Yezhanq 14

Yezsuz Zawh Ka loh, Zawh Kauq Jing, Zawh Aen Mingh

1"Ndaw zaw su laek dij, gaenqsu baenz sinq dij Sen, goj baenz sinq gux. 2Yuq ndaw rownz Dez gux, miz dihndowj lai taeuq. Jixzawh mboq miz, gux zoq haxdoq su ndowj yah. Gux zawh mwz dox dihndowj taj su. 3Gux mwz dox dihndowj taj su, mwznaj gux toj daeuq daeuj raep su mwz dih gux naeh mboqyaq. Hoakzaqnaeh gux yuq dih rawz, gaenqsu goj zaemh yuq dih rawz. 4Dih gux mwz naeh, gaenqsu ruxnaj ka loh." 5Dozmax hax: "Zaeuj aj, gaenqpiu mboq ruxndeq dih mawz mwz naeh, gaenqpiu hoakzaqrawz ruxnaj ka loh ah?" 6Yezsuz daj dix hax: "Gux zoq zawh ka loh mwz zawj dij Sen naeh, zawh kauq jing, zawh aen mingh hawj dij goanz zaeu naeh. Dij goanz jixzawh mboq maengx gux, zoq mboq miz gawz rux ndaej daj Dez ndaw fax dungzndae. 7Jixzawh gaenqsu ruxndeq zaw gux, zoq goj ruxndeq zaw Dez gux mboqyaq. Daeq vaenznaeh mwz, gaenqsu ruxndeq zaw dix eh. Gaenqsu haeuz leztaen dix eh." 8Faezliq hax: "Zaeuj aj, vanz mawz hawj piu leztaen Dez ndaw fax, gaenqpiu zoq laemjzaw eh." 9Yezsuz hax: "Faezliq, gux daj gaenqsu zaemh yuq ndowj baenzzaqnaeh, gaenqmawz naengz mboq ruxndeq zaw gux maj? Gux daj Dez zawh laux ndeu. Gawz leztaen gux zoq zawh leztaen Dez ndaw fax. Mawz baenzzaqrawz naengz hax: ‘Hawj piu leztaen Dez ndaw fax,’ mux? 10Gux yuq ndaw Dez ndaw fax, Dez ndaw fax yuq ndaw gux, mawz mboq sinq maj? Suq gux daj su hax naeh, mboq zawh pinh hoakri gux hax, zawh Dez yuq ndaw gux ndowj naeh hoak sowh saeh mizgaj dix rux hoak naeh. 11Gux yuq ndaw Dez ndaw fax, Dez ndaw fax yuq ndaw gux. Gaemz naeh gaenqsu hoj sinq. Jixzawh su biak gaemz naeh yaq naengz sinq gux mboq baenz, gaenqsu goj baenz cholaeng sowh saeh gux hoak naeh sinq gux. 12Gux haxdoq su swhlit, sowh saeh gux hoak naeh, sowh puj sinq gux naeh goj hoak baenz, naengz rux hoak sowh saeh dwx nyeuz le gaenqnaeh. Baenzzaqrawz rux hoak dwx nyeuz mah? Gux zawh mwz zawj Dez ndaw fax mbezngaz. 13Gaenqsu hoak najgaengx gux yungq zoah gaeng, gaenqsu vanz gaeng gojndae, gux goj awj su mboqyaq, hoanx naeh hawj Dez ndaw fax cholaeng lug zaiz dix ndaej najta. 14Gaenqsu hoak najgaengx gux yungq zoah gaeng, daengz gaenqsu vanz gaeng gojndae, gux goj awj su mboqyaq.

