Zwz Nduq 13

Yaqbozlanh Daeuq Dauh Maz Zaznanh

1Yaq Yaqbozlanh zoq zowz mez dix, Loahdowq, daengzle ni Aizjih daeq mwz baih bowhfangz, mwz taeng ndaw Nanhdiq. 2Laemh zwz naeh, Yaqbozlanh haeuz baenzsaq, miz doihdo, jim daj ngaenz lai yaengh lai. 3Doaklaeng paenqdix ni dih naeh, gaj ndowj gaj ban mwz baih bowhfangz, zaekgaj daeux Boztowhliq. Dix dauh mwz taeng dih jinghzang Boztowhliq daj Aiq naeh, dih koax daekgoanq dix daengj zangjpungh 4daj daengj aen kuq tin mbud dij Sen ux naeh. Dix yuq dih naeh mbud Yez'hoahhuah, aeu Yez'hoahhuah hoak dij Sen maengx. 5Loahdowq, goanz daj Yaqbozlanh mwz rawz zaemh mwz rawz naeh goj miz dij goanz lai, miz dij moaz, miz dij mbej. 6Song rownz dix, dij moaz, dij mbej raengh taeuq, miz lai boangx gvaq. Dih naeh mboq doh paenqdix zaemh ndowj. 7Puj dawzmbej Yaqbozlanh daj puj dawzmbej Loahdowq dungzjeng. Yaq laemh zwz naeh dih naeh goj mboq zawh mizgaj dij goanz Yaqbozlanh daj dij goanz Loahdowh yuq, miz daengz puj Zaznanh daj puj Bixliqcix yuq dih naeh ndowj. 8Yaq Yaqbozlanh daj Loahdowh hax: "Gaenqraeuz ndiang baenzzaqnaeh, laek dungzjiang. Puj dawzmbej mawz daj puj dawzmbej gux goj laek dungzjiang. 9Gaenqraeuz dungzbyaeg. Dih naeh yuq doqnaj mawz. Mawz ngaiq bae baih rawz goj ndaej. Jixzawh mawz bae baih saix, gux zoq bae baih sa. Jixzawh mawz bae baih sa, gux zoq bae baih saix." 10Lohdowh lez haenzhenz, leztaen daeq haenz ka dah Yezdanq mwz taeng Soaxex zawh gaj dih piang gangq, naemx lai, daj oax sownq Yez'hoahhuah dungzlumj, goj daj Aizjih dungzlumj. Laemh zwz naeh Yez'hoahhuah naengz mboq ndaep Soaxdozmax chaenh daj Owzmoahlaz chaenh. 11Yaq Loahdowh zoq lowg dih doangh piang haenz ka dah Yezdanq naeh. Yaq dix ban bae baih tang'vaenz og, dih dix lowg naeh. Song goanz dix zoq hoakzaqnaeh dungzbyaeg. 12Yaqbozlanh ndowj ndaw Zaznanh, Loahdowh yuq haenz le longq doangh piang naeh ndowj. Yaq Loahdowh goj ban ban zangjpungh, ban mwz taeng haenz longq Soaxdozmax. 13Dij goanz Soaxdozmax yuq doqnaj Yez'hoahhuah hoak loang dwx taeuq.

Dij Sen Inq Aeu Dih Ux Hawj Yaqbozlanh Daj Luglan Dix

14 Loahdowh ni Yaqbozlanh yaq, Yez'hoahhuah daj Yaqbozlanh hax: "Mawz yuq dih mawz in naeh lez mwz baih bowhfangz, baih nanhfangz, baih tang'vaenz og, baih tang'vaenz doak, lez mwz naeuz gvae ux. 15Gux aeu suq mawz leztaen naeh hawj mawz daj luglan mawz daengznauq. 16Gux hawj luglan mawz lai daengz mboq miz gawz anq baenz. Dij goanz mizgaj anq mowdmoanz baenz zux anq luglan mawz baenz. 17Gux toj aeu dih naeh hawj mawz, baenzzaqnaeh mawz mwz ndeh, daeq lez daengz dih naeh nauq." 18Hoakzaqnaeh Yaqbozlanh caeu zangjpungh goq ban ban, ban mwz Cizboahlunh, yuq dih mbamq maex dwx Manqliq naeh ndowj. Dix yuq dih naeh daengj aen kuq tin ux mbud Yez'hoahhuah.

Currently Selected:

Zwz Nduq 13: ZHN

Highlight

Copy