मरकुस 8

चार एजार माणहाह खावाडणू

(मत्ती 15:32-39)

1ता दिहामाय ताहेरया पोशा मोक्तीच गर्दी एक्ठी एनी, एने ताफाय काहीच खाणेन नाह एता, तेवी तो आपणा चेलाह आहने हादांडलावा कियील, 2“माहु माणहांपोर दया आविहि, काहाकाय ते तान दिहारीन मारो हातेच हि एने ताहेऱ्यो खाणेन काहीच नाहं जर मी न्या उपाशव गिर मोकलील आपील, तर रस्त्यापूर थूपिन रेयव जाहो; काहाकाय जामायरीन कांही सेटेरिन आवो हि.” 3जर मी न्या बुखल्या गिर मोकलील आपील, तर वातव पुर थाकीनरेयव जाती; काहाकाय जामायरीन कांही सेटेरिन आवो हि. 4तान चेला ताह उत्तर आपील, “न्या जंगल माय ओलाक माय रूटू कूण केरीन लाव एने कि ज्यो तृप्त एती?” 5तो ताह फुसील; तुमरीम फाय कोलोक रूटू हि? ता कियील, “सात.” 6तेवी तान माणहाह जोमनि पोर बोह्नेनकेरता आज्ञा आपील, एने ता सात रूटू विसील एने आशीर्वाद आपिन मुळनु, एने आपणो चेला आपतेन गीयो कि तान ओगांण मिलव ल, एने तो माणहान ओगांण वदिन आपील. 7तान आहने जारिक आत्या मासा पुण एता; ता आशीर्वाद आपिन ताह पुण माणहान ओगांण मेलणेन आज्ञा केरील. 8तो खाइल तृप्त एय गीया एने चेलानव उगरिनटूकडान हेरी सात टोपला बोरीन उखव लव, 9एने माणहे च्यार हजार बरोबर एता, तेवी तास ताह मुकलेल, 10एने तो लागीच आपणा चेला हेरी नाव एने पोर चेडिन दलमतुता प्रदेशाम निकलीन गीयो.

फरीसी द्वारा चिन्ह मांग

(मत्ती 16:1-4; लूका 11:16,29)

11ओवता फरीसी आवीन ताहेर्या वादा-वाद केरणे लागिल, तां ताह पारखणे केरीन ताफायरीन स्वर्गामरीन चिन्ह मांगील. 12तो आपणा आत्मा माय दुखव एय लेईन कियील, “उवतू तो वेलान माणहे का? चिन्ह मागताला? मी तुमूह खेरो किथु कि आवीन माणहान केरता नाहं चिन्ह नाहं आपील जाय.” 13एने तो ताह सोडीन पोशा नावपोर चेडिन बोहवएने पुरले उखव र निकलीन गीयो.

फरीसीन खमीर

(मत्ती 16:5-12)

14चेला रूटू लेणेन विहरी गीया, एने तान नाव एकुच रूटू एतो. 15तास ताह चेतावणी केदू “देखू फरीसीन यांन खमव र एने हेरोदेसांन खमिरापासून होमंबालावा रेवू.” 16ता आपसामाय विचार केरणने लागिल का “आमुफाय रूटू नाह सोतो.” 17ज्यो ओलखिन यीशु ताह कियील, “तुमूह का आपसामाय हा फूस केरतीन हि, कि आमुफाय रूटू नाहं? काय ऐव एने ताहवो तुमूह नाहं मालूम नाहं होमजव? काय तुमरो मोन केठव एय गीया हि? 18काय डोला असून नाहं दिखिह, एने कान असून नाहं होमले? एने काय तुमूह एर नाहं.” 19कि मी ताहेरया चार ऐजारांनकव रीन पाच रूटू मुळनु एती तर तुमूह टूकडान कोलाक टोपलव बोरीन विस्या? तो ताह कियील, “बारा टोपला.” 20“एने तेवी च्यार ऐजारांकेरता सात रोटा एता एने विसील तर तुमूह टूकडान कोलाक टोपला बोरीन विसील?” ताह कियील, “सातटोपल्या.” 21तो ताह कियील, “काय तुमूह ऐव एने ताहवोर समजवनाहं?”

