Zawxkauq 1

Yezsuz Yaix Dij Goanz Zawxkauq Dix Taj Minghkoan Dij Sen

1 Tih'azfaezloah laux saeq aj, mawz ruxndeq gux haeuz laiz bwnz sw ux hawj mawz yaq, laemh sowh gaenq Yezsuz hoak naeh zau naeh, zoq zawh laemh daeq zwz dix hiamq hoak hiamq zau naeh, 2mwz taengdeg vaenz dix zoah raep mwz ndaw fax naeh, zoq zawh vaenz dix aeu Minghkoan dij Sen saengq sowh dij goanz zawxkauq dix lowg naeh. 3Yezsuz jinkaem yaq, dix hoak lai yowngh taeuq hawj dij goanz zawxkauq dix ruxndeq dix haeuz daeuq zaeu. Siqsip vaenz naeh dix hawj dij goanz zawxkauq dix taen, goj haxdoq paenqdix goh dij Sen baenzzaqrawz.#1:3 Goh dij Senzoq zawh hax: "Dij Sen haeggaj daeuj gvanx dij goanz dix." 4Zwz Yezsuz naengz daj paenqdix zaemh yuq naeh, dix hoakzaqnaeh saengq paenqdix: "Gaenqsu laekgah ni Yezluqsaxlaengx, taj Dez hoak diauq dix ndaej yinq naeh, diauq gux haeuz daj su hax yaq naeh. 5Zoq zawh hax Yezhanq aeu naemx hoak diauq zauh soiq naeh,#1:5 Yezhanq aeu naemx saeh sowh puj ndaw zaw gaix naeh hoak diauq zauh soiq naeh, vanz dij Sen yangq gaenq hoakloang paenqdix, hoakzaqnaeh daj aeu naemx saeh paenqdix soiq ndang dungzlumj. gaj gvaq jij vaenz ux, dij Sen aeu Minghkoan dix saeh su hoak diauq zauh soiq naeh."

Yezsuz Mwz Ndaw Fax

6Gau paenqdix daj Yezsuz zaemh yuq naeh, paenqdix cham Yezsuz: "Zaeuj aj, mawz daz gannaeh hawj dij goanz Yixsowhleh raeuz daeuq haeggaj gvanx Goh Yixsowhleh raeuz mbyah?" 7Yezsuz hax: "Zwzrawz, vaenz rawz, mizgaj Dez ndaw fax miz qenhliq dingq, mboq zawh gaenq hoj hawj su ruxndeq. 8Gaj Minghkoan dij Sen daeuj ndang su zwzrawz, gaenqsu zoq ndaej doakriangz. Yaq su zoq yuq ndaw Yezluqsaxlaengx, daengz mbanj Yaeuhdaq nauq, bae mbanj Saxmaxliqyaq, bae daengz dawj fax nauq, haxdoq daenh gaenqsu ndaejtaen gux hoak gaeng raeuh daj ruxnyinz gux hax gaeng raeuh." 9Hax gaemz kauq naeh nauq yaq, gau paenqdix naengz gaj lez Yezsuz naeh, Yezsuz zoah raep mwz ndaw fax, miz kvaix pajfax ux yaz dix, paenqdix zoq lez mboq taen dix. 10Gau dix kwnj mwz naeh, paenqdix lez dix daengz ta mboq yaep nauq, hubhaeb miz song goanz, nungh sowj kau rux rungh, in yuq haenz paenqdix. 11Song goanz naeh daj paenqdix hax: "Dij goanz mbanj Zazliqliq aj, baenzzaqrawz in lez fax mux? Yezsuz goanz ni su mwz, zoah raep mwz ndaw fax naeh, gaenqsu leztaen dix hoakzaqrawz mwz ndaw fax, mwznaj dix goj naengz hoakzaqrawz daeuq dauh daeuj."

