मत्ती 13

बीज पेणारान वार्ता

(मरकुस 4:1-9; लूका 8:19-21)

1तेवी यीशु घेररीन निकलीन समुन्द्रान मेरावूर जाइन बोहील. 2एने तान आहने ओहली मोठली गेर्दी जमा एनी का, तो नावीन उपेर चेढ गीयो एने आखीच गेर्दी मेरापूर उभी रेणी. 3एने ताह वार्ता वात कियील, “देखो एक बीज पेरणार बीज पेरणे निकल्यो. 4काही बीज वाटीन मेरापूर पोडील एने चिडा आवीन ताह खाई गीया. 5काही दाणा सापऱ्याटाम जोमनिपुर पोडील, ताहा मातड्या नाह जुडानो केरीन तो जेल्दी उगना. 6तेभी दिह निकलील ओवतो ता चीमाय गीया एने मूल नाह देराय करीन ता हुकी गीया. 7काही दाणा काटा वाला झाडाम पोडील झाडे मोठा एईन ताह दाबीन टाकील. 8काही दाणा हाजो जोमनिपुर पोडील, एने फोल आपील काही शंभर पट, काही साठ पट, एने काही तीस पट. 9ज्यान कान रेंय तान होमलू.”

वार्तान उद्देश

(मरकुस 4:10-12; लूका 8:4-8)

10चेलाह आहने आवीन ताह केया, “तू माणहाहे-यो वार्तांमा कहा वातू केरणे” 11यीशु उत्तर आपील “तुमूह स्वर्गान राज्यान भेद जनेन सोमोज जुडील हि पुण ताहा नाह जुडील सोतीहं.” 12काहाकाय जाफाय हि ताहा उन्जू जुडी, पुण जाफाय नाह सोतो ताफ जो ताफाय हि तो भी मागाय जाय. 13मी तासहेऱ्यो वार्तामा ज्ञान केरता वातू कि दिखता असून भी दिखिह नाहं एने होंबलेह असू हं होंबलेह एने नाहं होमजाडणे. 14तान विषय माया यशायान जी भविष्यवाणी पुरो एता हि तुमूह काना केरीन होमली पुण समजी नाहं एने डोलाकेरिन देखहु तेवी ना जायहं समजनि.

15काहाकाय ता माणहा मोन कठोर एय गीया गेल हि, एने ते कानाम उपेरीन होमेलनू तास आपणा डोला बंद किरील हि. केध्दीह इही होवो कि ते डोलाकेरिन देखू, एने काना केरीन होमेल एने मोना मायरी होमजी गीया एने उन्जू जावू ताह एने मी ताह हाजो केरू.

16पुण धन्य हि तुमरो डोला, तो देखताला, एने तुमरो कान होंबलेह हि. 17काहाकाय मी तुमूह खेरो किथु कि जोलूम भविष्यवक्ता एने खेरा जनीन कि जी वातू तुमूह दिखील हि, देखीणे, नाह देखील, एने जीवात तुमूह होंबलेह हि, कोलाक नाह. होमेलने जुडणी नाह.

पेरणारान वार्तान अर्थ

(मरकुस 4:13-20; लूका 8:11-15)

18ऐवी तुमूह पेरणारान वार्तान अर्थ होमलू, 19जो कूण राज्यान वचन एनो नाहं होमजाडणे, तान मोनाम जो पेरील हि ताह तो दुष्ट आवीन साडाळीनि लेईन जाथू, तो ज्याच हि जो वाटी पुर पेरील गीया एता. 20एने जो देगडान जोमनि पोर पेरीलन गीया हि, जो वचन कोलाक जेल्दी आनंदान बाराम मानीन लेणे. 21पुण आपणो माय मूल नाह, मोकनेज कारणाने तो थोडच दिहान केरता हि एने वचनमाय क्लेश एने उपद्रिन एतो तो तात्काळ ठोकर खाहोव. 22जो झाडापूर पेरीन गीया हि तो ज्यो हि वचनामाय होमलथू तो आवो जगान चिंता एने धनान धोका वचनामाय दाबिल एने तो फोल नाहं आपतेन. 23जो हाजो जोमनि पोर पेरील गीया, तो हि जो वचनामाय एईल होमजाडीन लेणे, एने फोल आपथु कूण शंभर पट, कूण साठ पट, एने कूण तीस पट.