आंधलाह हुदारणो

22ते बेथसदामाय आवो; एने माणहे एक आंधलाह लेईन आवो एने ताह एने विनंती केरील कि ताह स्पर्श केरू. 23तो ता आदलान आथ देराव एने ताह गावान बाहेर लेईन गीयो एने तान डोला माय थूपिन तापोर आथ मेलील, एने ताह फुसव “काय तू कांही दिखेह का?” 24तान डोला उघडव कियील, “मी माणहाह दिखिह हि; ते माहु चलतालोन झाडानहोस देखातेह.” 25तेवी तान दिहरिन वारीन तान डोलापूर आथ मेलील, एने आंधलान हाजकेरीन दिखव लेतो हाजो एनो एने आखा कांही स्पष्ठ स्पष्ठ देखणेन लागिल. 26तान ताह हे केईन गिर मोकलील ल, “आवी गावाम बाजूमाय पाय पुण मेलाय चा नाहं.”

पतरसान यीशुह मसीह मानणेन

(मत्ती 16:13-20; लूका 9:18-21)

27यीशु एने तान चेला कैसरिया एने फिलव पिया उवतू तो गावामाय निकलीन गीया रस्त्यापूर तान आपणा चेला फुसव न, “माणहे माहु काय केणु?” 28ताह उत्तर आपील, यूहन्ना बाप्तिस्मा आपुह, “पुण कूण कूण एलिया एने कूण कूण भविष्यवक्ताह माय वालू एक हि इही केणु.” 29तान ताह फुसव न, पुण तुमूह माहु काय केणु? पतरस ताह उत्तर आपील, “तू मसीह हि.” 30तेवी तान ताह चेतावणी आपिन कियील कि मारो विषयी हे कूण हुच केहू मां.

यीशुन आपणी मोत ने विषयी भविष्यवाणी

(मत्ती 16:21-28; लूका 9:22-27)

31उवतू ता तो ताह हिकणेन लागिल कि माणहान सोरो केरता आवश्यक ओगांण कि तो जादा दुख सोसेल एने डाय डाया एने मुख्य याजक, एने शास्त्री ताह तुच्छ होमजाडव मारीन टाकतव एने तो तान दिहामाय जव एने तालू एनो. 32तान वात ताह खेरिनच खेरो केयेल आपील आवी केरता पतरस आलेग उगे जाइन जुलने लागिल, 33पुण तो फिरीन आपणो चेला उखव र देखव एने पतरसाला जुलीन कियील, “हे शैतान, मारो ओगांणरीन सेटो जा; काहाकाय तू बोगवानन वातुपोर नाहं, पुण माणहान वातून मोन लागी ज्यां.”

यीशुन पासाण चालणेन अर्थ

34तान गर्दव आपणो चेलान हेरी आहने हादाडळव ताह कियील, “जो कूण मारो हेरी आवहू इच्छिमाय, तास आपणो त्याग केरीन एने आपणो क्रुस विसीन, मारो पासाण आवी. 35काहाकाय जो कूण आपणो जीव वोचाडी होदिह तो ताह तो ताह गोमाडी, पुण जो कूण मारे सुवार्ता पोरचारान केरता आपणो जीव गोमाडी, तो ताह वोचाडी. 36जर माणुह आखो जगाह जिक्यो एने आपणा जीवान नाश एनो ते ताह काय लाभ एय. 37एने माणुह आपणा जीवा बद्दल काय आपी? 38जो कूण व्यभिचारी पापी जाती मायररीन माहु एने मारी वातू से लाजवाय, ते माणहान सोरो भी जेवी तो स्वर्गदूता हेर्यो आपणा आबाकान महिमा हेर्यो आवी तेवी, तो भी तासे लाजवाय.”

Currently Selected:

मरकुस 8: NLXNT

Highlight

Copy