Má-thài Hok-im 2

Seng-siōng-ka Lâi Hóng-būn

1 Hi-lu̍t choh-ông ê sî, Iâ-so͘ tī Iû-thài ê Pek-lī-hêng chhut-sì. Ū kúi-nā ê seng-siōng-ka tùi tang-hng lâi kàu Iâ-lō͘-sat-léng. 2In mn̄g kóng, “Hit-ê chhut-sì chòe Iû-thài-lâng ê Ông--ê tī sím-mi̍h só͘-chāi? Goán ū khòaⁿ-tio̍h I ê chhiⁿ chhut-hiān, choan-kang lâi beh pài I.”

3 Hi-lu̍t-ông thiaⁿ--tio̍h, sim-lāi tio̍h-kip put-an; Iâ-lō͘-sat-léng choân-siâⁿ ê lâng mā-sī án-ni. 4I chiū tiàu-chi̍p só͘-ū ê chè-si-tiúⁿ kap bîn-kan ê keng-ha̍k-kàu-su, mn̄g in kóng, “Ki-tok eng-kai tī sím-mi̍h só͘-chāi chhut-sì?”

5In ìn kóng, “Iû-thài ê Pek-lī-hêng. In-ūi sian-ti ū án-ni kì-chài:

6 Iû-tāi tōe-khu ê Pek-lī-hêng ah,

lí tī Iû-tāi siâⁿ-chhī tiong m̄-sī siōng bî-sòe--ê;

in-ūi ū chi̍t ê léng-siù ōe tùi lí hia chhut--lâi,

I beh bo̍k-ióng góa ê chú-bîn Í-sek-lia̍t.”

7 Hi-lu̍t chiū àm-tiong tiàu hit kúi ê seng-siōng-ka, siông-sè kā in mn̄g hit-lia̍p chhiⁿ sím-mi̍h sî chhut-hiān. 8Āu-lâi, i chhe in khì Pek-lī-hêng, kóng, “Lín khì siông-sè chhâ-mn̄g koan-hē chit-ê sòe-hàn gín-á ê sū; chhē--tio̍h, tio̍h lâi pò góa chai, góa mā thang khì pài I.”

9In thiaⁿ ông ê ōe chiū khì. In tī tang-hng khòaⁿ--tio̍h ê hit-lia̍p chhiⁿ chòe thâu chhōa in, lâi kàu hit-ê sòe-hàn gín-á ê só͘-chāi chiū thêng tī téng-bīn. 10In khòaⁿ-tio̍h hit-lia̍p chhiⁿ, hui-siông hoaⁿ-hí. 11In ji̍p-khì chhù-lāi, khòaⁿ-tio̍h sòe-hàn gín-á kap I ê lāu-bú Má-lī-a, chiū phak lo̍h-khì pài I, jiân-āu khui in ê pó-a̍h, chiong n̂g-kim, jú-hiuⁿ, kap bu̍t-io̍h chòe lé-mi̍h hiàn hō͘ I.

12Āu-lâi, tī bîn-bāng tiong Siōng-tè chí-sī in m̄-thang tò-khì Hi-lu̍t hia, in chiū tùi pa̍t-tiâu lō͘ tò-khì pún-kok.

Tô-cháu Khì Ai-ki̍p

13Seng-siōng-ka lī-khui liáu-āu, Chú ê thiⁿ-sài tī Iok-sek ê bîn-bāng tiong tùi i chhut-hiān, kóng, “Khí--lâi, chhōa sòe-hàn gín-á kap I ê lāu-bú tô-cháu khì Ai-ki̍p, tòa hia kàu góa kóng thang lī-khui ê sî, in-ūi Hi-lu̍t teh chhē chit-ê sòe-hàn gín-á, beh kā I thâi-sí.”

14 Iok-sek chiū khí--lâi, chhōa sòe-hàn gín-á kap I ê lāu-bú thàu-mî lī-khui khì Ai-ki̍p, 15tòa tī hia kàu Hi-lu̍t sí. Che sī beh èng-giām Chú thong-kè sian-ti só͘ kóng ê ōe: Góa ū tiàu góa ê kiáⁿ chhut Ai-ki̍p.

Thâi-sí Sòe-hàn Ta-po͘ Gín-á

16 Hi-lu̍t chi̍t-ē chai ka-kī hō͘ seng-siōng-ka phiàn--khì, hui-siông siū-khì, chiū chhe lâng chiong Pek-lī-hêng í-ki̍p chiu-ûi só͘-ū ê ta-po͘ gín-á, chiàu i tùi seng-siōng-ka siông-sè chhâ-mn̄g ê sî sǹg-khí, nn̄g hè í-hā--ê lóng thâi-sí. 17Chit-ê tāi-chì ū èng-giām Chú thong-kè sian-ti Iâ-lī-bí só͘ kóng ê ōe:

18Tī La-má ū thiaⁿ-tio̍h siaⁿ,

thî-khàu chin pi-siong;

Lúi-kiat ūi-tio̍h i ê kiáⁿ-jî teh khàu,

m̄-khéng siū an-ùi, in-ūi in lóng bô--khì lah.

Tùi Ai-ki̍p Tò--lâi

19 Hi-lu̍t sí í-āu, Chú ê thiⁿ-sài tī Ai-ki̍p, tī Iok-sek ê bîn-bāng tiong tùi i chhut-hiān, 20kóng, “Khí--lâi, chhōa sòe-hàn gín-á kap I ê lāu-bú tò-khì Í-sek-lia̍t-tōe; in-ūi beh hāi sòe-hàn gín-á ê sìⁿ-miā hiah-ê lâng í-keng sí.” 21Iok-sek chiū khí--lâi, chhōa sòe-hàn gín-á kap I ê lāu-bú tò-khì Í-sek-lia̍t-tōe.

22 Iok-sek thiaⁿ-kìⁿ A-ki-ló sòa-chiap i ê lāu-pē Hi-lu̍t chòe Iû-thài ê ông, m̄-káⁿ tò-khì hia; āu-lâi tī bîn-bāng tiong tit-tio̍h chí-sī, chiū thè-khì Ka-lī-lī kéng-lāi, 23kàu chi̍t ê siâⁿ kiò-chòe Ná-sat-le̍k, tòa tī hia. Che sī beh èng-giām Chú thong-kè sian-ti só͘ kóng ê ōe: I beh kiò-chòe Ná-sat-le̍k-lâng.

Currently Selected:

Má-thài Hok-im 2: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Videos for Má-thài Hok-im 2

The Three Wise Men

Lumo Project

Christmas: Part Three

Lumo Project

Gospel of Matthew

Eyewitness Bible Series

Episode 14: The Star of Bethlehem

Under The Hood

Má-thài Hok-im 2

Popular Bible Verses from
Má-thài Hok-im 2

Bible:

Chinese, Min Nan

Version: 現代台語譯本羅馬字版 - TTVR

Má-thài Hok-im 2

Videos for Má-thài Hok-im 2

The Three Wise Men

Christmas: Part Three

Gospel of Matthew

Episode 14: The Star of Bethlehem

Má-thài Hok-im 2

Popular Bible Verses from Má-thài Hok-im 2

Bible:

Chinese, Min Nan

Version: 現代台語譯本羅馬字版 - TTVR

Má-thài Hok-im 2

Videos for Má-thài Hok-im 2

The Three Wise Men

Christmas: Part Three

Gospel of Matthew

Episode 14: The Star of Bethlehem

Popular Bible Verses from
Má-thài Hok-im 2