जंगली बीजान वार्ता

24यीशु ताह एक उंजू वार्ता आपील, “स्वर्गान राज्य ता माणहान सारकोस हि ताह आपणो खेताम हाजो बीज पेरील. 25पुण ताहेरया माणहे हुवती एता तेवी शत्रु आवीन गोवान बीजा माय जंगली बीज पेरीन निकलीन चालहु गीयो. 26ताहेरया रोप आवी पाला आवील तेवी जंगली बीजा, भी रोपे पुण देखाणे लागिल. 27तेवी घेर दाणा लावील ताह केयेल तेवी घरदानान दासानवजेसे आवीन केयेल, हे मालिक, घेर दाणा तू आपणो खेताम हाजो बीज नाहं का पेरील? तू जंगली बीज ने रोपे तामाय कारीन आवा. 28मालिक ताह केयेल हे कल्ला फायरी तेवी शत्रु ने काम हि दासान जेसे ताह केयेल काय तारी ईच्छा हि कि, आमु जाइन ते जमाडीने लेजी. 29मालिक केयेल कि, नाहं, होवो कि जंगली बीज ने रोपे टोलुवालीन लावणेन तुमूह तान हेरी गीया पुण गोव उखाडीन टाकील. 30कटनी ताहवोर भी ला हेरी वाईहु द्या एने काटणेन टाइम काटणी केरणाहारा केहू कि बीज चे रोपे जमाडीने जडूके तान पारू बाधित ली एने गोवाह मारो खेताम जमाडीने ली.”

राईन बीजान वार्ता

(मरकुस 4:30-32; लूका 13:18,19)

31तो ताह उन्जू एक वार्ता आपील, “स्वर्गान राज्य राईन एक दाणान बरोबर हि ज्याह कूण माणुह लेईन आपणो खेताम पेरणेन. 32तो आखा बीज पेक्षा आत्यो तर असतो पुण ताहेरया तो वोदिन जाथू तेवी आखा भाज्या पेक्षा मोठू एय जाथू, एने इही झाड एय जातेह कि, आकाशामाय चिडा आवीन तान दाल्खीपोर वस्ती केरतेहे.”

खमीरान वार्ता

(लूका 13:20,21)

33तो एक उन्जू वार्ता ताह होमलायेल, “स्वर्गान राज्य खमीरान होस हि जाह एक बायकू लेईन तीन पायाला पिठामाय मिलावी देनी एने एता तो आखा खमीर एय गीयो.” 34जी आखी वातू यीशु वार्तामा माय माणहाह केतालू एने केवाय वार्ता तो, ताह तान कायीच केयेल नाहं. 35कि जे वचन भविष्यवक्तान उगेरीन केयेल गीया एता, ते पुरोज होवो, “मी वार्ता केणेन केरता आपणा मूय उघाडील मी ता वातूह जे जगान उत्पत्ती तारीन लिकाडील रेणी हि ती प्रगट केरूह.”

