Zawxkauq 17

Dij Goanz Ndaw Tehsaxloahnihzaz Luanq Mbukmbuk

1 Bauxloah daj Cizlaz gvaq Anqfaezpozlix chaenh daj Yaqbozloahnihyaq chaenh, maz taeng Tehsaxloahnihzaz chaenh. Dihnaeh miz rownzndawcowq puj Yaeuhtaiq. 2Bauxloah hoakzaq zwzndai dix mwz rownzndawcowq naeh ndonj mwz rownzndawcowq, sam aen cinzqiz dungzdam, gaj aen cinzqiz gaj Vaenz Cednoiq naeh mwz rownzndawcowq. Dix aeu Sw Dij Sen daj paenqdix dungzjinj, 3hax Jizduz ndaej jin kaem, zoah daenh kaj, tai yaq daeuq zaeu zux baenz. Dix daeuq hax: "Goanz Yezsuz gux laemh dwk su naeh zoq zawh Jizduz." 4Puj Yaeuhtaiq, miz dij goanz biak Bauxloah koanx yaq zoq sinq Zaeuj, zoq nowngz Bauxloah daj Cizlaz, goj miz puj Cizlah sowh puj ruxndeq mbu dij Sen naeh lai taeuq sinq Zaeuj, mehrownz sowh puj miz najta naeh goj miz lai sinq Zaeuj. 5Gaj puj Yaeuhtaiq sowh puj mboq sinq naeh ta'ndaem. Paenqdix bae hangzhw rongx puj mbowq, gaj laeng gaj boangx dwx, daengz chaenh luanq mbukmbuk, paenqdix daemh mwz rownz Yezsaenz, daz jenj Bauxloah daj Cizlaz aeu daeuj hawj goanzlai. 6Paenqdix cha mboq taen Bauxloah daj Cizlaz, zoq laeg Yezsaenz daj bihnongx ndaw zauqhoiq jij goanz ux bae dih puj saeq naeh, hoakzaqnaeh rongx: "Boangx coak dij goanz dawj fax mboq dungzhoj naeh goj daeuj inxnaeh yah. 7Yezsaenz hawj paenqdix yuq rownz dix. Paenqdix mboq biak kauq Kaixsax,#17:7 Kaixsax zoq zawh hax: "Laux hongz dwx nyeuz daengzle naeh." Laemh zwz naeh, puj Loahmax gvanx lai aen gohzaz, lai laux hongz taeuq, zawh kaixsax dwx nyeuz daengzle. hax naengz miz laux hongz ux rongx hoak Yezsuz." 8Goanzlai daj puj saeq dih naeh biak suq kauq naeh yaq, ndaw zaw yuq mboq vangq taeuq. 9Puj saeq chaenh naeh yaix Yezsaenz daj puj ndai aeu jenz maz yah nyaengx, zoq zoangq paenqdix.

Bauxloah Daj Cizlaz Bae Ndaw Biqlixyaq Chaenh

10Zang'haemh, bihnongx zoq soangqloh Bauxloah daj Cizlaz, doiq naeh zoq bae Biqlixyaq chaenh. Song goanz dix bae taeng yaq, zoq ndonj mwz rownzndawcowq puj Yaeuhtaiq. 11Dij goanz dih naeh singj nyeuz dij goanz Tehsaxloahnihzaz chaenh. Paenqdix venq biak kauqfaengz dij Sen, vaenz vaenz lez Sw Dij Sen, zawx lez sowh kauq Bauxloah hax naeh zawh mboq zawh zaeh. 12Doaklaeng paenqdix miz dij goanz sinq Yezsuz lai taeuq, goj miz puj Cizlah sowh puj miz najta naeh lai taeuq sinq, mehrownz goj miz, puj zaiz goj miz. 13Gaj puj Yaeuhtaiq sowh puj yuq ndaw Tehsaxloahnihzaz naeh ruxnyinz Bauxloah yuq ndaw Biqlixyaq koanx kauq dij Sen, zoq maz dih naeh coak goanzlai dix Bauxloah. 14Bihnongx zoq yaix Bauxloah bae haenz haij, Cizlaz daj Tihmoaxtaiq naengz yuq ndaw Biqlixyaq. 15Sowh puj soangq Bauxloah bae naeh soangq dix bae taengdeg Yaxdenx chaenh. Paenqdix tw kauq Bauxloah dauh maz Biqlixyaq, yaix Cizlaz daj Tihmoaxtaiq bae Yaxdenx nowngz dix naeuz kvaiq ux.

