Tatanigaina 36

Ira Pagusu Ka Iso

1Iahi mu ia tuturina ira pagusu ka Iso, ta va kudo ghini Idomu haro.

2Iso mu neke varihio ka palu fotatidi Kenani: Ada ia tuunaghase Eloni ka ia butubutu-noni Heti nia Oholibama ia tuunaghase Ana ia fotati ta kahe kakamane ka Zibeoni ka ia butubutu-noni Hivi, e ghua. 3Manei neke varihio molamo ka Basemati ia tuunaghase Isimaeli nia ia ta keranafotati Nebaioti, e ghua.

4Ada ia ghaseborona Iso neke va dolini kaike tuunamane babaolonana Elifazi; Basemati neke va dolini kaike tuunamane babaolonana Reueli. 5Oholibama mu neke va doliri lito tuunamane babaolodira Zeusi, Zalamu, nia Kora, e ghua. Irahi haro lamu tuunamanera Iso dike doliro ani Kenani.

6Ianimu tuna ghe neke hiori nga Iso ira ghaseborona, ira tuunamane, ira tuunaghase nia ira leghu noni nga ka ia suga manei, taremehadira ira leghu nona tagukava nga nia ira vahina nona leghutau nga neke hioriro manei ka ia malau Kenani, neke rizu lao ghu ka keha malauna mo, ghahe kainina Zekopu ia tahinamane taghona. 7Neke ghahe nga Iso mu, vununa ia kava ka dike auno maneri palu neke deo ge fata ghu maladina maneri ka fafata ianimu. Ira tagukava popohi ka maneri palu dike puina tehi fuludu. 8Iso (Idomu ia ta ghua ghini haro) neke la au hinae ghu ka ia soloso voruhuna Seia.

9Irahi mu dike pagusura ka Iso ira faadi ira butubutu-nonidi Idomu ka ia malau voruhuna Seia.

10Irahi mu babaolodira ira tuunamane Iso:

Elifazi ia tuunamane Ada ia ghaseborona Iso, nia Reueli ia tuunamane Basemati ia ghaseborona Iso.

11Irahi mu dike tuunamanera Elifazi:

Temani, Oma, Zefo, Gatamu nia Kenazi.

12Elifazi ia tuunamane Iso neke kurui molamo kaike ghaseboro irogha babaolonana Timina neke va dolinio kaike tuunamane babaolonana Amaleki. Nodi kakaghasena maneri mu Ada ia ghaseborona Iso.

13Irahi mu dike tuunamanera Reueli:

Nahati, Zera, Sama nia Miza. Nodi kakaghasena maneri mu Basemati ia ghaseborona Iso.

14Irahi mu dike tuunamanera ia ghaseborona Iso, Oholibama ia tuunaghase Ana nia ia ta kahe kakamane ka Zibeoni neke va doli vananio Iso:

Zeusi, Zalamu nia Kora.

15Irahi mu dike faghinara ka ira pagusu Iso:

Irahi mu dike tuunamanera Elifazi ia ta doli va kenu ka Iso:

Faghina Temani, Oma, Zefo, Kenazi, 16Kora, Gatamu nia Amaleki e ghua. Irahi mu faghina dike pagusu mehara ka Elifazi ani Idomu. Ada mu neke nodi kakaghasena maneri.

17Irahi mu dike tuunamanera Reueli ia tuunamane Iso:

Faghina Natani, Zera, Sama nia Miza. Irahi mu faghina dike pagusu meharo ka Reueli ani Idomu; Basemati ia ghaseborona Iso mu neke nodi kakaghasena maneri.

18Irahi mu dike tuunamanera Oholibama ia ghaseborona Iso:

Faghina Zeusi, Zalamu nia Kora. Irahi mu faghina dike pagusu mehara ka ia ghaseborona Iso, Oholibama ia tuunaghase Ana.

