Zwz Nduq 14

Siq Laux Saeq Daj Haj Laux Saeq Dungzsaeuh

1-2Miz mbaed ux, miz siq laux hongz daj haj laux hongz dungzsaeuh. Baih siq laux hongz naeh zawh laux hongz Swqnah minxzwh hoak Anzlazfaez,#14:1-2 Swqnah doaklaeng rongx hoak Bazbixlunh. laux hongz Yixlazsah minxzwh hoak Yaqyoah, laux hongz Yixlanh minxzwh hoak Jizdaqlauxmax, laux hongz Gowzyinq minxzwh hoak Tihdah. Baih haj laux hongz naeh zawh laux hongz Soaxdozmax minxzwh hoak Bixlaz, laux hongz Owhmoahlaz minxzwh hoak Bixsaz, laux hongz Yaqmax minxzwh hoak Swqnaq, laux hongz Cizbenq minxzwh hoak Sanqyixbeh, laux hongz Bixlaz. Bixlaz goj rongx hoak Soaxex. 3Haj laux hongz daj bin paenqdix yuq oa Cizdinq dungzmex, oa Cizdinq zoq zawh oa Haij Gow. 4Laemh maz zawh baenzzaqnaeh, haj laux hongz naeh paenqdix zoah Jizdaqlauxmax gvanx sipngih bi, bi sipsam naeh paenqdix zoq mboq biak dix.

5Bi sipsiq naeh Jizdaqlauxmax daj le laux hongz zaemh baih dix naeh zowz bin mwz saeuh puj dihndai. Paenqdix mwz ndaw mbanj Yaqtowhlih saeuh bex puj Liqfah'inz, mwz ndaw Hazmowh saeuh bex puj Suzciz, mwz dih piang Jizlehtinh saeuh bex puj Yixmix, 6mwz ndaw bo Cizex, dih puj Hoahliq ndowj naeh, saeuh bex puj Hoahliq, goq saeuh saeuh, saeuh mwz daeux diak Yixlowh-bazlanh. Yixlowh-bazlanh yuq henz doanghmowz. 7Paenqdix zowz bin dauh maz Anz-mihbaz. Anz-mihbaz gau'zawjraeuz rongx hoak Zazdixswz. Paenqdix saeuh bex daengzle puj Yaqmaxlih nauq, saeuh bex sowh puj Yaqmoahliq yuq ndaw Hazcixcunh-Tazmax ndowj naeh.

8Sowh zwz naeh, laux hongz Soaxdozmax, laux hongz Owhmoahlaz, laux hongz Yaqmax, laux hongz Cizbenq, laux hongz Bixlaz,#14:8 Sw dij Sen Bwnz Aeu Kauq Cizboahlaiz Mai Naeh inxnaeh naengz miz gaemz ux hoakzaqnaeh: "Bixlaz zoq zawh Soaxex." haj laux hongz naeh zoq zowz bin og daeuj, yuq ndaw Oa Cizdinq dox taj, zunxbiq saeuh 9Jizdaqlauxmax laux hongz ndaw Yixlanh naeh, Tihdah laux hongz ndaw Gowzyinq naeh, Anqlazfaez laux hongz ndaw Swqnah naeh, Yaqyoah laux hongz ndaw Yixlazsax naeh. Haj laux hongz naeh zoq daj siq laux hongz naeh dungzsaeuh. 10Laemh Oa Cizdinq naeh, gaj dih gaj miz roangj, ndaw roangj miz sowh ux nwk taeuq. Haj laux hongz naeh saeuh mboq bex, gau laux hongz Soaxdozmax daj laux hongz Owzmoahlaz lenh gowx naeh, mbangj goanz doak bae ndaw roangj, mbangj goanz lenh gowx mwz ndaw bo. 11Siq laux hongz naeh longx za'hoq daj kaeujpyaek Soaxdozmax daj Owhmoahlaz nauq. 12Laemh zwz naeh Loahdowh, goanz lug zaiz goz Yaqbozlanh naeh, ndowj ndaw Soaxdozmax. Dix goj zoah siq laux hongz gaengnaeh gaep bae, za'hoq goj zoah longx bae.

