Zwz Nduq 11

Mbaed Saeh Aen Rownz Sung Bazbeh

1Zwz nduq, dij goanz dawj fax zux miz yowngh kauq doag, hax zaemh yowngh kauq. 2Zwz paenqdix ban mwz baih tang'vaenz og naeh, yuq ndaw Swqnah mex doangh piang ux, zoq yuq dih naeh ndowj. 3Paenqdix laemh: "Hoak eh, gaenqraeuz hoak chown, pyaeu chown hawj dix nyaeb." Paenqdix zoq aeu chownpyaeu dang tin daep, aeu sowh ux nwk taeuq dangq namh maz buj. 4Paenqdix hax: "Maz, gaenqraeuz daengj chaenh dwx ux, ndaw chaenh naeh hawj dix miz aen rownz ux sung yaengh sung, niangz dix sung daeux fax. Hawj daenh leuz raeuz daengznauq. Hoakzaqnaeh raeuz zux mboq goanz ux yuq dih ux." 5Dij goanz daengj longq naeh daj aen rownz sung naeh. Gaj paenqdix naengz daengj mboq ndae, Yez'hoahhuah zoq lez daeuj leztaen aen chaenh naeh daj aen rownz sung naeh. 6Yez'hoahhuah hax: "Lez, paenqdix zawh zaemh sowh dij goanz hax zaemh yowngh kauq. Gannaeh yaengxgaj hoak sowh naeh, jixzawh hawj paenqdix hoak mwznaj, mbaedmawq paenqdix ngaiq hoak gaeng zoq hoak gaeng. 7Bae eh, gaenqraeuz loangz bae, hawj kauq paenqdix nyungjnyangj nauq, hawj paenqdix goanz mboq ruxnyinz goanz hax gaeng." 8Yaq Yez'hoahhuah hawj paenqdix dungzbyaeg; hawj paenqdix mboq zaemh yuq dih ndeu. Paenqdix zoq mboq daengj aen chaenh naeh. 9Yez'hoahhuah hawj daengzle kauq dij goanz dihndin nyungjnyangj nauq, yaq aen chaenh naeh zoq rongx hoak Bazbeh. "Bazbeh" zoq zawh hax: nyungjnyangj. Dij Sen hawj paenqdix dungzbyaeg, mboq zaemh yuq dih ndeu.

Luglan Sanx

10Suq baih dawj inxnaeh zawh luglan Sanx. Gvaq naemxnongz ndaej song bi yaq, Sanx ndaej baeg bi, dix miz Yaqfahsax. 11Sanx miz Yaqfahsax yaq, dix naengz zaeu haj baeg bi, dix goj naengz miz lug zaiz lug nyingz tem.

12Zwz Yaqfahsax ndaej samsip-haj bi naeh, dix miz Sazlaz. 13Yaqfahsax miz Sazlaz yaq, dix naengz zaeu siq baeg laeng sam bi, dix goj naengz miz lug zaiz lug nyingz tem.

14Zwz Sazlaz ndaej samsip bi naeh, dix miz Cizboh. 15Sazlaz miz Cizboh yaq, dix naengz zaeu siq baeg laeng sam bi, dix goj naengz miz lug zaiz lug nyingz tem.

16Zwz Cizboh ndaej samsip-siq bi naeh, dix miz Fahlowh. 17Cizboh miz Fahlowh yaq, dix naengz zaeu siq baeg laeng samsip bi, dix goj naengz miz lug zaiz lug nyingz tem.

18Zwz Fahlowh ndaej samsip bi, dix miz Lazvuh. 19Fahlowh miz Lazvuh yaq, dix naengz zaeu song baeg laeng gaeuj bi, dix goj naengz miz lug zaiz lug nyingz tem.

20Zwz Lazvuh ndaej samsip-ngih bi, dix miz Cizluh. 21Lazvuh miz Cizluh yaq, dix naengz zaeu song baeg laeng jiat bi, dix goj naengz miz lug zaiz lug nyingz tem.

22Zwz Cizluh ndaej samsip bi, dix miz Nazhowh. 23Cizluh miz Nazhowh yaq, dix naengz zaeu song baeg bi, dix goj naengz miz lug zaiz lug nyingz tem.

24Zwz Nazhowh ndaej ngihsip-gaeuj bi, dix miz Tazlaz. 25Nazhowh miz Tazlaz yaq, dix naengz zaeu baeg ux laeng sipgaeuj bi, dix goj naengz miz lug zaiz lug nyingz tem.

26Taeng Tazlaz ndaej jiatsip bi, dix miz Yaqbozlanh, Nazhowh daj Hazlaenh.

Luglan Tazlaz

27Suq baih dawj inxnaeh zawh mai gaenq luglan Tazlaz. Tazlaz miz Yaqbozlanh, Nazhowh, Hazlaenh. Hazlaenh miz Loahdowh. 28Hazlaenh goakrownz dix yuq ndaw Zazlowhdix aen chaenh Uhex naeh. Dix yuq goakrownz dix tai. Zwz dix tai naeh, dez dix Tazlaz naengzgaj zaeu. 29Yaqbozlanh raep Sazlaih, Najhowh raep lug nyingz Hazlanh, goanz minxzwh hoak Mihzaz. Hazlaenh zawh dez Mihzaz daj dez Yiqzaz. 30Sazlaih mboq rux zowngx lug, dix mboq miz lug. 31Tazlaz zowz Yaqbozlanh, Loahdowh, Sazlaih daz ni ndaw Zazlowhdix aen chaenh Uhex naeh mwz Zaznanh, gaj paenqdix mwz taeng aen chaenh Hazlanh naeh zoq yuq dih naeh ndowj. Yaqbozlanh zawh lug Tazlaz; Loahdowh goanz lug zaiz Hazlanh naeh zawh lan Tazlaz; Sazlaih goanz mez Yaqbozlanh naeh zawh mijloz Tazlaz. 32Tazlaz yuq ndaw Hazlanh tai. Zwz dix tai naeh dix ndaej song baeg laeng haj bi.

Currently Selected:

Zwz Nduq 11: ZHN

Highlight

Copy