Zawxkauq 6

Lowg Jiat Goanz Gaem Gaenqjin

1Zwz naeh, cohsaenz Yezsuz gaj laeng gaj miz lai. Puj Yaeuhtaiq sowh puj goak kauq Cizlah naeh hax puj Yaeuhtaiq sowh puj goak kauq Cizboahlaiz naeh. Paenqdix hax sowh yah po haeuz tai yaq goak kauq Cizboahlaiz naeh vaenz vaenz baen ndaej kaeujpyaek, gaj sowh po haeuz tai yaq goak kauq Cizlah paenqdix naeh kwnzkwnz baen mboq ndaej kaeujpyaek. 2Sipngih goanz dij goanz zawxkauq Yezsuz zoq rongx daengzle cohsaenz Yezsuz maz, daj paenqdix hax: "Jixzawh gaenqpiu mboq aeu kauq dij Sen koanx dwk daenh, bae gaem gaj gaenqjin, zawh mboq hoj. 3Baenzzaqnaeh, paenq bihnongx aj, gaenqraeuz hoj lowg boangx su jiat goanz zaiz maz gaem jenz gaem gaenqjin. Jiat goanz naeh, puj ndai gawz goj doiq dix mboq miz gaemz gaeng, ndang miz Minghkoan dij Sen, miz aen gvai, zoq hawj jiat goanz naeh gaem gaenqjin. 4Gaj gaenqpiu mbeh'ej, caqsiq daj dij Sen hax kauq, zau daenh." 5Daengzle venq, yaq lowg Sowztihfanx, Sowztihfanx mizzaw sinq dij Sen taeuq, miz Minghkoan dij Sen dumh daengz ndang dix, daeuq lowg Faezliq, Boahloahgozloah, Nihzaznoaq, Tihmaenh, Bazmixnah, Nihgozlaz goanz dij goanz ndaw Anztih'az naeh. Goanz Nihgozlaz naeh mbaednduq mboq zawh puj Yaeuhtaiq, gaj dix haeuz byenqbaenz puj Yaeuhtaiq yaq. 6Yaq paenqdix hawj sowh dij goanz paenqdix lowg naeh in doqnaj dij goanz zawxkauq Yezsuz. Dij goanz zawxkauq Yezsuz daj dij Sen hax kauq yaq, aeu mungz baed bae now paenqdix.

7Gaj laeng gaj miz goanz lai ruxnyinz kauq dij Sen, yuq ndaw Yezluqsaxlaengx, dij Sen hawj cohsaenz Yezsuz za lai taeuq. Puj mbud dij Sen goj miz lai taeuq sinq Yezsuz, biak kauq dix.

Sowztihfanx Zoah Daenh Goangz

8Dij Sen yumq doiq Sowztihfanx ndae taeuq, aeu doakriangz hawj dix, dix yuq doqnaj daengzle hoak saeh dwx sowh saeh mboq sanz taen naeh daj sowh saeh ndaw fax naeh. 9Zwz naeh, aen rownzndawcowq Liqbowhdiqnah#6:9 Liqbowhdiqnah zawh hax sowh dij goanz naeh mbaednduq zawh puj koij, doaklaeng ndaej zoangq daeuj. naeh miz jij goanz ux daj dij goanz ndaw Guxliqnaiq, Yaqlihsanzdaq, Jizliqzaz daj Yaqciqyaq daeuj dih Sowztihfanx naeh, paenqdix daj dix dungzjinj. 10Gaj Sowztihfanx miz minghkoan dij Sen, aeu aen gvai hax kauq, paenqdix hax bex dix mboq ndaej. 11Yaq paenqdix zoq aeu ngaenzjenz oat daenh, hawj daenh moakndai Sowztihfanx, miz dij goanz hax: "Gaenqpiu ruxnyinz dix hax mbowq Moahciz daj dij Sen!" 12Paenqdix daeuq coak goanzlai, coak puj saeq puj Yaeuhtaiq, coak sowh lauxswz zau Sw Dij Sen naeh. Sowh puj paenqdix coak naeh zoq maz goangz Sowztihfanx, gaemh dix mwz ndaw hoiq puj Yaeuhtaiq. 13Paenqdix yaix daenh hax kauqzaj, moakndai Sowztihfanx, hoakzaqnaeh hax: "Sowztihfanx kwnzkwnz haxmbowq rownz dij Sen daj fahlih Moahciz. 14Baenzzaq gaenq naeh, gaenqpiu ndaej ruxnyinz dix hoakzaqnaeh hax: ‘Yezsuz ndaw Nazsahlowh daz vaih rownz dij Sen, daz gaix sowh Moahciz zauh daeuj hawj raeuz naeh.’" 15Sowh dij goanz yuq ndaw hoiq naeh, daengzle lez dix daengz ta mboq yaep nauq, leztaen naj dix daj naj bin dij Sen dungzlumj.

Currently Selected:

Zawxkauq 6: ZHN

Highlight

Copy