M. Yohana 15

1NE nine mpesya wendi, na Ŵata ni chilima. 2Msambo uli wonse uli muli neo usatwala vyotwala oukonyola: uli wonse utwala outuvya kuti utwalisye. 3Lomba nimwe atuŵa chikomo cha malizu anulaŵira namwe. 4Nkalani muli neo, na neo muli mweo. Nga ni msambo muusatwalira weka ukakanonkala mu mpesya, tetyo namwe simngakumeko mkakanonkala muli neo. 5Ne nine mpesya, mwe nimwe misambo. Uyo onkala muli neo, na neo muli yeve, wamene uyo otwalisya: pakuti paliye neo simngachite kantu. 6Kati muntu ntonkala muli neo otaiwa nga ni msambo nofota; ŵantu oikusa noitaya mmulilo, nayo yushokewa. 7Mkankala muli neo, na malizu ŵangu onkala muli mweo, sengani chiri chonse chimupangwa, ninga chichitike kwanu. 8Ŵata ochinzikiwa pa ichi, chakuti motwalisya; tetyo ni mumti moŵera asambili ŵangu. 9Nga ni umo Ŵata mwakunitemwera neo, nane soti ni mnumtemwerani: nkonkalani mchintemwa changu. 10Mkasunga matetulo ŵangu, ninga monkala mchintemwa changu; umo neo mnusungira matetulo a Ŵata nonkala mchintemwa chaŵo. 11Ivi vinalaŵira namwe kuti chimwemwe changu chiŵe muli mweo, na chimwemwe chanu chisilizike. 12Tetulo langu ni ili, lakuti motemwana, umo neo mnumtemwerani. 13Paliye chintemwa chali nacho muntu chopula ichi, chakuti muntu ataye moyo wake pa milandu ya anansi ŵake. 14Mwe nimwe anansi ŵangu mkachita vinumuuzyani. 15Sinumtulani soti akapolo, kapolo pasaziŵa chakuchita asikuru wake: lomba numtulani anansi; pakuti vyonse vinichimvwa kwa Ŵata numziŵisyani vyamene. 16Mweo ntemwinisalula, sembe ne nine nimsalulani mweo nomuŵikani kuti muye notwala vyotwala, na vyotwala vyanu vyakuŵa msimbanyoto: kuti chiri chonse chimti mkasenge kwa Ŵata mzina langu ampeni. 17Ivi vintu numsuzulilani kuti motemwana umo na muyake. 18Kati charo cha pansi chikampatani, muziŵa kuti chinipata neo pachikaliye nompatani mweo. 19Mngati muli a charo cha pansi, charo cha pansi sembe chutemwa ŵake chine: lomba pakuti ntemuli a charo, nane nimsalulani kufuma mcharo, chifukwa cha ichi ni pachumpatani charo cha pansi. 20Mokumbuka lizu ili lininena na mweo, Kapolo sali mkuru kupula asikuru wake. Kati enizuzya neo azamzuzyeni namwe soti; kati esunga lizu langu azasunge lanu soti. 21Ivi vyonse azamchitileni chifukwa cha zina langu, pasaziŵa uyo enituma neo. 22Ningati nikaliyekuza kulaŵira naŵo, sembe aliye viipa: lomba aliye lizu lampandila la viipa vyaŵo. 23Uyo wamene onipata neo ompata naye Ŵata ŵangu. 24Ningati niliyochita mwa ŵeve milimo yakaliyochitapo yeka umo, sembe aliye viipa: lomba oŵona nopata neo na Ŵata ŵangu kumo. 25Ichi chiteti kuti lizu lisilizike ilo lilembewa mdango laŵo, Enipatila kalalanda. 26Lomba pati aze Chipuzisya, unti nkatume kwanu kufuma kwa Ŵata, niye Mzimu wa chendi, wamene ofuma maŵeromaŵero mwa Ŵata, uyo azoninenera untoni: 27namwe soti monena untoni, pakuti muli nane chitatikile pa chiyambi.

Currently Selected:

M. Yohana 15: MA23

Highlight

Copy