Má-la-ki-su 3

1Siōng Chú — Bān-kun ê Thóng-sòe kóng, “Góa beh chhe-khián góa ê sù-chiá chún-pī góa thâu-chêng ê lō͘; lín teh chhē-kiû ê Chú ōe hut-jiân-kan lâi kàu I ê sèng-tiān. Lín só͘ gióng-bōng hit-ūi li̍p-iok ê sù-chiá teh-beh lâi lah.

2“M̄-kú I lâi ê ji̍t siáⁿ-lâng chih-chài ōe tiâu? I chhut-hiān ê sî siáⁿ-lâng khiā ōe chāi? I chhin-chhiūⁿ liān-kim ê lâng ēng ê hé, chhin-chhiūⁿ phiò-pò͘ ê lâng ēng ê kiⁿ. 3I beh lâi sím-phòaⁿ, chhin-chhiūⁿ lâng teh thê-liān sûn-kim; i beh chēng-hòa Lī-bī ê hō͘-tāi, thoàn-liān in chhin-chhiūⁿ teh thoàn-liān kim-gûn, it-ti̍t kàu in ōe-tàng hiàn ha̍p-gî ê chè-mi̍h hō͘ Siōng Chú. 4Hit-sî, Iû-tāi kap Iâ-lō͘-sat-léng ê jîn-bîn, beh hiàn Siōng Chú só͘ hoaⁿ-hí chiap-la̍p ê chè-mi̍h, kap kó͘-chá ê nî-ji̍t siâng-khoán.”

5Siōng Chú — Bān-kun ê Thóng-sòe kóng, “Góa beh khiā chhut-lâi tī lín bīn-chêng si-hêng sím-phòaⁿ; góa beh kóaⁿ-kín choh-chèng khòng-kò hiah-ê kiâⁿ siâ-su̍t--ê, hoān kan-îm--ê, lām-sám chiù-chōa--ê, pak-siah kang-lâng ê kang-chîⁿ--ê, khi-ap ko͘-jî kóaⁿ-hū--ê, óng-khut chhut-gōa-lâng--ê — chiū-sī só͘-ū bô kèng-ùi góa ê lâng.”

M̄-thang Thau-the̍h Siōng-tè ê Mi̍h

6“In-ūi góa sī Siōng Chú, góa bōe kái-piàn, só͘-í lín chiah-ê Ngá-kok ê kiáⁿ-sun bōe bia̍t-bông.”

7Siōng Chú — Bān-kun ê Thóng-sòe kóng, “Tùi lín chó͘-sian ê sî-tāi khai-sí, lín put-sî ûi-pōe góa ê kui-lē, bô teh chun-siú. Taⁿ lín tio̍h kui-ǹg góa, góa chiū choán-ǹg lín. M̄-kú lín mn̄g, ‘Goán beh án-chóaⁿ kui-ǹg lí?’ 8Góa mn̄g lín, ‘Lâng thau-the̍h Siōng-tè ê mi̍h kiám tio̍h? Lín kèng-jiân ū lâng teh thau-the̍h góa ê mi̍h!’ Lín mn̄g, ‘Goán án-chóaⁿ kā lí thau?’ Lín chiū-sī bô chiàu kui-tēng hōng-hiàn cha̍p-hūn-chi̍t kap kî-tha ê koan-hiàn. 9Lín lóng ōe siū tāng ê chiù-chó͘, in-ūi lín choân-kok lóng teh kā góa thau.” 10Siōng Chú — Bān-kun ê Thóng-sòe kóng, “Lín tio̍h chiong cha̍p-hūn-chi̍t ê hōng-hiàn choân-sò͘ the̍h-lâi khǹg tī khò͘-pâng, án-ni góa ê sèng-tiān chiū ū kàu-gia̍h ê chia̍h-mi̍h. Lâi, lâi chhì-khòaⁿ góa ōe ūi-tio̍h lín khui thiⁿ-thang, chiong hok-khì piàⁿ lo̍h-lâi hō͘ lín á bōe?” 11Siōng Chú — Bān-kun ê Thóng-sòe koh kóng, “Góa beh chó͘-chí chháu-meh húi-hoāi lín thó͘-tōe ê chhut-sán, beh hō͘ hn̂g--ni̍h ê phû-tô-chhiū kiat chin chōe phû-tô.” 12Siōng Chú — Bān-kun ê Thóng-sòe kóng, “Án-ni, bān-kok lóng ōe kóng lín siōng ū hok-khì, in-ūi lín ê tōe ōe hō͘ lâng tī hia an-ku-lo̍k-gia̍p.”

Chèng-ti̍t ê Lâng kap Siâ-ok ê Lâng

13Siōng Chú kóng, “Lín ū ēng ngó͘-ge̍k ê ōe kek góa. Lín kóng, ‘Goán bat ēng sím-mi̍h ōe kek lí?’ 14Lín bat kóng, ‘Sū-hōng Siōng-tè bô-chhái-kang. Goán chun-siú I ê bēng-lēng, á-sī tī Siōng Chú — Bān-kun ê Thóng-sòe bīn-chêng ai-siong thî-khàu kiâⁿ-lâi-kiâⁿ-khì, ū sím-mi̍h lō͘-ēng? 15Goán khòaⁿ--tio̍h-ê sī chū-ko ê lâng khoài-lo̍k, chòe pháiⁿ ê lâng heng-ōng; in chhì-thàm Siōng-tè mā bián siū hêng-hoa̍t.’”

16Jiân-āu, hiah-ê kèng-ùi Siōng Chú ê lâng hō͘-siōng tâm-lūn, Siōng Chú ū chù-ì thiaⁿ. Tī I bīn-chêng ū chi̍t pún kì-lio̍k ê chheh, lāi-bīn kì-chài hiah-ê kèng-ùi Siōng-tè chun-chông I miâ ê lâng. 17Siōng Chú — Bān-kun ê Thóng-sòe kóng, “Tī góa chhái-chhú hêng-tōng hit-ji̍t, in ōe chiâⁿ-chòe góa te̍k-pia̍t ê chú-bîn; góa ōe thiàⁿ-sioh in, chhin-chhiūⁿ pē-bú thiàⁿ-sioh hiah-ê ho̍k-sāi in ê kiáⁿ-jî. 18Hit-sî, lín ōe koh chi̍t piàn khòaⁿ-chhut chèng-ti̍t ê lâng kap siâ-ok ê lâng, ho̍k-sāi Siōng-tè kap bô ho̍k-sāi I ê lâng ê chha-pia̍t.”

Currently Selected:

Má-la-ki-su 3: TTVR

Highlight

Copy

Want to have your highlights saved across all your devices? Sign up or sign in

The Bible Society in Taiwan

Learn More About 現代台語譯本羅馬字版

Popular Bible Verses from
Má-la-ki-su 3

Videos for Má-la-ki-su 3

Malachi

BibleProject

Malachi 3

BibleProject

Má-la-ki-su 3

Popular Bible Verses from
Má-la-ki-su 3

Videos for Má-la-ki-su 3

Malachi

Malachi 3

Bible:

Chinese, Min Nan

Version: 現代台語譯本羅馬字版 - TTVR

Má-la-ki-su 3

Má-la-ki-su 3

Popular Bible Verses from Má-la-ki-su 3

Videos for Má-la-ki-su 3

Malachi

Malachi 3

Bible:

Chinese, Min Nan

Version: 現代台語譯本羅馬字版 - TTVR

Má-la-ki-su 3

Popular Bible Verses from
Má-la-ki-su 3