Zawxkauq 7

1Goanz gvanx puj mbud dij Sen saeq dwx nyeuz daengzle naeh cham: "Sowh saeh naeh zawh zaeh vah?" 2Sowztihfanx hax: "Le goz aj, le cuh aj, daengzle aj, gaenqsu biak gux hax. Puj jeq rownz raeuz Yaqboahlazhanq, zwz dix yuq ndaw Maexsoahbuqdahmixyaq, naengz mboq mwz Hazlanh ndowj naeh, dij Sen dwx nyeuz daengzle naeh daeuj 3daj dix hax:

"‘Mawz ni goakrownz mawz,

ni changzrownz mawz,

mwz dih gux haeggaj lingz mawz mwz naeh.’#7:3 Gaemz kauq naeh haeuz yuq Sw Zwz nduq 12:1.

4"Yaqboahlazhanq zoq ni dih dij goanz Zazlowhdix naeh#7:4 Dij goanz Zazlowhdix yuq ndaw Maexsoahbuqdahmixyaq ndowj, gannaeh rongx hoak Yizlazkowh., mwz ndaw Hazlanh ndowj. Dez dix tai yaq, dij Sen daeuq lingz dix maz taeng dih su gannaeh ndowj naeh. 5Yuq dih naeh dij Sen mboq aeu raehnaz hawj dix, daengz dih ndowj naengz mboq miz. Gaj dij Sen yinq dix, yinq aeu dih naeh hawj dix daj luglan dix hoak dih yuq dih hoakjin. Hax lej hoakzaqnaeh hax, gaj zwz naeh Yaqboahlazhanq naengz mboq miz lug zaiz. 6Dij Sen daj dix hoakzaqnaeh hax:

"‘Mwznaj luglan mawz bae dih daenh dex ndowj mboqyaq, dij goanz dih naeh hawj paenqdix hoak puj koij, vazkuz paenqdix siq baeg bi.’#7:6 Gaemz kauq naeh haeuz yuq Sw Zwz nduq 15:13.

7"Dij Sen daeuq hax:

"‘Gaj gux toj haeggaj fah goh hawj paenqdix hoak puj koij naeh,

Luglan mawz og daeuj yaq, yuq dih inxnaeh kvej gux.’#7:7 Gaemz kauq naeh haeuz yuq Sw Zwz nduq 15:14; Sw Ni Aizjih 3:12.

8Dij Sen daj Yaqboahlazhanq dungzdingq, dij Sen yaix puj zaiz paenqdix hoak diauq zauh heh naeh. Hoak diauq zauh heh naeh zoq zawh hax paenqdix daj dij Sen dungzdingq gaenq naeh.#Zwz Nduq 17:9. Baenzzaqnaeh, Yaqboahlazhanq miz Yitsaeg yaq, vaenz daih biad zoq saeh dix hoak diauq zauh heh naeh. Yitsaeg miz Yaqgowh, Yaqgowh miz sipngih goanz puj jeq rownz raeuz. 9Puj jeq rownz raeuz ta'ndaem nongx zaiz paenqdix Yezsowh, aeu dix kai bae Aizjih. Gaj dij Sen daj dix zaemh yuq, 10dix miz aen nanq gaeng, dij Sen goj jeuq dix, dij Sen hawj dix miz aen gvai, hawj laux hongz Aizjih ngaiq dix. Laux hongz hawj dix gvanx daengz Aizjih daj rownz laux hongz nauq. 11Doaklaeng, Aizjih daj daengz ndaw Zaznanh nauq kaeujpyaek mboq yawz, zoah zwzyaeg, miz nanq dwx. Puj jeq rownz raeuz kaeuj nauq, 12Yaqgowh ruxnyinz Aizjih miz kaeuj leux, zoq nemzle lug zaiz dix zoq zawh puj jeq rownz raeuz bae Aizjih swx kaeuj, baez naeh zawh baez nduq. 13Baez daih ngih paenqdix bae Aizjih, Yezsowh zux haxdoq le bihnongx zaiz dix dix zawh Yezsowh, laux hongz goj zux ruxndeq le bihnongx zaiz rownz Yezsowh. 14Yezsowh zoq nemz le bihnongx zaiz dix mwz qingj dez dix Yaqgowh daj daengz rownz jiatsip-haj goanz daeuj dih dix naeh. 15Yaq, Yaqgowh bae Aizjih ndowj, doaklaeng puj jeq rownz raeuz daengz Yaqgowh daengz rawz yuq ndaw Aizjih tai. 16Luglan paenqdix aeu paenqdix maz ndaw Swqjenq, aeu moak ndaw mohbujreuh dih Yaqboahlazhanq aeu ngaenz swx daeq luglan Hazmoah maz naeh.