Bauxloah Yuq Ndaw Yaxdenx Chaenh

16Zwz Bauxloah yuq Yaxdenx chaenh taj Cizlaz daj Tihmoaxtaiq naeh, dix leztaen Yaxdenx daengz chaenh mizgaj sowh do aeu kaeuz hoak dij sen zaj naeh, ndaw zaw dix zoq yuqraix taeuq. 17Baenzzaqnaeh dix mboq zawh yuq gaj rownzndawcowq aeu kauqfaengz dij Sen chownq puj Yaeuhtaiq daj sowh puj yowngh ndai ruxndeq mbu dij Sen naeh, dix goj yuq hangzhw aeu kauqfaengz dij Sen chownq sowh dij goanz daj dix dungzmex naeh. 18Bauxloah yuq hangz hw laemh Yezsuz haeuz tai yaq daeuq zaeu, dij goanz Cizlah paiq Yizbihjeuznux naeh daj paiq Sezdozyaq naeh lauxswz paenqdix zoq maz daj Bauxloah laemh kauq, paenqdix mbangj goanz hax: "Dix mbyauj gaeng mux?" Mbangj goanz hax: "Dix lumjzaq koanx sen pi dih ndai." 19-20Paenqdix zoq zowz dix mwz aen hoiq Yaxdenx paenqdix. Aen hoiq naeh rongx hoak Yaqleh-bazgux. Paenqdix hax: "Sowh diauq mawz laemh naeh, gaenqpiu zawx ruxndeq sowh saeh naeh zawh hax gaeng. Sowh diauq mawz zau naeh piu mboq sanz ruxnyinz, hawj piu ruxndeq mah." 21Laemh zwz naeh, puj Yaxdenx daj sowh dij goanz maz ndaw Yaxdenx ndowj naeh, mboq ngaiq yowngh ndai, nanghgaj zawh gaenq mawq, gaenq ndog gaenq ndae paenqdix goj ngaiq laemh. 22Bauxloah in ndaw hoiq Yaqleh-bazgux hax: "Daengzle dij goanz Yaxdenx aj, gux taen su zwzzwz mbud sen pi gaengraeuh. 23Gau gux daeq ndaw hangz naeh, gux caqsiq lez dih su mbud sen pi gaengraeuhsih naeh. Miz aen kuq aeu mbud dij sen ux, now dix laiz: ‘Aeu mbud hawj dij sen mboq ruxnaj naeh.’ Dij sen su mboq ruxnaj gaj su biangz daj mbud naeh, gannaeh gux haxdoq su dix zawh sowh dij Sen rawz. 24Dix zawh dij Sen chauq fax, dihndin daj daengzle nauq naeh. Taeng'hax dix zawh Zaeuj fax daj dihndin, dix zoq mboq ndowj sowh rownz aeu mungz dij goanz daengj naeh, 25goj mboq yungq dij goanz aeu gaeng hawj, mboq yungq dij goanz kvej gaenqjin hawj dix, lumjzaq dix cauz gaeng ndeu. Aen mingh, minghkoan, daengzle nauq zawh hoakri dix aeu hawj dij goanz. 26Dij goanz dawj fax puj gaeng goj zawh daeq goanz doag daeuj. Zawh dij Sen hoakzaqnaeh chauq dij goanz. Dij Sen hawj dij goanz yuq daengz dihndin nauq ndowj. Dij goanz yuq dihndin zaeu gajrawz ndowj daj yuq ijrawz ndowj, zawh dij Sen gvanx nauq. 27Dij Sen hoakzaqnaeh hoak, zawh hawj dij goanz cha dix, mbangjzwz rux cha taen dix. Gajlej laemh zaeh maz dix daj gaenqraeuz daj gawz goj yuq dungzzawj taeuq naeuj.

28"‘Zawh dix hawj raeuz zaeu,

zawh dix hawj raeuz hoak raeng raeng,

zawh dix hawj raeuz miz.’

Daj puj Cizlah su sowh puj laiz sw naeh hax dungzlumj:

"‘Gaenqraeuz goj zawh luglan dix.’

29Taeng'hax gaenqraeuz zawh luglan dij Sen, gaenqraeuz zoq mboq baenz faeklaih dij Sen daj sowh gaenq dij goanz aeu kaeuz hoak rangh dij sen ux naeh dungzlumj, le gaenq naeh zawh dij goanz aeu mbaedmungz dij goanz daj ndaw zaw dij goanz nwh, yaq aeu jim, ngaenz, tin kaeuz hoak rangh dij sen ux naeuj. 30Koax daekgoanq, koax dij goanz mboq ruxnaj dij Sen naeh, dij Sen mboq aeu gaenq hoakloang dij goanz nyaengx zaw. Gaj gannaeh, dij Sen yaix dij goanz dihndin hoak loang yauq rux gaix. 31Unj vaenz saenxpanq dij goanz naeh dix haeuz dingq yaq, dix yaix goanz dix lowg naeh saenxpanq daengzle dij goanz dawj fax nauq, goanz naeh toj saenxpanq hoj mboqyaq. Dij Sen hawj dix tai yaq daeuq zaeu, hawj dij goanz ruxndeq goanz naeh zoq zawh goanz daeuj saenxpanq dij goanz naeh."

32Goanzlai ruxnyinz dix hax dij goanz tai yaq daeuq zaeu, zoq miz dij goanz kosaemj dix, gaj goj miz dij goanz hax: "Gaenqpiu daeuq biak mawz koanx gaenqnaeh tem maj." 33Bauxloah zoq ni paenqdix og bae. 34Gaj miz jij goanz ux maz haenz dix, sinq Zaeuj, hoak cohsaenz Yezsuz. Paenqdix miz goanz ux zawh Deuznihceuz goanz puj saeq ndaw hoiq Yaqleh-bazgux, miz yah mehrownz ux rongx hoak Daqmaxlix, yaq naengz miz tem.

Currently Selected:

Zawxkauq 17: ZHN

Highlight

Copy