19Maneri lamu ira kokolo dike pagusu meharo ka Iso (ia ta va kudo ghini Idomu haro) nia irahi mu dike faghinara ka maneri.

20Irahi mu babaolodira dike pagusura ka Seia ia tanina ka ia butubutu Hori dike auro ka ia kavana Idomu:

Lotani, Sobala, Zibeoni, Ana, 21Disoni, Eza nia Disani. Irahi mu dike pagusu ka Seia dike faghinadi ghu Hori.

22Irahi mu dike pagusura ka Lotani:

Hori ghe Homamu. Timina mu neke keranafotati Lotani.

23Irahi mu dike pagusura ka Sobala:

Alavani, Manahati, Ebala, Sefo nia Onamu.

24Irahi mu dike pagusura ka Zibeoni:

Aia ghe Ana. (Iahi mu ia Ana neke fininio ia ketuhu futu ta sisito ka ia malau koroghana ta karango ka ia fafata la va mahairi ka sesehu ira dongiki ka Zibeoni ia nona mama taghona.)

25Irahi mu dike rekahara ka Ana:

Disoni ia tuunamane nia Oholibama ia tuunaghase.

26Irahi mu dike pagusura ka Disoni:

Hemudani, Esibani, Itirani, nia Kerani.

27Irahi mu dike pagusura ka Eza:

Bilihani, Zavani nia Akani.

28Irahi mu dike pagusura ka Disani:

Uzi ghe Arani.

29Irahi mu manefaara ka ia butubutu Hori:

Lotani, Sobala, Zibeoni, Ana, 30Disoni, Eza nia Disani. Maneri mu dike manefaara ka ia butubutu Hori dike auro ka ia kavana Seia.

Ira Mane Ginitaukeladi Idomu

31Irahi mu ira mane ginitaukela dike kopuro Idomu ghe dike meha kopuro nga ira keha mane ginitaukeladi Isiraeli:

32Bela ia tuunamane Beo neke meha mane ginitaukelana Idomu. Babaolonana ia malau leghaha ka manei mu Dinihaba.

33Zobabu ia tuunamane Zera ia tanina Bozara neke tetu mane ginitaukelana ka ia lemena Bela.

34Ka ia lemena Zobabu, Husamu neke auno ka ia kava ka ia butubutu-noni Temani, neke tetu mane ginitaukela holarina manei.

35Ka ia lemena Husamu, Hadadi ia tuunamane Bedadi neke paufuriro ira nonidi Midiani ka ia malau Moabu neke tetu mane ginitaukelana. Babaolonana ia malau leghaha ka manei mu Aviti.

36Ka ia lemena Hadadi mu, Samula neke auno ka ia malau leghaha Masareka neke tetu mane ginitaukelana.

37Ka ia lemena Samula mu, Saolo neke auno Rehoboti ka ia ketuhu leghaha neke tetu mane ginitaukelana.

38Ka ia lemena Saolo, Bala-Hanani ia tuunamane Akabo neke tetu mane ginitaukelana.

39Ka ia lemena Bala-Hanani ia tuunamane Akabo, Hadadi neke tetu mane ginitaukelana. Babaolonana ia malau leghaha ka manei mu Pau, nia ghaseborona ka manei mu Mehetabele ia tuunaghase Materedi. Nona kakaghasena Mehetabele mu Me-Zahabi.

40Irahi mu ira manefaa dike pagusu meharo ka Iso ka ira babaolodi ta leghuri ira kokolo nia ira hori ka maneri:

Timina, Alava, Zeteti, 41Oholibama, Ela, Pinoni, 42Kenazi, Temani, Mibiza, 43Magadiele nia Iramu. Irahi lamu mu dike manefaadira Idomu leghurira ira nodi malau ka ia kava dike auino maneri.

Maneri haroharo mu dike pagusuna Iso ia faadi ira kokolo ka ira nonidi Idomu.

Currently Selected:

Tatanigaina 36: kji

Highlight

Copy