17"Zaekgaj taeng sowh zwz dij Sen yinq Yaqboahlazhanq naeh, dij goanz Yixsowhleh yuq ndaw Aizjih gaj laeng gaj raengh, 18taengdiak zwz Aizjih miz laux hongz mawq ux mboq ruxndeq suq saeh Yezsowh naeh saek'i.#7:18 Gaemz kauq naeh haeuz yuq Sw Ni Aizjih 1:8. 19Dix goix taeuq hoak mbowq dwk puj jeq rownz raeuz, vazkuz dij goanz raeuz, bih paenqdix aeu lug eng viangh, mboq hawj lug eng zaeu. 20Sowh zwz naeh, Moahciz zoq taennaj, yuq ndaw zaw dij Sen, dij Sen aeu dix hoak goanz ux.#7:20 Gaemz kauq naeh goj rux hax: Sowh zwz naeh, Moahciz zoq taennaj, dix chaekzaemz taeuq. Lez ndaw Sw Ni Aizjih 2:2. Bohmeh Moahciz lupliamx yuq ndaw rownz zowngx dix ndaej sam ndown. 21Doaklaeng, aeu dix bae nyaengx haenz dah, lug nyingz laux hongz Aizjih zaep dix mwz, aeu dix hoak lugzowngx. 22Dij goanz Aizjih rux hoak gaeng, Moahciz goj zau rux hoak nauq, rux hax kauq daj rux hoaksaeh taeuq. 23Bi dix ndaej siqsip bi naeh, dix zawx haeggaj ta'taen dij goanz Yixsowhleh dix singjringh, dix zoq mwz. 24Dix mwz taeng dih paenqdix naeh, dix leztaen miz goanz Aizjih ux qiz dij goanz Yixsowhleh dix. Dix jih laeng goanz zoah qiz naeh, zoq kaj goanz Aizjih naeh tai. 25Moahciz faeklaih dij goanz Yixsowhleh dix ruxndeq dij Sen aeu mungz dix jeuq paenqdix, gaj dij goanz Yixsowhleh mboq ruxndeq. 26Vaenzlaeng, dix leztaen song goanz Yixsowhleh dungzsaeuh, zoq chownq paenqdix dungzndae, dix hax: ‘Gaenqsu gawz goj zawh dij goanz Yixsowhleh, baenzzaqrawz naengz dungzdup mux?’ 27Gaj goanz haeggaj qiz dij goanz Yixsowhleh hoakri naeh ngex Moahciz ni, hax: ‘Gawz hawj mawz hoak puj saeq dwx piu ah? Gawz hawj mawz hoak puj saeq paeg saeh piu ah? 28Nazniz mawz daz kaj gux daj vaenzvaz mawz kaj goanz Aizjih naeh dungzlumj wx?’#7:28 Gaemz kauq naeh haeuz yuq Sw Ni Aizjih 2:14. 29Moahciz ruxnyinz gaemz kauq naeh, zoq lenh gowx mwz ndaw Mixdenq, yuq dihnaeh dex ndowj. Doaklaeng, dix miz song goanz lug zaiz. 30Gvaq ndaej siqsip bi, yuq ndaw doanghmowz Bo Ciznaiq, miz goanz bin dij Sen ux yuq ndaw bungz maexnam miz faez naeh hawj Moahciz taen. 31Moahciz taen sowh saeh mboq sanz taen naeh, dix sawz taeuq, dix zawx leztaen singjringh. Dix zoq daeq mwz naj, gau dix naengz mwz mboq taeng naeh, miz hiang kauq Zaeuj daj dix hax: 32‘Gux zawh dij Sen puj jeq rownz mawz, zoq zawh dij Sen Yaqboahlazhanq, Yitsaeg, Yaqgowh naeh.’#7:32 Gaemz kauq naeh haeuz yuq Sw Ni Aizjih 3:6. Moahciz saenq raeuhraeuh, mboq ganz ngangh to lez. 33Zaeuj daj dix hax: ‘Tod haiz mawz, unj, dih mawz in naeh zawh dih dij Sen. 34Dij goanz gux yuq ndaw Aizjih ndaej jinkaem baenzzaqrawz, gux leztaen singjringh, hiang paenqdix gongz, gux goj ruxnyinz yaq, gux loangz daeuj jeuq paenqdix. Mawz maz! Gux nemz mawz dauh bae Aizjih.’#Ni Aizjih 3:7-8; 10. 35Goanz Moahciz naeh zoq zawh goanz dij goanz Yixsowhleh viangh dix, jinj dix hax ‘Gawz hawj mawz hoak puj saeq dwx piu daj puj saeq paeg saeh piu ah?’ Gaj dij Sen hawj goanz bin dij Sen yuq ndaw bungz maexnam hawj Moahciz leztaen naeh lowg Moahciz, hawj dix hoak saeq dwx, hoak goanz jeuq dij goanz Yixsowhleh naeh. 36Goanz Moahciz naeh lingz dij goanz Yixsowhleh daeq Aizjih og daeuj, zwz yuq ndaw Aizjih naeh, zwz gvaq Haij Ndiang naeh, siqsip bi yuq ndaw doanghmowz naeh, dix hoak sowh saeh mboq sanz taen naeh daj sowh saeh ndaw fax naeh lai taeuq. 37Goanz Moahciz naeh daeklaeng goj hoakzaqnaeh haxdoq dij goanz Yixsowhleh: ‘Bae'naj dij Sen rux yaeuj bihnongx su goanz ux hoak puj zawxkauq dix, daj gux dungzlumj.’#7:37 Gaemz kauq naeh haeuz yuq Sw Faxlih Daih Ngih 3:6. 38Goanz Moahciz naeh ndaej yuq ndaw doanghmowz daj daengzle dij goanz Yixsowhleh zaemh yuq, zoq zawh hax daj puj jeq rownz raeuz zaemh yuq. Dix yuq ndaw Bo Ciznaiq daj goanz bin dij Sen daj dix hax kauq naeh zaemh yuq, dix ndaej biaknyinz sowh kauq hawj dij goanz ndaej aen mingh naeh yaq aeu hawj raeuz. 39Puj jeq rownz raeuz mboq venq biak dix, naengz viangh dix, ndaw zaw ueq bae doq Aizjih. 40Paenqdix daj Yaqlunh hax: ‘Laux Moahciz laux naeh, lingz gaenqpiu daeq Aizjih og daeuj, piu mboq ruxndeq dix gannaeh mex zoah gaeng saeh, mawz chauq jij yowngh sen ux, hawj paenqdix lingz loh piu.’#7:40 Gaemz kauq naeh haeuz yuq Sw Ni Aizjih 32:1; 23. 41Yaq paenqdix hoak do moaz jim ux, mbud do moaz jim naeh, hoak gaenqnaeh naengz faengz nyauznyauz. 42Dij Sen ueqnaj ni paenqdix, jizzaz paenqdix mbud tang'vaenz, aen hai, gaenq ndaw fax. Daj Sw puj zawxkauq dij Sen mai naeh dungzlumj:

