मरकुस 6

नासरेथ माय यीशुन अपमान

(मत्ती 13:53-58; लूका 4:16-30)

1ओवतू तो यीशु तान ठिकाणे रीन निकलीन, आपणो गावह आवु तान चेला ताहे-या आवो. 2शब्बाथ दिह आवा तो आराधनालय जाइन संदेश आपणेन सुरुवात केरील, तान संदेश होम्लावा जुलुम माणहे आश्चर्य चक्कित एय गीयो तो कियया, “ज्याह जो आखा कांही केरीन प्राप्त एय गीयो? ज्याह कानलो जो ज्ञान आपणे माय आवोल हि? एने ज्यान हाताकेरीन कोलिक सामर्थ्यान कामे ऐतेह? 3काय जो हुतार, जो मरियम ने सोरो, एने याकूब, योसे, यहूदा एने शिमोन ज्यान जो बाहाक तोच हि ने? काय ज्यान बोणिक न्या आपणेहेर्यो नाह रेती काय” इही ते तान बारामाय ठोकर खायील. 4तेवी यीशु ताह कियील, “भविष्यवक्तान सन्मान एता नाहं, इही नाहं पुण तान देशाम, तान आप्तेष्टाम जर तान घेरून माणहे तान सन्मान एता नाहरेने. 5जारिक दुखार्यापोर आथ मेलावा तान ताहाच हाजो केरील ज्या शिवाय दिहरा काल्लोबव सामर्थ्यान काम ताह ताहरी केरता आवो नाहं. 6तान अविश्वासान ताह आश्चर्य लागनो ओवतू तो तो शिक्षण आपतेन गाव गावामाय फिर्यो.”

बारा चेलाह मोकेलणो

(मत्ती 10:1,5-15; लूका 9:1-6)

7ओवतू तो तो बारा जाणाह आहने हादव तो ताह दुय-दुय जाणाह मोकेलने लागिल तो ताहा अशुद्ध आत्मापुर अधिकार आपील. 8एने ताह तो आज्ञा आपील का वातीन केरता डेग्गां शिवाय दिहरो कांही लेहु मां रूटू, थेयली पाकव तामाय पोशा लेहु मा. 9तेभी खाहडा पेरीन चालू, दुय डेगला पेरहू मा. 10एने तो ताह कियील तुमूह जां काबव घेर एकदाफाय उतरहु तेवी तो ठिकाण सोडते नाह ताहवोर ताच रेवू. 11एने जा जागापूर तुमरो स्वीकार नाहं एय, एने ताहरी वाला माणहे तुमरो नाय होमलव, ते तारीन निकेलतेन ता आपणा पायान मातड्यो ताच झेटकव दिवू का तापोर गवाही एय. 12ते तारीन निकेलना एने माणहान पश्चाताप केरुहू ओहलो तास पोरचार केरील. 13एने मोक्ता दुष्ट आत्माह बाहेर काडील, एने मोक्त्यू बिमार्युह तेल लागाडीन तांह हाजा केर्या.

यूहन्ना बाप्तिस्मा आपणारान खुन

(मत्ती 14:1-12; लूका 9:7-9)

