मत्ती 14

यूहन्ना बाप्तिस्मा आपणारान खुन

(मरकुस 6:14-29; लूका 9:7-9)

1ता समय चौथाई भाग देशान राजा हेरोदेसाने यीशुन किर्ती होमेलनो, 2एने हेरोद दासाह कियील, “ज्यो यूहन्ना बाप्तिस्मा केरणार हि, ज्यो मुरील मायरीन जीवतालू उठिल हि, केरीन तान फायरीन सामर्थ्यन काम प्रगट ऐतेह.”

3काहाकाय ज्यो हेरोदेसाने आपणो बाहाक फिलीप्पुस ज्यान बायकू हेरीदिया जीन केरता, यूहन्नाहा देरावीन बाधील एने जेलीमाय टाकीन आपील एता. 4काहाकाय यूहन्नान ताह कियील एता कि जिहा मेलणे तारो केरता हाजो नाहं, 5केरीन हेरोद ताह मार टाकण्यो एतो, पुण माणहा बियीईन एती काहाकाय यूहन्ना ताह भविष्यवक्ता मानतला एता.

6ओवतो हेरोदेसिया जन्मदिवसान आवा, तर हेरोदेसिया सोरिन दरबाराम नाचने कृत्य देखाडीन आनंद किरील. 7ज्यापरीन तान शपथ लेईन वचन आपील, “जो काय तू मागही, मी तुवाह आपुह.” 8ते ती आपणी आईकने कानाम बोलिल, “यूहन्ना बाप्तिस्मा केनारान मुंडे तेलीमाय ज्याच मान्हा वचन आप.” 9राजा हेरोद दुखी एनो, पुण आपणी शपथवजेसे, एने हेरी बोहील कारण, हुकुम आपजी लागिल. 10एने तान जेलीमाय माणहाह मोकलीन यूहन्नान मुंड काटीन टाकील. 11एने तान मुंड तेलीमाय लावील गीया एने सोरीह आपील गीया, ताह ती आपणी आहाक आहने लेईन गीयी. 12तेवी यूहन्नान चेला आवा एने तान शरीराह लीन जाइन गाड देना, एने जाइन यीशुह वर्तमान खोबेर किरील.

पाच हजार एदम्याह खावाडणेन

(मरकुस 6:30-44; लूका 9:10-17; यूहन्ना 6:1-14)

13जेवी यीशु होमलील, तर तो नावीपुर बोहीन तारीन सुनसान जागापोर, एखलामाय निकलीन गीयो माणहे हे कोलाक देश-देशांम पायी तान पासाण निकलीन गीया. 14तान निकलीन एक मटली गेर्दी देखील एने तापोर दया केरील, एने तान बिमारी हाजी किऱ्यो.

15जेवी हांजपोर एनो तेवी यीशुन चेला तान आहनी आवीन कियील, “ज्यो सुनसान जागो हि एने वार एता हि, माणहाह केवू कि ती गावाम जाइन आपणो केरता खाणेन वेचातो लावू.” 16पुण यीशु ताह कियील, “जा माणहा तुमुच ताह खाणेन आपु.” 17चेला यीशुह कियील, “या आमरा फाय पांच रोटा एने दुय मासा सोडीन उंजू कायीच नाहं सोतो.” 18तान कियील, “ताह न्या मारो आहने लीन आवो.” 19तेवी तो माणहाह खेडापुर बोहणेन कियील, एने ता पाच रोटा एने दुय मांसाह लेदो, एने स्वर्गा उगे देखीन आशीर्वाद मांगील एने रोटा मुडी मुडीन चेलाह आप दियील, एने चेला, माणहाह आप्या. 20आखा खाइन आफ्री गीया, एने चेला उग्रील टुकडा बारा टोपला बोरीन विस्या लेदा. 21एने खाणारा बायकू एने सोरा सोडीन, पांच हजार माणहे एता.

यीशुन पाणी पोर चालणु

(मरकुस 6:45-52; यूहन्ना 6:15-21)

22तेवी तान चालूच आपणो चेला नावीपोर चेडिन कियील कि तो तान पेल्ला पुरलेउखीर जावो, ताह माणहाह विदा केरी. 23तो माणहाह मोकलीन, प्रार्थना केरणेन केरता दिहीरा डोंगरापोर निकलीन गीयो; एने राती तो ताच एखालो एतो. 24ता टाइम नाव समुद्रमाय लाटांनी नावी आलने बाज गीयी, कारण वारो जुलुम चालू एतो. 25एने यीशु रातीन चौथ्या पहरी पाणी पोर चालीन तान आहने आवील. 26चेला ताह समुद्रापुर चालतालु देखीन बियी गीया, एने केणे लागिल, “ज्यो भूतडो हि” एने बियीन आयडणेन लागिल. 27तेवी यीशुन चालूच तासहेऱ्यो बोल्णु कियील, “धीर देरू मी हि, बिऊ मा” 28पतरस यीशुह उत्तर आपील, “हे प्रभुजी, जर तू हि, तर माहु आपणो आहने पाण्या पोर चालणे आवणे आज्ञा केर.” 29तो कियील, “आव” तेवी पतरस नावापुर उतरीन यीशु आहने जाणेन केरता पाण्या पोर चालणे लागिल. 30पुण वाराह देखीन बियीन गीयो, एने ताहेरया बुडणे लागिल तर आयडीन कियील, हे प्रभुजी, माहु वोचाड. 31यीशु चालूच आथ ओगांण केरीन ताह देरीन लीईल एने ताह कियील, “अरे अल्पविश्वासी, तू का शक दिरील.” 32जेव्ही तो नावीपोर चेडिन गीया, तर वारू थोब गीयी. 33जा उपेरीन नावीपुर, यीशु नमन केरणे कियील, खेरी खेरीच तू बोगवानान सोरो हि. 34तू पुरलेउखीर उतरीन गनसरेतमाय पोचील. 35तावालोच माणहाह ताह आयडीन लीईल एने आहने पाहनेनआखा देशाम समाचार मोकलना, एने आखा दुखार्या तान आहने लावील, 36एने ता माणहे विनंती केरणे लागिल कि तो ताह आपणो फाडकान गोड्यास कियील आथ लागाडी दया, एने जोलाक ताह आथ लागाडील तो हाजो एय जातालो.

Currently Selected:

मत्ती 14: NLXNT

Highlight

Copy