, baenzzaqnaeh hoakri gaenqsu goj yauq haxdoq daenh gux zawh Jizduz."

Currently Selected:

Yezhanq 15: ZHN

Highlight

Copy