जंगली बीजान वार्तान अर्थ

36तेवी ते गेर्दी ला सोडीन घेराम आवा, एने तान चेला तान आहने आवीन कियील, “खेतामायवालो जंगली बीज वार्ता आमूह होमजाडीन आप.” 37तान ताह उत्तर आपील, “हाजो भी चे पेरणी केरणार माणहान सोरो हि. 38खेत संसार हि, हाजो बीज राज्यान सोरा हि, एने जंगल बीज दुष्टान सोरा हेते. 39जो पेरणार दुश्मोन जाह पेरील ताह शैतान हि, काटणेन जगान सेवट हि काटने वालू स्वर्गदूत हि. 40सेवट जोहलो जंगली दान जोमडीही जातेह एने बोलतेह जातेह तोहोलोच जगाच्या सेवट एय हि. 41माणहान सोरो आपणो स्वर्गदूतांम मोकलुहु, एने ते तान राज्याउखीरिन आखा ठोकर कारणाने एने कुकर्म केरणाराह एक्ठाच केरूह. 42एने ताह आकठाम कुंडाम टाकील जोहरो, रेडनु एने दात खाणु रेंय. 43तीबोखेत खेरलामानहा आपणो आबाक राज्यातम सूर्या सारकोस पिपलीतान, कान रेंय तो होमलू ले.”

लीकायील खजानान वार्ता

44“स्वर्गान राज्य खेताम लागाळील धेन सारकोस होय, ज्याह कूण माणहान मिळवणे एने दोबावीन आपील, एने आनंदन बाराम जाइन आपणा आखा पाकील टाकील एने ता खेताहा वेचातो लीईल.”

किंमतीवान हिरो

45“उन्जू स्वर्गान राज्य एक व्यापाऱ्या सारकोस हि, जो किंमतीवानमोतीइ होदमाय एतो 46तेवी ताह एक किमती मोती जुडणी तर तो तान जाइन आपणा आखा वेच टाकील एने ताह वेचातो लेय लीईल.”

जालान वार्ता

47उन्जू स्वर्गान राज्य ता मोठली जाला सारकोस हि जो समुद्रा माय टाकील एतो, एने आखा प्रकारान मासा एक्ठाच किरील. 48एने ताहेरया जालो बोरीन गीया तेवी मासा देरणारे मेरापूर लेईन आवा, एने बोहीन हाजा-हाजा बासनाम एखालूच किरील एने खराब खराब मासा टाकील आपील. 49जगान सेवट ओहलाच एय स्वर्गदूत आवीन दुष्टांहा खेराजानापोररीन आलेग केरू. 50एने ताह आकठाम कुंडाम टाकील ओहलाच. जाहरी रेडनु एने दात केकडावणू रेय.

जुनाली एने नावाली शिक्षान महत्व

51काय तुमूह जी आखा वात नाहं होमजील काय? तास ताह केयेल होव. 52तो ताह कियील जानकेरता एक शास्त्री जो स्वर्गान राज्य चेला बोणील हि ता गृहस्थ सारखो हि जो आपणो भांडारामरीन नोवालो एने जुनो वस्तु काडीन.

नासरथमा यीशुन अनादर

(मरकुस 6:1-6; लूका 6:16-30)

53तेवी यीशु जो आखा वार्ता केयीन तारीन चालहु गीयो. 54आपणो नगरात आवीन तान आराधनालय माय ताह ओहलो संदेश आपणेह लागिल कि ते भोगलाईन एईन केणेंन लागिल ज्याह जो ज्ञान एने सामर्थ्यान काम केरीन जुडील. 55का हा हुतारान सोरो नाह? एने ज्ञान आहाकान नाव मरियम एने तान बायाकने नाव याकूब, योसेफ, शिमोन एने यहूदा नाह? 56एने ज्ञान आखा बोणिक आपणो हेरी नाहं रेथे तर ज्याह जो आखा केरीन जुडील. 57ओहलो प्रकारे तान कारणाने ठोकर खायील पुण यीशु ताह कियील “भविष्यवक्ता आपणा देश एने घेर सोडीन मात्र सन्मान जुडणे नाहं.” 58एने तान ताहरी आपणो अविश्वासान कारणाने आखा सामर्थ्यान काम नाहं किऱ्यो.

Currently Selected:

मत्ती 13: NLXNT

Highlight

Copy