Má-khó Hok-im 4

Iā Chéng-chí ê Phì-jū

(Thài 13.1-9; Lō͘ 8.4-8)

1Iâ-so͘ koh chi̍t piàn tī Ka-lī-lī ô͘-piⁿ teh kà-sī lâng. Ū chi̍t tōa-tīn lâng chū-chi̍p óa-lâi I hia, I soah tio̍h khì chē tī chûn-téng; chûn tī ô͘--ni̍h, kui tōa-tīn lâng tī hōaⁿ-téng. 2Iâ-so͘ ēng phì-jū kà-sī in chin chōe hāng sū. I kà-sī ê sî kā in kóng:

3“Tio̍h chù-ì thiaⁿ! Ū chi̍t ê iā chéng-chí ê lâng chhut-khì iā chéng-chí. 4I iā ê sî, ū-ê chéng-chí lak tī lō͘-piⁿ, chiáu-á pe--lâi, kā i chia̍h-liáu-liáu. 5Ū-ê lak tī chio̍h-thâu tōe, thô͘ chió ê só͘-chāi, in-ūi thô͘ bô chhim, chin kín chiū puh-gê, 6ji̍t-thâu chi̍t-ē chhut, kā in pha̍k--tio̍h, in-ūi bô kun chiū ta--khì. 7Ū-ê lak tī chhì-phè lāi, chhì-á tōa-châng--khí-lâi, kā i hip--sí, chiū bô kiat-si̍t. 8Ū-ê lak tī hó thó͘-tōe, chiū hoat-íⁿ, sêng-tióng, kiat-si̍t; ū-ê kiat saⁿ-cha̍p pē, ū-ê la̍k-cha̍p pē, ū-ê chi̍t-pah pē.”

9Iâ-so͘ kóng, “Ū hī-khang thang thiaⁿ ê lâng, tio̍h thiaⁿ!”

Phì-jū ê Bo̍k-te̍k

(Thài 13.10-17; Lō͘ 8.9-10)

10Iâ-so͘ ka-kī chi̍t ê ê sî, tī I chiu-ûi ê lâng kap cha̍p-jī sù-tô͘ lâi mn̄g I chiah-ê phì-jū ê ì-sù. 11Iâ-so͘ chiū kā in kóng, “Siōng-tè-kok ê ò-pì í-keng ū hō͘ lín, m̄-kú tùi gōa-lâng ta̍k-hāng lóng sī ēng phì-jū, 12beh hō͘

In khòaⁿ koh khòaⁿ, mā khòaⁿ bô,

thiaⁿ koh thiaⁿ, mā bô liáu-kái;

nā m̄-sī án-ni, in ōe hôe-sim-tńg-ì,

Siōng-tè chiū kā in sià-bián.”

Iâ-so͘ Kóe-seh Iā Chéng-chí ê Phì-jū

(Thài 13.18-23; Lō͘ 8.11-15)

13Iâ-so͘ koh mn̄g in kóng, “Chit-ê phì-jū lín bōe liáu-kái sī--bô? Án-ni lín ná ōe bêng-pe̍k kî-tha só͘-ū ê phì-jū? 14Iā chéng-chí--ê sī iā Siōng-tè ê sìn-sit. 15Iā tī lō͘-piⁿ--ê, sī chí lâng thiaⁿ-tio̍h sìn-sit, Sat-tàn sûi-sî lâi, kā iā tī in sim-lāi ê sìn-sit chhiúⁿ--khì. 16Siâng-khoán, iā tī chio̍h-thâu tōe--ê, sī chí lâng thiaⁿ-tio̍h sìn-sit, sûi-sî hoaⁿ-hí chiap-siū, 17put-kò tī in ê sim-lāi tèng-kun bô chhim, tòng bōe kú, chi̍t-ē ūi-tio̍h sìn-sit tú-tio̍h hoān-lān á-sī pek-hāi, sûi-sî pàng-sak. 18Iā tī chhì-phè lāi--ê, sī chí lâng thiaⁿ-tio̍h sìn-sit liáu-āu, 19in-ūi seng-oa̍h ê khòa-lū, chîⁿ-châi ê bê-he̍k, kap kî-tha ta̍k-khoán ê su-io̍k ji̍p-khì sim-lāi, kā só͘ thiaⁿ--tio̍h ê sìn-sit hip--sí, soah bōe kiat-si̍t. 20Hiah-ê iā tī hó thó͘-tōe--ê, sī chí lâng thiaⁿ-tio̍h sìn-sit, hoaⁿ-hí chiap-siū chiū kiat-si̍t; ū-ê saⁿ-cha̍p pē, ū-ê la̍k-cha̍p pē, ū-ê chi̍t-pah pē.”

Teng kap Niû

(Lō͘ 8.16-18)

21Iâ-so͘ mn̄g in kóng, “Kiám ū lâng tiám-teng ēng táu#4.21 “Táu” sī chi̍t chióng niû ngó͘-kok ê khì-khū, chhim-chhim, péng--kè-lâi thang khàm mi̍h-kiāⁿ. khàm--khí-lâi á-sī khǹg tī bîn-chhn̂g kha, bô kā i chhāi tī teng-tâi téng? 22In-ūi it-chhè ún-ba̍t--ê bô chi̍t hāng bōe hián-lō͘; it-chhè am-khàm--ê bô chi̍t hāng bōe lō͘-hiān. 23Ū hī-khang thang thiaⁿ ê lâng, tio̍h thiaⁿ!”

