Joel 1
1
C'ulubetic la slajinbey sit awalts'unubil
1Joel snich'an Petuel, tal ta stojol yu'un Cajwaltic te c'op in to:
2Mamaletic soc ta apisilic te yajwalex te lumq'uinale,
aiybon me awaiyic jc'op.
Mamaletic, ¿ay bal bi ora jich awilojic
te bit'il ya awilic ta ora in to?
¿Ay bal awilojic jich te pajal soc
te c'alal cuxulic ta q'uinal a te ame'-atatique?
3Albeya me yaiy awal-anich'nabic,
soc ac'a me yalbey yaiy yal-snich'nabic,
jichic uuc ac'a me yalbeyic te mach'atic
ya to x'ayin yu'unique.
4Spisil lajinot ta c'ulubetic;#Dt 28.38; Jl 2.2-11; Am 4.9; 7.1.
te bay c'alal jil yu'une, tal te yantique,
la slajinic ta jc'axel.
5¡Cuxa awo'tanic, ja'ex jyacubeletic!
Ochanic ta oq'uel, j'uch'-vinoetic,
melel ya me awich'ic pojbeyel te ya'lel ts'usub awu'unique.
6Melel te c'ulubetique, pajal soc
soldadoetic te bayal yipique,
pajal sbaquel yeic soc león-choj,
pajal scolmilloic soc me' león-choj,#Ap 9.8.
ja'ic ju' yu'unic yochintayel te lumq'uinal cu'une.
7La slajinbotiquix te jts'usubiltique;
la set'botiquix te higueraetic cu'untique.
Jc'axel la xcho'botiquix spat,
asta sacubix jilel sc'abc'ab yu'un.
8Pajal soc c'anbil ach'ix,
te ya x'oc' soc te ya slap ch'ixal pac'
ta scaj te laj mach'a quechel ya xnujbin soque,
9jich nix yacalic ta oq'uel te sacerdoteetic.
Melel ta templo ma'yuquix sit trigo tey a
soc ma'yuquix vino yu'un smajt'an Cajwaltic.
10Te lumq'uinal jochol jilel;
te lumq'uinaletic, yacalic ta mel-o'tan.
Jc'axel laj te trigoe,
jc'axel taquejix te ts'usubiletique,
sayubeniquix te olivoetique.
11Ja'ex te ya x'at'ejex ta yawil trigo soc ta yawil ts'usubile,
oc'anic me yu'un mel-o'tan.
Melel ma'yuc swentail c'ot te ts'unubiletic,
ma'yuc swentail c'ot te sit trigo,
soc ma'yuc swentail c'ot te sit cebada.
12Taquejix te ts'usubile,
tojol ch'ay te higueraetique.
Taquin a jilic uuc te granadoetic, te palmaetic,
soc ste'el manzanaetic,
soc ta spisil ste'el te q'uinaletique.
Jich ch'ay te yutsil yo'tanic spisil te
ants-winiquetique.#Os 4.3; Am 4.6-9.
13Jichex uuc sacerdoteetic
te ya awac' abaic ta abatinel ta scajtijib ta chiq'uelsmajt'an Dios,
lapaic ch'ixal pac', oq'uetaya te templo.
Melel ta templo yu'un Dios awu'unic,
ma'yuquix trigo soc cebada ni vino
yu'un smajt'an Dios.
14Tsobaic te lume, coma awe'elic;
tsobaic ta templo yu'un Cajwaltic,
ja' te Dios awu'unique.
Tsobaic te ancianoetic
soc ta spisil te yajwal lumq'uinale,
c'oponaic te Cajwaltique.
15¡Ay! Ya xnoptsajix sc'aalelal te Cajwaltique.
Mero xiweltic sba te c'aal in to;
ya me yich'botic tel lajel,
ja' lajel yu'un te Mach'a Spisil ya xju' yu'une.#Is 13.6; Ez 30.2-3; Sof 1.14-18.
16Q'uelel jsitic a la quich'tic pojbeyel
te jwe'eltique;
ch'ay te yutsil q'uinal la caiytic ta templo
yu'un te Dios cu'untique.
17Te ts'unubile, laj ta surcoil;
lajix te trigo, jinix te snaile.
18Xme'lajan te chambalametique.
Tojol ya sle swe'elic te wacaxetique;
ta stsojbol te chijetic ayic ta chamel.
19Cajwal, ja'at ya jc'oponat,
melel lajix ta chiq'uel ta c'ajc' c'oem
te swamalel te jochol q'uinale,
soc lajix ta c'ajq'uel te te'etic ta q'uinaletique.
20Yacal to ta aw ta atojol te ja'mal chambalametic,
ja' yu'un te tup'ix ya'lel te beja'etique,
lajix ta chiq'uel ta c'ajc' c'oem te swe'elique.#Am 7.4-5.
Currently Selected:
Joel 1: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