"‘Yixsowhleh aj, siqsip bi su yuq ndaw doanghmowz naeh,

su aeu doihdo daj sowh gaenq aeu mbud naeh mbud hawj gux vah?

43Gaenqsu tam zangjpungh Moahloah, ndaundiq Lixpanz,#7:43 Moahloah daj Lixpanz zawh song aen minxzwh dij sen zaj. Dij goanz Zaznanh rongx tang'vaenz hoak dij sen paenqdix, minxzwh zoq rongx hoak Moahloah. Dij goanz Aizjih aeu ndaundiq hoak dij sen, minxzwh rongx hoak Lixpanz.

zoq zawh sowh gaenq su aeu hoak dij sen su mbud naeh,

naengz mboq venq aeu le gaenqnaeh viangh.

Baenzzaqnaeh, gux daem su ni dih ux naengz gvae nyeuz Bazbixlunh.’#7:43 Gaemz kauq naeh haeuz yuq Sw Azmoahswz 5:23-27.

44"Puj jeq rownz raeuz yuq ndaw doanghmowz, miz aen zangjpungh dij Sen, aen zangjpungh naeh ndaw dix miz aen gvih dungzdingq gaengnaeh, aen zangjpungh naeh zawh Moahciz hoakzaq sowh rangh Yez'hoahhuah yaix dix naeh hoak. 45Aen zangjpungh naeh, puj jeq rownz raeuz zoh aeu hawj zoh. Zwz dij Sen yuq doqnaj paenqdix daem dij goanz yowngh ndai ni naeh,#Ni Aizjih 25:8-9. paenqdix daj Yezsuzyaq ban aen zangjpungh naeh mwz dih dij Sen aeu hawj paenqdix hoakjin naeh, taengdeg zwz laux hongz Daqvaeq naeh. 46Dij Sen yumq zaemz Daqvaeq, Daqvaeq vanz dij Sen saeh rownz Yaqgowh cha dih ndowj ux.#7:46 Gaemz naeh Sw dij Sen mbangj bwnz hoakzaqnaeh hax: Dij Sen zaemz Daqvaeq, Daqvaeq vanz dij Sen hawj dix saeh dij Sen Yaqgowh cha dih ndowj ux. Zoq zawh hax Daqvaeq vanz dij Sen hawj dij goanz Yixsowhleh miz aen rownz dij Sen ux. 47Gaj doaklaeng, zawh Soaxloahmaenh, goanz lug zaiz Daqvaeq naeh, saeh dij Sen daengj rownz dij Sen. 48Gaj dij Sen dwx nyeuz daengzle naeh mboq ndowj sowh rownz dij goanz daengj naeh. Daj puj zawxkauq dij Sen hax naeh dungzlumj:

