1 Pedro 5

Scanantayel te jch'uunjeletique

1Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe. 2Canantayaic te chijetic yu'un Dios#Jn 21.15-17. te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele. 3Ma me xacuy abaic ta ajwalil ta stojol te mach'atic acanantayejique. Yu'un ja' ejemploex yu'un te chijetique. 4Jich te c'alal ya xchicnaj te Mach'a mero Jwolwanej yu'un te jcanan-chijetique,#Heb 13.20. ya me awich' acoronaic te ma sna' xlaj soc te jelawen yutsile.

Consejo ta stojol jch'uunjeletique

5Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel:

“Dios scontroinej te mach'atic stoyoj sbaique.

Yan te mach'a peq'uel yac'oj sbaique, ya xc'uxtay stuquel”,#Pr 3.34; Stg 4.6. te xie.

6Jich yu'un pejc'ana me abaic ta sc'ab Dios te bayal yu'ele. Jich me ya yaq'uex ta ich'el ta muc' teme la sta yorail yu'une.#Mt 23.12; Lc 14.11; 18.14; Stg 4.10. 7Ac'beya swentainbeyex spisil amel-o'tan te Diose, te melel ja' ya scanantayex spisil ora stuquel.#Sal 55.22; Mt 6.25-34.

8Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e. 9Aiyaic me tsalaw ta swenta te xch'uunjel awo'tanique. Na'aic me te jich nix yac ta c'oel ta pasel ta stojol te quermanotactic te ayic ta spamal balumilale. 10Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic. 11Ac'a mandalajuc sbajt'el q'uinal stuquel te Diose. Jichuc.

Spatjibal-o'tanil ta slajibal

12Te quermanotic Silvano#Hch 15.22,40. te jun yo'tan xch'uunej ya quil te Diose, la jmajanbey sc'ab soc yo'tan ta spasel in jun to. Tey la jtac'uyex a soc la cac'beyex ana'ic stojol te bit'il ay yutsil yo'tan ta mero melel te Diose. Jc'axel ainanic ta bay te xc'uxul yo'tane.

13Te jch'uunjeletic te ay ta Babilonia#Hch 12.12,25; 13.13; 15.37-39; Col 4.10; Flm 24. te pajal tsabilex yu'un te Diose, soc te Marcose, te jnich'an c'oem ta co'tane, ya sticunbeyex spatjibal awo'tanic uuc. 14Te ja'exe patbeya aba awo'tanic juju-jtulex ta ch'ul bujts'iyel ta swenta te xc'uxul awo'tan abaique.

Lamaluc me q'uinal ya awaiyic ta apisilic te ayex ta swenta te Jesucristoe. Jichuc.

Currently Selected:

1 Pedro 5: TZOXCH

Highlight

Copy