Lowg Maxtihyaq Hoak Dij Goanz Zawxkauq Yezsuz

12Yaq paenqdix daeq Bo Maeghit dauh mwz Yezluqsaxlaengx, Bo Maeghit daj Yezluqsaxlaengx chaenh dungzliq mboq gvae lai, gvae teq Vaenz Cednoiq hawj daeq naeh. Laemh zwz naeh Vaenz Cednoiq mboq jinx daeq gvaq song liz. 13Paenqdix mwz taeng Yezluqsaxlaengx, ndonj mwz aen rownz ux, kwnj mwz hauh daih ngih dix, zoq zawh aen rownz dij goanz zawxkauq Yezsuz ndowj naeh. Hax tiq maz zoq zawh aen rownz Bihdowh, Yezhanq, Yaqgowh, Anzdowhleh, Faezliq, Dozmax, Bazdozloahmaix, Maxtaiq, Yaqgowh goanz lug zaiz Yaqlowhfaez naeh, Cizmaenh goanz yuq ndaw dangxpaiq Faenqroiq naeh,#1:13 Dangxpaiq Faenqroiqdaj Baih Cizlih zawh dangqbaih. Dangxpaiq naeh mboq venq biak fahlih Loahmax. Yaeuhdaq goanz lug zaiz Yaqgowh naeh yuq ndaw dix ndowj naeh. 14Boangx goanz naeh daj jij yah mehrownz ux, Maxliqyaq meh Yezsuz daj le nongx zaiz Yezsuz, daengzle zaemh yuq, hoak zawdoag daj dij Sen hax kauq, hax haen laez haen lih.

15Zwz naeh, miz vaenz ux, paenq bihnongx ndaw zauqhoiq naeh miz teq baeg-ux-laeng-ngihsip goanz ux naeh maz zaemh yuq. Bihdowh in maz, daj daengzle hax: 16"Daengzle bihnongx gux aj, zwzpujjeq Minghkoan dij Sen haeuz hawj laux hongz Daqvaeq laemh zoah Yaeuhdaq goanz zowz dij goanz maz gaep Yezsuz naeh. Sowh kauq ndaw Sw Dij Sen laemh naeh gaemz rawz goj baenzzaeh mboqyaq. 17Goanz Yaeuhdaq naeh mbaednduq zawh daj raeuz zaemh boangx, zawh gaenqraeuz goanz ux, dix daj piu dungzlumj ndaej hoak dij goanz zawxkauq Yezsuz." 18Dix aeu sowh jenz dix hoak mbowq ndaej naeh swx oax naz ux. Doaklaeng dix zoq doak bae ndaw naz dix, dongx tiag saej roh. 19Gawz yuq Yezluqsaxlaengx ndowj gawz goj ruxndeq mbaed saeh naeh, baenzzaqnaeh dij goanz ndaw Yezluqsaxlaengx aeu kauq paenqdix rongx oax naz naeh hoak Yaqgowhdaqmax, zoq zawh hax: "Naz lowd."

20Unj yuq ndaw bwnz Sw Lownx naeh, laux hongz Daqvaeq hoakzaqnaeh laiz:

"‘Ngwz dih dix ndowj naeh byenqbaenz dih mowz, mboq miz gawz yuq’;#1:20 Gaemz kauq naeh haeuz yuq Sw Lownx 69:25.

Goj hoakzaqnaeh laiz:

"‘Ngwz daenh daeb sownq dix hoak naeh.’#1:20 Gaemz kauq naeh haeuz yuq Sw Lownx 109:8.

21-22"Baenzzaqnaeh gaenqraeuz baenz lowg goanz ux daeb Yaeuhdaq, hawj dix daj piu zaemh hoak dij goanz zawxkauq Yezsuz, zaemh haxdoq daenh dix goj ndaej taen Yezsuz tai yaq daeuq zaeu. Gaj goanz naeh baenzzaqnaeh zuxbaenz, jeh Yezsuz daj piu zaemh yuq naeh dix goj kwnz daj piu zaemh yuq. Zoq zawh hax goanz naeh ndaej daeq vaenz Yezhanq saeh Yezsuz hoak diauq zauh soiq naeh maz taeng vaenz Yezsuz zoah raep mwz ndaw fax ni raeuz mwz naeh, kwnz daj piu zaemh yuq.

23Yaq daengzle lowg maz song goanz, goanz ux rongx hoak Yezsowh, daenh goj rongx dix hoak Bazsaxbaz daj Yaeuhswqduz, goanz ux rongx hoak Maxtihyaq. 24Daengzle zoq hoakzaqnaeh vanz dij Sen: "Zaeuj aj, mawz ruxndeq ndaw zaw dij goanz. Song goanz naeh, vanz mawz hawj piu ruxndeq goanz rawz zawh goanz mawz lowg, 25hawj dix hoak dij goanz zawxkauq Yezsuz, hawj dix daeb Yaeuhdaq goanz haeuz viangh sownq dix hoak, mwz dih hoakri dix baenz mwz mboqyaq naeh." 26Yaq daengzle maz ipqen, lez ip zoah gawz, doaklaeng ip zoah Maxtihyaq, dix daj sip'aet goanz dij goanz zawxkauq Yezsuz zaemh hoak dij goanz zawxkauq Yezsuz.

Currently Selected:

Zawxkauq 1: ZHN

Highlight

Copy