24Iâ-so͘ koh kā in kóng, “Tio̍h chù-ì lín thiaⁿ--tio̍h-ê. Lín ēng sím-mi̍h niû niû hō͘ lâng, Siōng-tè ōe ēng siâng-khoán ê niû niû hō͘ lín, sīm-chì hō͘ lín koh-khah chōe. 25In-ūi ū--ê, beh hō͘ i koh-khah chōe; bô--ê, liân i só͘-ū--ê mā beh kā i chhiúⁿ--khí-lâi.”

Chéng-chí Tióng-tāi ê Phì-jū

26Iâ-so͘ koh kóng, “Siōng-tè-kok chhin-chhiūⁿ lâng chiong chéng-chí iā tī tōe--ni̍h. 27I àm-sî khì khùn, ji̍t--sî khí--lâi, chéng-chí teh puh-gê tōa-châng, i m̄ chai sī-án-chóaⁿ ōe án-ni. 28Thó͘-tōe chū-jiân seng-sán ngó͘-kok, tāi-seng puh-gê, āu-lâi thò͘-sūi, chòe-āu pá-sūi. 29Ngó͘-kok sek ê sî, sûi-sî ēng liâm-le̍k-á#4.29 “Liâm-le̍k-á” sī chi̍t chióng koah tiū-á á-sī be̍h-á ê to. siu-koah, in-ūi siu-sêng ê sî kàu lah.”

Kòa-chhài-chí ê Phì-jū

(Thài 13.31-32, 34; Lō͘ 13.18-19)

30Iâ-so͘ mn̄g kóng, “Lán beh ēng sím-mi̍h lâi pí-phēng Siōng-tè-kok, beh ēng sím-mi̍h phì-jū lâi soat-bêng? 31Siōng-tè-kok chhin-chhiūⁿ chi̍t lia̍p kòa-chhài-chí, iā-lo̍h tōe ê sî sī tōe-chiūⁿ chéng-chí tiong siōng sòe-lia̍p--ê; 32iā--lo̍h-khì, tōa-châng--khí-lâi, pí só͘-ū ê chhài-soe koh-khah tōa-châng, hoat-chhut tōa-ki oe, sīm-chì khong-tiong ê chiáu-á to ōe-tàng tī chhiū-ńg ē chòe siū.”

33Iâ-so͘ ēng chin chōe chhin-chhiūⁿ chit-khoán ê phì-jū tùi chèng-lâng soan-káng sìn-sit, lóng chiàu in ōe bêng-pe̍k--ê kā in kóng. 34I bô ēng pa̍t-khoán ê hong-sek, chí-ū ēng phì-jū tùi in kóng, put-kò kan-ta kap ka-kī ê bûn-tô͘ chòe-hé ê sî chiah ta̍k-hāng kā in soat-bêng.

Iâ-so͘ Pêng-chēng Hong-éng

(Thài 8.23-27; Lō͘ 8.22-25)

35Hit-ji̍t thiⁿ àm ê sî, Iâ-so͘ tùi bûn-tô͘ kóng, “Lán kè lâi-khì hit-pêng hōaⁿ.” 36Bûn-tô͘ chiū lī-khui kûn-chiòng chiūⁿ-chûn, kap í-keng tī chûn-téng ê Iâ-so͘ chòe-hé khì. Ū kúi-nā chiah chûn mā chòe-hé khì. 37Hut-jiân khí tōa-hong, éng phoah-ji̍p chûn-lāi, chûn soah hō͘ chúi im kàu beh móa. 38Iâ-so͘ tī chûn-bé khòa chím-thâu teh khùn; bûn-tô͘ kā I kiò-chhíⁿ, kóng, “Lāu-su, lán teh-beh bô-miā lo͘h, lí bô iàu-kín o͘h?”

39Iâ-so͘ khí--lâi, chek-pī hong, koh bēng-lēng éng, kóng, “Chēng--lo̍h-khì! Tiāⁿ--lo̍h-lâi!” Hong tiām--khì, ô͘ chiū chēng-chēng-chēng. 40Iâ-so͘ tùi bûn-tô͘ kóng, “Lín ná hiah-ni̍h kiaⁿ? Lín iáu bô sìn-sim sī--bô?”

41In hui-siông kiaⁿ-hiâⁿ, kóng-lâi-kóng-khì, “Chit-ê sī sím-mi̍h-lâng, liân hong kap éng to sūn-ho̍k!”

Currently Selected:

Má-khó Hok-im 4: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Má-khó Hok-im 4

Videos for Má-khó Hok-im 4

Mark 4:1-34

Lumo Project

Mark 3:13-4:34

Spoken Gospel

Jonah

The Watermark Gospel

Episode 1: Jonah

Under The Hood

Má-khó Hok-im 4

Popular Bible Verses from
Má-khó Hok-im 4

Videos for Má-khó Hok-im 4

Mark 4:1-34

Mark 3:13-4:34

Jonah

Episode 1: Jonah

Bible:

Chinese, Min Nan

Version: 現代台語譯本羅馬字版 - TTVR

Má-khó Hok-im 4

Má-khó Hok-im 4

Popular Bible Verses from Má-khó Hok-im 4

Videos for Má-khó Hok-im 4

Mark 4:1-34

Mark 3:13-4:34

Jonah

Episode 1: Jonah

Bible:

Chinese, Min Nan

Version: 現代台語譯本羅馬字版 - TTVR

Má-khó Hok-im 4

Popular Bible Verses from
Má-khó Hok-im 4