14हेरोदेस राजानबाराम होमलील, काहाकाय यीशुन नाव आखा जागापूर गाजले एता कांही माणहे कियेल, बाप्तिस्मा आपणार यूहन्ना जव एने तालू एनो एय तान करता तामायरीन सामर्थ्यान काम शक्तव केरील काम केरतीन हि. 15एने दिहरा माणहे कियेल, “तो एलिया हि, कांही माणहे कियेल हा भविष्यवक्ता हि, म्हणजे भविष्यवक्ता मायरीन नूच एक हि.” 16पुण हेरोदेस राजो ज्यो होमलावा कियील, “यूहन्ना, मुंड ते मी काटाड देयेल इतू तो जव एने तालू एय जायवहि.” 17आपणो बाहाक फिलीप्पुस यान बायकू हेरोदेसिया जव ओगांण हेरोदेसाने स्व तः माणुह मोकलील यूहन्नाहा देराव एने कैदेत जेखेडव मिलवएता काहाकाय हेरोदेसाने तान हेऱ्यो वाराड किरील एता. 18एने यूहन्ना ताह केतेह इही, “तू आपणो बाहाक ने बायकू मीलनु ज्यो उचित नाहं.” 19यानकेरता हेरोदेसिया तां पोर डाव देरीन तान मारणे केरणेन; दिखिह एती पुण तान कांहीचालेन, 20काहाकाय यूहन्ना धर्मी एने पवित्र माणहे हि ज्यो सोमजव हेरोदेस तान बिय धरिन, एने तान रक्षण करीन, तो तान बोलुहू एक तेवी जुलुम गोंधळून जाय तेभी तान केणे होम्लावा ले. 21ओवतू तो एक दिह संधव आवा तेवी हेरोदेसाने आपणो वाढदिव शव आपणा प्रधान, सरदार एने गलील लामायवाला प्रमुख माणहे ज्या मेजवानव आपील. 22एने हेरोदेसान सोरिन नृत्य किरील तापोर आवील आखा प्रधान पावणा आनंद एय गीयो तापोर हेरोदेसाने तान कियील, “मांग, जो तुवाह जूइ हि, मी तुवाह तो आपण्यू.” 23पोशो तो तान वचन आपील कियील, मारा आर्दो राज्य सुद्द जो कांही तू मांगुह मी तुवाह आपण्यू. 24तापोर तान बाहेर जाइन आपणी आईक फाय आवी तान फुसील, मान्हा काय मागवजुव एने तेवी तान आहाक कियील, यूहन्ना बाप्तिस्मा केनारान मुंडे. 25तेवी तान चालूच दोव ळतव जाइन राजाफाय आवी एने कियील, मारी ईच्छा हि का बाप्तिस्मा आपणारा यूहन्नान मुंडे ऐव एने तेली एने माय आपज्यू. 26तापोर राजा जुलुम दुखव एनो पुण आपणी शपथवजेसे, एने हेरी बोहील कारण, तो ता सोरिन नकार आपुह शकवनाहं. 27तेवी राजाने हुकुम आपील का यूहन्नान मुंडे लावा आवु इही एक शिपायाह कियील, “तेवी बोन्दिखाणामाय जाइन यूहन्नान मुंडे काटव” 28एने ताह तेली एने माय मेलावा ता सोरिन आपील एने ता सोरिन आपणो आईक आपील. 29ताहेरया यूहन्नान चेला जव शुभवर्तमान होमेल्नव तेवी तो आवो एने तान शरीर कबरेम मिलव

पाच एजार एदम्याह खावाडणू

(मत्ती 14:13-21; लूका 9:10-17; यूहन्ना 6:1-14)