Yaqbozlanh Mwz Jeuq Loahdowh Dauh Daeuj

13Miz goanz ux lenh gowx daeuj aeu mbaed saeh naeh haxdoq Yaqbozlanh goanz puj Cizboahlaiz naeh. Laemh zwz naeh Yaqbozlanh yuq haenz mbamq maex dwx ux ndowj, mbamq maex dwx naeh zawh gaenq Manqliq, Manqliq zawh puj Yaqmoahliq. Manqliq daj bihnongx dix Yixswzgoah, Yaqnaiq, paenqdix haeuz bwnz daj Yaqbozlanh hoak zaemh baih. 14Yaqbozlanh daeh ruxnyinz lug zaiz goz dix Loahdowh zoah daenh gaep, dix zoq zowz dij goanz ndaw rownz dix, sowh puj rux mbaedmungz naeh sam-baeg-laeng-sipbiad goanz mwz daem siq laux hongz naeh, daem mwz daeux taengdiak aen chaenh Danq naeh. 15Dix yuq dih naeh aeu dij goanz dix hoak jij gaj boangx, zang'hwnz mwz saeuh, saeuh bex baih siq laux hongz gaengnaeh. Dix daem paenqdix daem mwz taengdeg Hoahbax dih baih bowhfangz Daqmaxseqgowh naeh. 16Yaq jeuq lug zaiz goz dix Loahdowh, puj nyingz, sowh dij goanz daenh gaep mwz naeh daeuj nauq, goj longx ndaej za'hoq gaenq siq laux hongz longx mwz naeh, daj daengzle za'hoq Loahdowh daeuj.

Mowhjizcixdowh Vanz Dij Sen Gumx Yaqbozlanh

17 Yaqbozlanh saeuh bex baih Jizdaqlauxmax, zwz dix daj sowh dij goanz baih dix dauh maz naeh, laux hongz Soaxdozmax maz ndaw Sazvaez raep dix. Sazvaez goj rongx hoak Oa laux hongz. 18Mowhjizcixdowh laux hongz ndaw Saxlaengx naeh goj tw binx daj laeuj maegkaeu'it maz raep Yaqbozlanh. Mowhjizcixdowh zawh puj mbud laux Sen dwx nyeuz daengzle naeh. 19Mowhjizcixdowh hoakzaqnaeh vanz dij Sen gumx Yaqbozlanh:

"Ngwz dij Sen dwx nyeuz daengzle naeh,

dij Sen chauq pumhfax daj dihndin naeh gumx Yaqbozlanh!

20Dij Sen dwx nyeuz daengzle naeh aeu baihdaenh nyaengx maz ndaw mungz mawz,

hoj biangz dix!"

Yaqbozlanh aeu gaenqdix ndaej naeh daengzle sip gong aeu gong ux hawj Mowhjizcixdowh. 21Doaklaeng laux hongz Soaxdozmax daj Yaqbozlanh hax: "Vanz mawz daeuq aeu dij goanz Soaxdozmax hawj gux, gaj za'hoq gaenq saeuh bex ndaej naeh mawz aeu bae ndeh!" 22Yaqbozlanh yaeng dix: "Gux yuq doqnaj Yez'hoahhuah, dij Sen chauq fax daj dihndin naeh, dij Sen dwx nyeuz daengzle naeh hax zaehzaeh, 23gux mboq rux aeu za'hoq mawz, daengz laenj mae ux, laenj sai'haiz ux gux naengz mboq rux aeu, yaj mbaedmawq mawz hax zawh cholaeng mawz hawj gux baenzsaq! 24Mizgaj gaenq dij goanz gux jin yaq naeh, gvaqmaz gux gaeng goj mboq aeu. Gaj le goanz daj gux zaemh baih naeh, Yaqnaiq, Yixswzgoah daj Manqliq, paenqdix hoj ndaej gajrawz, mawz zoq baen hawj gajrawz."

Currently Selected:

Zwz Nduq 14: ZHN

Highlight

Copy