Zwz Nduq 16

Caqzah Daj Yixswhmaxliq

1 Sazlaih, mijmez Yaqbozlanh mboq rux zowngx lug hawj Yaqbozlanh. Sazlaih miz goanz puj koij nyingz ux minxzwh rongx hoak Caqzah, dix zawh puj Aizjih. 2Yaq Sazlaih zoq daj Yaqbozlanh hax: "Mawz lez, Yez'hoahhuah hawj gux mboq rux zowngx lug. Vanz mawz daj puj koij nyingz gux zaemhyuq, mbangjbaez dix rux saeh gux zowngx goanz lug zaiz ux." Yaqbozlanh zoq biak kauq Sazlaih. 3Yaq Sazlaih goanz mijmez Yaqbozlanh naeh zoq aeu goanz puj koij dix, goanz dij goanz Aizjih minxzwh hoak Caqzah naeh hawj po dix hoak mezlaeng. Mbaed naeh zawh zwz Yaqbozlanh yuq ndaw Zaznanh ndowj ndaej sip bi naeh. 4Yaqbozlanh daj Caqzah zaemhyuq, Caqzah mizndang. Caqzah daeh ruxndeq hoakri mizndang zoq lezmboqqix zaeuj dix Sazlaih. 5Yaq Sazlaih zoq daj Yaqbozlanh hax: "Zawh mawz mboq hoj, zawh mawz hawj ndiq naeh lezmboqqix gux. Gux aeu dix hawj mawz, dix ruxndeq hoakri dix mizndang zoq lezmboqqix gux. Doiq raeuz zawh gawz hoak loang, Yez'hoahhuah haeggaj ruxndeq." 6Yaqbozlanh yaeng dix: "Dix zawh puj koij mawz, dix yuq ndaw mungz mawz, mawz ngaiq hoak rawz doiq dix gojndae." Yaq Sazlaih zoq vazkuz Caqzah, Caqzah gaemx mboq ndaej zoq lenh gowx. 7Bin Yez'hoahhuah yuq haenz aen mboq ux mex Caqzah. Aen mboq naeh yuq ndaw doanghmowz, yuq haenz ka loh mwz Suz'ax. 8Bin Yez'hoahhuah daj Caqzah hax: "Caqzah, puj koij Sazlaih, mawz daeq rawz maz? Daz mwz rawz?" Caqzah yaeng: "Gux daeq dih zaeuj gux Sazlaih naeh gowx og maz." 9Bin Yez'hoahhuah hax: "Mawz daeuq dauh mwz dih zaeuj mawz, biak kauq dix hoak." 10Bin Yez'hoahhuah daeuq hax: "Gux toj hawj luglan mawz lai yaengh lai, mboq miz goanz gawz anq baenz.

11"Mawz lez, mawz mizndang,

zaekgaj miz maeng lug zaiz ux.

Mawz yauq saeh dix nyaek minxzwh hoak Yixswhmaxliq.#16:11 Yixswhmaxliq zawh hax: "Dij Sen ruxnyinz."

Unj Yez'hoahhuah haeuz ruxnyinz aen kaem mawz.

12Dix toj daj dix loix bo dungzlumj,

Dix daz saeuh daenh,

Daenh goj daz saeuh dix.

Dix toj daj paenq bihnongx dix dungzdix."#16:12 Dix toj daj paenq bihnongx dix dungzdix. Gaemz naeh goj ingj rux zawh hax: "Dix yuq baih tang'vaenz og paenq bihnongx dix."

13Yaq Caqzah hax: "Gux ndaej yuq inxnaeh leztaen dij Sen zauzhuz gux naeh ngah!" Dix zoq rongx minxzwh dij Sen hoak Lazhaixlaih. "Lazhaixlaih" zoq zawh hax: "Dij Sen zauzhuz dij goanz naeh." 14Yaq aen mboq naeh zoq rongx hoak Mboq-lazhaixlaih. Aen mboq naeh yuq jinghzang Zazdixswz daj Bazleh.

15Doaklaeng Caqzah saeh Yaqbozlanh zowngx maeng lug zaiz ux, Yaqbozlanh saeh dix nyaek minxzwh hoak Yixswhmaxliq. 16Zwz Caqzah saeh Yaqbozlanh zowngx Yixswhmaxliq naeh, Yaqbozlanh ndaej biad-sip-choak bi.

Currently Selected:

Zwz Nduq 16: ZHN

Highlight

Copy