30ज्याबादामाय प्रेरित यीशु हेऱ्यो आवो, “एने आपु जो जो केरील एने जो जो हिकाडवतो आखा यीशुह कियील. 31तेवी तो ताह कियील, तुमूह जेंगलामाय एकांतव चाला एने थोडो थाकमुळने काहाकाय ताहरी मोक्तास माणहे आविह जात हि ताम ताहाच रूटू खाणेन देखव टाइम जुडतो नाहांऐतव. 32तेवी ते नावीम रीन पुरले उखेर सुनसान जागे गीया.” 33माणहान ताहाच निकेलतेन देखायील एने मोक्तास जाणाह ताह ओळखवएने तावाला आखा गावामाय रीन माणहे पायच निकलील दोवाडतेन जाइन तान पेलूच तोथा पोचना. 34यीशु नावीम रीन उतरना तेवी तान माणाहान मोठू समुदाय देखाणे तो तर मेंढपाळ नाह सोता मेंढरांनहोस एता केरीन ताह तानकेरीन दया आवा एने तो तान मोकताज वातूनकेरता शिक्षण आपणे लागिल. 35दिह मोक्ताज उतरीन लपूर तान चेला ताफाय आवो एने कियेल, ज्यां जेंगलामाय जागो हि एने दिह ऐव एने जुलुम उतरना हि. 36तेवी माणहान आजुबाजून गावामाय जाइन स्व तः केरता खाणेन कांही लावा आवज्यू केरीन ताह जाणे कियील. 37तान ताह उत्तर आपील, तुमुच ताह खाणेन आपु तो ताह कियेल काय जाइन दोनशे रुप्यान रूटू वेचातो लावा ताह खाणेन आपणे? 38तो ताह कियील, तुमरो पाय कोलाक रूटू हेते? जाइन देखू, देखायीलपूर ते ताह कियेल, पाच रोटा एने दुय मासा. 39उवतू तो ताह आज्ञा आप्यो, आखा माणहाह निल्ला खेडा पोर बोहाड दिवो. 40तेवी ता शंभर शंभर एने पन्नास पन्नास केरीन बोह्या 41उवतू तू तो ता पाच रोटाह एने ता दुय मांसा लियील एने उपेर स्वर्गा वूखेर देखीन आशीर्वाद मांगील एने रोटा मुडी-मुडीन तो चेलाह आपते रेणो, का ता माणहाह वाटती एने ता दुय मासां भी आखामाय वाट देना. 42ता आखा खाइन आफ्री गीया. 43एने ता उगरिनटूकडान बारा टोपला बोरीन विसील एने मासान टुकडा भी लव जायल. 44रोटा खाणार पाच हजार माणहे एता.

यीशुन पाणी पोर चालणो

(मत्ती 14:22-33; यूहन्ना 6:16-21)

45उवतू तो मी लोकसमुदयामाय जाणेन किथु, एने तुमूह नावीम बोहव पुरले उखव र बेथसदा न्या जा इही केयेल तान चालूच चेला जाणेन कियील. 46उवतू तो माणहाह जाणेन केयेल तो प्रार्थना केरणेन डोंगरापोर गीयो. 47एने रात एनी तेवी तो नाव समुद्राम मध्यभागव पोहचव लहव एती एने यीशु एखालो जोमनि पोर एतो. 48ताह तो आयेड मारीन हैरान एय गीयो हेते काहाकाय वारो जोरेस मुयाम आविह एतो उवतू तो रातव चौथ्या प्रहारान सुमारास तो समुद्रा माय पाण्या पोर चालतो ताऊखव र आविह एतो तान जागेरिन ओगांण जाणेन बेत एतो. 49पुण ताह पाण्यापुरिन चालतालून देखव हा भूतडो हि इही ताह लागनो एने ते आयळव 50पाच काहा का ताह देखव ता आखा बिईल एता तेवी तो चालूच ताहेर्यो बोलहू लागिल एने ताह कियील धीर देरू मी हि. 51एने तो ताऊखव र नावीम चेडिन गीयो तेवी वारा ठावको एनो उवतू तो तो मोनाम पराकाष्ठतेणे आश्चर्य चक्कित एय गीयो एता. 52काहाकाय रोटान वात त ताह उमगलावाहां ऐतव तान मोन केठव एय गीयो एता.

गनेसरेतान दुखाऱ्याह हुदारणो

(मत्ती 14:34-36)

53बादमाय तो पुरलेउखीर उतरीन गनसरेतमाय पोचील, तो तास मेरे नाव बांधीन मिलव. 54तो नावीम रीन उतरताच माणहान ताह ओळखव. 55एने तो आसपासणे भागाम चारिन उगे दोव ळादोववे केरीन फिरिनएने जाहरिन का तो हि केरीन तान कानव आवो, ताहरी तो दुखनेकऱ्यास खाटलापोर रीन गाडव ताफाय आवहू लागिल. 56तो खेडापाडाम, नगरांम, एने टोलाम मोलामांय काबव जाऊ, ताहरी तो दुखनेकऱ्यास बोर बाजारामारीन आवीन मेलणे एने आपु फाडका तेभी आथलागाडव दया: इही ताह एने विनंती केरीन, एने जोला ताह आथलागाडव तोलोक हाजो एता.

Currently Selected:

मरकुस 6: NLXNT

Highlight

Copy