मरकुस 7
7
रीती पालणेन प्रश्न
(मत्ती 15:1-20)
1तेवी फरीसी एने यरूशलेम मायरेन आवील, कोलाक शास्त्री एखठाच आवीन ताफाय आवो, 2तास देखायील का तान कांही चेला अशुद्ध दोव ते ताहोलोच जेवण केरतीन हेते. 3काहाकाय फरीसी एने आखा यहूदीयान, डाय डायान रीत अनुसरून आथ हास केरीन धोन्याशिवय जेवण केरतीन नाह; 4एने बाजारामाय आवीन, जांह वोर उगंली नाह लेते, ताहवोर नाह खाणु; एने मोक्त्युस ओहल्यू दिहर्यु वातू हेत्यू, जी ताफाय माणने केरीन पोचाड देईल. जीही कोल्हया, एने तांबान ठाम्बला गेहडीन दोवणु. 5ज्यानहोस फरीसीन एने धर्मशास्त्रीन ज्यान यीशुह फुसील, “तुमरो चेला वेगालान पोहणे का केरतीन नाहं? पुण आपणा जेवण आथ दोव ते आवीन खाणु?” 6यीशु ताह कियील, “यशाया तुमु कोपटीन विषयाम खोब हाजी भविष्यवाणी केरील हि, जीही लिखील हि: ज्या माणहे ओठा केरीन मार आदर केर्तेह, पुण तान मोन मारीहरीन सेटो रेणें. 7एने ज्यां मारी वया भक्ति उपासना केर्तेह, काहाकाय ज्या माणहान आज्ञाह धर्मान शिक्षण बोणाव एने हिकाडतेह.”
8तुमूह बोगवानन आज्ञा बाजूमाय मिलवहि एने तुमूह माणहान परंपरा चव मदत लव जाईल हि. 9तो ताह कियील, तुमूह बोगवानान आज्ञा बाजूमाय केरणेल जादा चेत्रो एय गीयो हि तान केरता का तुमूह आपणो परंपरान स्थापना केरनेसेकव. 10वार्तानकेरता मुसान कियील, आपणो आईक आबाक सन्मान केरू एने जो कूण आपणो आईक आबाक सन्मान केरतीन नाहं ताह देहांत शिक्षा केराव एने. 11पुण तुमूह केणु जर एखादु आपणो आबाक आपणो आईक कियील का जो मी तुमूह पोषणानकेरता आपणेन तो कुर्बान म्हणजे अर्पण केरील हि. 12तर तुमूह आपणो आबाकने केरीन केवहव आइकनेकेरता ओगांण कांही केरनेआपतेन नाहं. 13इहकेरीन तुमूह आपणो संप्रदाय चालू मेलावा बोगवानन वचन रद्द केरता एने ज्यासाराखा उजू मोक्तास वातू केरता.
माणहाह अशुद्ध केरणारी वातू
14तेवी लोकसमुदयामाय पोशो हादाडळव कियील, तुमूह आखा जान मारा होमलू एने होमजाडव लव. 15बाहेररीन माणहान माय जाइन ताह भ्रष्ट केरीन इही नाहं तर माणहान मायरीन जो नीकलनेन तोज ताह भ्रष्ट करने. 16ऐव एने जान कान एती तो होमेल लेय. 17तो लोक्सामुदायामायारिन निकलीन गिर जांणेबादमाय तान चेला ताह ता देखाडणे वार्ता वशीयव फुसील. 18तो ताह कियील, तुमूह देखव ओला अज्ञाम हि का काय? जो कांही बाहेररीन माणहान माय जातेह तो ताह नष्ट केरनेशकत अशुद् जो तुमूह होमजाडणे नाहं काय? 19काहाकाय तो तान मोनाम नाह तर तो पेटाम जातेह एने शौचकुपातून बाहेर पुडव ओहलो रीन तान माय तान आखा प्रकारान खाणो शुद्ध ठेरायेल. 20उजू तो ताह कियील, जो माणहा मायरीन बाहेर नीकलनेन तोज माणहाह भ्रष्ट केरणे. 21काहाकाय मायरीन म्हणजे माणहान मोना मायरीन खराब विचार निकलहू. जारकर्मे, चोऱ्या, खुन, व्यभिचार, 22लोभ, दुष्ट पणा, निंदा, आल्युहू, हेव वो, जुलव हि गाळव, अहंकार मूर्खपणा. 23जाह आखा खारब वातू मायरीन बाहेर निकलहू एने माणहाह भ्रष्ट केरणू.
सुरूफिनीकी जातीन बायकून विश्वास
(मत्ती 15:21-28)
24पोशो यीशु ने तो जागो सोडीन सोर एने सिदोन प्रांतात गीयो ताहरी तो एक घेराम गीयो ज्यां कुणुथव मालूम नाहा इही तान मोनाम एता तेभी ताह लिकाडरेणे शक्य नाह एता. 25पुण तान आतव स सोरिन अशुद्ध आत्मा लागिल एतो ओहलव एक बायाकू तान बारामाय चालूच होमलील एने तान आवीन तान पाया पुडील. 26जी यूनानी एने सुरूफिनीकी जातीन एती; ती ताह विनंती केरील का मार सोरीमायरीन दुष्ट आत्मा काड दी 27तो तीह कियील, सोराह आफ्री जाणेदी, काहाकाय सोरान रूटू लावीन घेरून चिताह टाकणे हाजो नाहं. 28उवतू तान ती ताह उत्तर आपील, खेरो हि महाराज, तेभी घेरून चिता भी मेजाखालव सोरान आथा मायरीन पुळवचुरो भी खाणु. 29तो तान कियील, तारो केणेन पोटनो, जा ताररिन सोरिन मायरीन दुष्ट आत्मा निकली गीया योह. 30उवतू तान तान आपणे गिर गीया यव, तेवी सोरिन आथरिन लपूर टाकील हि एने दुष्ट आत्मा तिमायरीन निकली जायेल ज्यां इही तान देखणेन आवो.
बेयरा एने हक्लाणार माणहाह हुदारणो
31उवतू तो तो सोर भागाम निकलील एने सिदोनाव रून दिकापुलिस प्रांतामायरीन गलील समुद्रा उगे पोशा आवा. 32तेवी माणहान एक बेहेरू तोतऱ्या माणहाह ताफाय आवीन आपु ज्यापूर आथ मेलू ओहलो ताह एने विनंती केरील. 33तेवी तो ताह भवड मायरीन आंग्ये लव गीयू, एने तो आपणा आंगल्या तान कानामाय रीन गाड्यू, एने थुपव तान जीभीह स्पर्श केरील; 34एने उपेर स्वर्गा उखेर देखीन हांह लियेल, एने कियील, इफ्फाथा, म्हणजे “उगडी जा.” 35तेवी तान केरता उगडी गीयो एने तान जीभ बंद लागीच सुटव तो स्पष्ठ बोलणे लागिल. 36तेवी हे कोणव ज्यां हे मालूम नाहा इही तान चेतावणी केरीन कियील; पुण तो ताह जोहलो जोहलो किथी गीयो तोहोलो तोहोलो तो जादास हे पोरचार केरणे लागा. 37एने ते अतिशय बोंगलायन केया, तो आखो कांही हाजोच किरील हि, हा बेयराह होम्बलनेन एने मुकाह बोलणेन शक्ती आपीह.
Currently Selected:
मरकुस 7: NLXNT
Highlight
Share
Copy
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.