Zwz Nduq 15

Dij Sen Daj Yaqbozlanh Dungzdingq

1Gvaq mbaed saeh naeh yaq, Yez'hoahhuah hawj Yaqbozlanh daj paen'hwnz dungzlumj ruxnyinz Yez'hoahhuah daj dix hax kauq. Yez'hoahhuah hax: "Yaqbozlanh, laek mbu. Gux zawh mbangh dwnqpaih yaz mawz naeh. Gux aeu hawj mawz lai taeuq." 2Gaj Yaqbozlanh yaeng dix: "Yez'hoahhuah, Zaeuj aj, gux ndowj gaenhnaeh naengz mboq miz lug, mawz aeu hawj gux lai, gux aeu hoak gaeng mux? Mbaedmawq za'dangq gux zawh aeu hawj Yixliqyixceq goanz Daqmaxseqgowh naeh naeujngaz. 3Mawz goj ruxndeq, mawz hawj gux goanz sup mboq miz. Mawz lez! Mawz hawj goanz puj koij yuq rownz gux zowngx naeh hoak goanz sup za'dangq gux." 4Yaq Yez'hoahhuah daeuq daj dix hax: "Puj koij mawz Yixliqyixceq mboq rux zawh goanz sup mawz. Mizgaj lugndiang mawz zux zawh goanz sup mawz." 5Yaq Yez'hoahhuah zowz dix bae baihnog daj dix hax: "Mawz lez mwz ndaw fax, anq ndaundiq, lez mawz anq baenz mbaeuq. Gux hawj luglan mawz lai daj ndaundiq dungzlumj." 6Yaqbozlanh sinq Yez'hoahhuah. Yez'hoahhuah zoq rongx dix hoak sowh goanz gaemz hax mboq miz naeh. 7Yez'hoahhuah daj dix hax: "Gux zawh Yez'hoahhuah. Cholaeng aeu dih naeh hawj mawz, gux zowz mawz daeq ndaw Zazlowhdix aen chaenh Uqax naeh ni maz." 8Yaqbozlanh hax: "Yez'hoahhuah, Zaeuj aj, vaenz mawz hawj gux taen saek yowngh, hawj gux ruxndeq dih naeh zawh gaenq gux zaeh." 9Yez'hoahhuah yaeng dix: "Mawz aeu meh moaz ux ndaej sam bi, meh mbejbo ux ndaej sam bi, taek mbejpaij ux ndaej sam bi, do noagbiadhaeb ux daj do noagchomj ux maz dih gux inx naeh." 10Yaqbozlanh zoq aeu suq doihdo naeh maz, hoak yowngh hoak yowngh paj, paj baenz song lit, lit ux ueq maz doq lit ux baiz. Gaj dij noag mboq paj. 11Miz sowh dij noag rux jin nowx naeh mbin daeuj now nowx Yaqbozlanh paj naeh. Yaqbozlanh zoq ndaq ni.

12Sowh gau tang'vaenz doak naeh, Yaqbozlanh noanzlaep ndae. Sowh gaunaeh haenzhenz dix mbaeddoag ndaem zumhzumh daj zwzndai mboq dungzlumj, nyinzndang taeuq. 13Yez'hoahhuah daj dix hax: "Ndaw zaw mawz ruxndeq zuxbaenz, mwznaj luglan mawz bae dih daenh dex ndowj mboqyaq, zoah hoak koij daenh, dij goanz dih naeh vazkuz paenqdix siq baeg bi. 14Gaj gux toj fah goh vazkuz paenqdix naeh mboqyaq. Paenqdix ni dih naeh zwzrawz, paenqdix tw za'hoq lai yaengh lai dauh maz. 15-16Taeng luglan mawz zoh daih siq naeh, paenqdix zoq daeuq dauh maz inxnaeh, unj, taeng zwz naeh puj Yaqmoahliq zoq mbowq tumj to, zoq zoah eh. Gaj doiq gaenq hoakri mawz maz hax, hawj mawz mingh riz, zaeu jeq, tai zwzrawz tai vangqdangh. Miz dij goanz aeu mawz mwz moak."

17Tang'vaenz doak, fax ndaem zumh, sowh gaunaeh, hubhaeb miz gongfaez ux laeuh ngauqngauq daj miz bongzfaez ux oq huhhuh, daeq jinghzang song paih nowx gvaq bae. 18Yez'hoahhuah daj Yaqbozlanh dungzdingq hax: "Gux hoak rawz goj aeu dih naeh hawj luglan mawz, dih naeh daeq ka dah Aizjih mwz taengdiak ka dah long Yaeuqfahlazdix. 19Zoq zawh daeq dih puj Jiznih, puj Jiznihcix, puj Zahmoahnih, 20puj Howx, puj Bixliqcix, puj Liqfahyinz 21puj Yaqmoahliq, puj Zaznanh, puj Gowhzazsax, puj Yezbuqsez ndowj naeh."

Currently Selected:

Zwz Nduq 15: ZHN

Highlight

Copy