49"‘Zaeuj hax: "Fax zawh daengq gux,

dihndin zawh aen daengq aeu sowq dej din gux naeh.

Gaenqsu saeh gux daengj sowh rownz dij Sen rawz mux?

Dih rawz zux zawh dih gux ced mux?

50Ndaw fax daj dihndin daengzle nauq mboq zawh gux haeggaj aeu mungz gux chauq maj?"’#7:50 Gaemz kauq naeh haeuz yuq Sw Yixsaiqyaq 66:1-2.

51"Gaenqsu hoz nyaeb gaenq hoak hoanh hoanh, zaw su daj chu su ding taeuq, daj naengz mboq hoak diauq zauh heh naeh dungzlumj, kwnzkwnz dix Minghkoan dij Sen. Puj jeq rownz su hoakrawz, su goj zaemh hoakrawz. 52Pujzawxkauq dij Sen gawz goj zoah puj jeq rownz su haiq. Pujzawxkauq dij Sen gawz laemh zoah goanz gaemz hax mboq miz naeh, hax goanz naeh rux daeuj, gawz goj zoah puj jeq rownz su kaj. Gannaeh, goanz paenqdix laemh naeh daeuj, su kai dix, kaj dix tai. 53Gaenqsu zawh sowh puj ndaej fahlih dij Sen naeh, fahlih dij Sen zawh dij Sen hawj bin dix haxdoq su. Gaj gaenqsu mboq biak fahlih dij Sen."

Goanzlai Aeu Tin Saeuh Sowztihfanx Tai

54Paenqdix biak suq kauq naeh yaq, jih daengz mboq zawh haxnyaeux, gaet faenz maz doq Sowztihfanx. 55Minghkoan dij Sen dumh daengz ndang Sowztihfanx, dix ngangh to lez mwz doq ndaw fax, daengz ta mboq yaep saw, dix leztaen dij Sen miz najta taeuq, goj leztaen Yezsuz in yuq baih qensa dij Sen. 56Sowztihfanx zoq hax: "Gux leztaen fax aj eh, goanz rongx hoak Lug Dij Goanz#7:56 Aen minxzwh Lug Dij Goanz naeh yuq Sw Danqyixlix 7:13-14. Pujzawxkauq dij Sen, Danqyixlix, hax: Zang'haemh gux daj paen'hwnz dungzlumj leztaen miz goanz ux daj lug dij goanz dungzlumj. Dix kviq pajfax maz dih dij Sen bwnzmiz miz daengznauq naeh. Daenh zoq lingz dix mwz doqnaj dij Sen naeh. Gaenqdix ndaej dawjfax sowh rux gvanx daengzle naeh, gaj goanz gaj biangz dix, gaj goanz gaj biak dix. Hoakzaqnaeh, goh rawz gojvenj, changz rawz gojvenj, dij goanz hax sowh kauq rawz gojndae daengzle biangz dix, nowngz dix. Lug dij Goanz gvanx daenh daengznauq, mboq miz gawz hawj goh dix lown. naeh in yuq baih qensa dij Sen!" 57Daengzle caqsiq rongx, paenqdix mboq zawx biak Sowztihfanx hax tem, zoq aeu mungz oat chu hoakri, nyenj mwz doq Sowztihfanx, 58ngex dix bae haenz chaenh, aeu tin saeuh dix. Sowh puj gauq dix naeh tod sowj riz hoakri hawj goanz mbauqreauh ux dawz, goanz mbauqreauh naeh rongx hoak Sauxloah. 59Gau paenqdix aeu tin saeuh naeh, Sowztihfanx rongx: "Yezsuz, Zaeuj aj, vanz mawz deq minghkoan gux owh!" 60Yaq dix gvih bae dihndin, daeuq caqsiq rongx: "Zaeuj aj, paenqdix hoakzaqnaeh dup gux, paenqdix hoakzaqnaeh hoak loang; laek aeu sowh gaenq hoakloang naeh hawj paenqdix tw!" Hax gah, dix zoq tai.

Currently Selected:

Zawxkauq 7: ZHN

Highlight

Copy