Má-thài Hok-im 3

Si-sóe-chiá Iok-hān ê Sóe-lé kap Thoân-tō

(Khó 1.1-8; Lō͘ 3.1-18; Iok 1.19-28)

1Tng-sî, Si-sóe-chiá Iok-hān lâi Iû-thài ê khòng-iá teh thoân-tō. 2I soan-iông kóng, “Lín tio̍h hóe-kái, in-ūi Thian-kok teh-beh si̍t-hiān lah!” 3Chit-ê lâng chiū-sī sian-ti Í-sài-a só͘ teh kóng--ê:

Ū siaⁿ tī khòng-iá teh hoah:

Tio̍h ūi Chú chún-pī tō-lō͘,

ūi I siu-ti̍t sió-lō͘.

4 Iok-hān chhēng lo̍k-tô-mn̂g ê saⁿ, io hâ phê-tòa, só͘ chia̍h--ê sī chháu-meh kap iá-bi̍t. 5Ū chin chōe lâng tùi Iâ-lō͘-sat-léng, Iû-thài ta̍k só͘-chāi, kap Iok-tàn-hô it-tài lâi i hia, 6jīn-chōe, tī Iok-tàn-hô tùi i niá-siū sóe-lé.

7 Iok-hān khòaⁿ-tio̍h chin chōe Hoat-lī-sài-phài kap Sat-to͘-kai-phài ê lâng mā lâi niá-siū sóe-lé, chiū tùi in kóng, “Lín chiah-ê to̍k-chôa, sím-mi̍h-lâng kéng-kò lín siám-pī Siōng-tè teh-beh hoat ê siū-khì? 8Tio̍h ēng hêng-ûi chèng-bêng lín ū hóe-kái. 9Lín m̄-thang ka-kī siūⁿ-kóng ‘A-pek-la-hán sī goán ê chó͘-sian’, góa kā lín kóng, Siōng-tè ōe-tàng ēng chiah-ê chio̍h-thâu chō kiáⁿ-sun hō͘ A-pek-la-hán. 10Pó͘-thâu í-keng khòa tī chhiū-thâu; só͘-ū bô kiat hó ké-chí ê chhiū lóng beh kā chhò--khí-lâi, hiat-lo̍h hé. 11Góa ēng chúi kā lín sóe-lé, piáu-sī lín í-keng ū hóe-kái; m̄-kú tī góa āu-bīn teh lâi Hit-ūi pí góa khah ū koân-lêng, góa liân kā I kōaⁿ ôe to bōe-kham--tit; I beh ēng Sèng Sîn kap hé kā lín sóe-lé. 12I ê chhiú the̍h pòa-ki#3.12 “pòa-ki” sī chi̍t chióng lông-khū, ēng lâi hun-khui be̍h-á kap be̍h-hiūⁿ., beh chiong be̍h-tiâⁿ ê be̍h pòa chheng-khì, be̍h-á siu-ji̍p chhng-khò͘, be̍h-hiūⁿ#3.12 “Be̍h-hiūⁿ” sī be̍h-kó khah iù ê pō͘-hūn. Be̍h-kó sī be̍h-á siak liáu ê be̍h-châng. chiū ēng bōe hoa ê hé kā i sio-tiāu.”

Iâ-so͘ Niá-siū Sóe-lé

(Khó 1.9-11; Lō͘ 3.21-22)

13Hit-sî, Iâ-so͘ tùi Ka-lī-lī lâi Iok-tàn-hô Iok-hān hia, beh tùi i niá-siū sóe-lé. 14Iok-hān beh kā I chó͘-chí, kóng, “Góa eng-kai tùi lí niá-siū sóe-lé, lí hoán-tńg lâi chhē góa?”

15Iâ-so͘ ìn kóng, “Lán hiān-chāi án-ni chòe chiah ha̍h Siōng-tè it-chhè ê iau-kiû.” Iok-hān chiū tông-ì.

16Iâ-so͘ niá-siū sóe-lé í-āu sûi-sî tùi chúi--ni̍h khí--lâi; hut-jiân thiⁿ ūi-tio̍h I khui, I khòaⁿ-kìⁿ Siōng-tè ê Sîn chhin-chhiūⁿ hún-chiáu kàng--lo̍h-lâi, hioh tī I sin-chiūⁿ. 17Koh tùi thiⁿ ū siaⁿ kóng:

Chit-ê sī góa só͘ thiàⁿ ê Kiáⁿ,

I, góa chin ì-ài.

Currently Selected:

Má-thài Hok-im 3: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Videos for Má-thài Hok-im 3

Baptism of Jesus

The Bible Series

Matthew 1-13

BibleProject

John The Baptist Prepares The Way

Lumo Project

Gospel of Matthew

Eyewitness Bible Series

Má-thài Hok-im 3

Popular Bible Verses from
Má-thài Hok-im 3

Bible:

Chinese, Min Nan

Version: 現代台語譯本羅馬字版 - TTVR

Má-thài Hok-im 3

Videos for Má-thài Hok-im 3

Baptism of Jesus

Matthew 1-13

John The Baptist Prepares The Way

Gospel of Matthew

Má-thài Hok-im 3

Popular Bible Verses from Má-thài Hok-im 3

Bible:

Chinese, Min Nan

Version: 現代台語譯本羅馬字版 - TTVR

Má-thài Hok-im 3

Videos for Má-thài Hok-im 3

Baptism of Jesus

Matthew 1-13

John The Baptist Prepares The Way

Gospel of Matthew

Popular Bible Verses from
Má-thài Hok-im 3