Yezsuz Yinq Aeu Minghkoan Dij Sen Hawj

15"Su ngaiq gux, su toj biak sowh gaenq gux saengq naeh mboqyaq. 16Gux vanz Dez ndaw fax, dix zoq hawj laux saeh paenq goanz dij Sen naeh daeuj, hawj dix daj su zaemh yuq daengznauq. 17Laux naeh zoq zawh minghkoan dij Sen jing naeh. Dij goanz dihndin lez mboq taen dix, goj mboq ruxndeq zaw dix, baenzzaqnaeh dij goanz dihndin mboq rux zaemz dix. Gaj dix yuq jeh su ndowj, mboq ndowj lai mbeh'ej yuq ndaw ndang su eh, baenzzaqnaeh gaenqsu ruxndeq zaw dix.#14:17 Gaemz naeh miz jij bwnz ux goj hoakzaqnaeh hax: Gaj dix daj su zaemh ndowj, goj yuq ndaw su, baenzzaqnaeh gaenqsu ruxndeq zaw dix. 18Gux mboq rux viangh su, mboq rux hawj su baenz lugbyax, gux daeuq dauh daeuj dih su inxnaeh. 19Mboq ndowj lai, dij goanz dihndin mboq rux daeuq ndaej taen gux, gaj gaenqsu leztaen gux. Unj hoakri gux zaeu, baenzzaqnaeh gaenqsu goj rux zaeu. 20Taeng vaenz gaengnaeh, gaenqsu zoq ruxndeq gux yuq ndaw Dez ndaw fax, gaenqsu yuq ndaw gux, gux goj yuq ndaw su. 21Gawz ruxndeq sowh gaenq gux saengq naeh goj caqsiq biak bae hoak, gawz zoq zawh ngaiq gux. Gawz ngaiq gux, Dez gux ngaiq dix mboqyaq, hoakri gux goj ngaiq dix, yaq hawj dix taen gux, hawj dix ruxnaj gux singjringh." 22Yaeuhdaq, mboq zawh goanz dij goanz ndaw Zazyoah naeh, cham Yezsuz: "Zaeuj aj, mawz baenzzaqrawz hawj gaj piu taen hoakri mawz, baenzzaqrawz mboq hawj daengz dij goanz dihndin taen mawj?" 23Yezsuz yaeng: "Jixzawh gawz ngaiq gux, zoq rux caqsiq biak kauq gux, Dez gux ngaiq dix mboqyaq, yaq gux daj dez gux bae zawj dix, daj dix zaemh ndowj. 24Gawz mboq ngaiq gux, zoq mboq biak kauq gux. Suq kauq su ruxnyinz naeh, mboq zawh gux haeggaj hax, zawh Dez nemz gux daeuj naeh yaix gux hax. 25Zwz gux naengz daj su zaemh yuq, gux haeuz daj su laemh le gaenqnaeh. 26Gajlej Dez ndaw fax goj naengz rux nemz laux saeh paenq goanz dij Sen naeh daeuj saeh gaenqsu hoak najgaengx gux, laux naeh zoq zawh Minghkoan dij Sen, dix rux gaj yowngh gaj zau su, goj hawj su nwh ndaej daengz suq kauq gux daj su hax naeh. 27Gux hawj zaw su yuqvangq, hawj zaw su yuqvangq daj zaw gux dungzlumj. Gux hawj su yuqvangq mboq daj dij goanz dihndin hawj su yuqvangq naeh dungzlumj. Gaenqsu laek dij, goj laek to'zaw liak. 28Gaenqsu ndaej biak gux hax yaq, gux mwz naengz daeuq dauh daeuj zawj su. Dih gux mwz naeh zawh zawj Dez ndaw fax. Dez ndaw fax dwx nyeuz gux. Baenzzaqnaeh jixzawh su zawh ngaiq gux zaeh, su ruxnyinz gux hax, gux mwz zawj Dez, su toj faengz mboqyaq. 29Gannaeh suq saeh naeh naengz mboq baenzzaeh, gux haeuz haxdoq su daekgoanq, suq saeh naeh baenzzaeh zwzrawz, hawj su rux sinq. 30Do gvanx dihndin gaengnaeh zaekgaj maz taeng yaj, baenzzaqnaeh gux mboq daj su laemh lai tem yaj. Dix dauq dih aeu gux hoakrawz mboq miz, 31gaj gux hoak gaenqnaeh, hoak gaenq Dez ndaw fax nemz gux hoak naeh, zawh hawj dij goanz dihndin ruxndeq gux ngaiq Dez. Dwnq maz, gaenqraeuz bae eh!"

Currently Selected:

Yezhanq 14: ZHN

Highlight

Copy