यूहन्ना 14

बोगवानफाय वोर पोचणेन वाट

1“तुमरो मोन गाबराय गीयू नाहा; बोगवानापुर विश्वास मेलू एने मारपुर पुण विश्वास मेलू. 2मारो आबाकने गिर जादा रेणे तीजागेन हि, केध्दीह रेणी नाहती तर मी तुहा कियील, हि; कारण मी तुमरो केरता जागो तियार करण्या केरता जाथू. 3एने केध्दीह मी जाइन तुमरो केरता जागो तियार केरूह, तर ओवतो आवीन तुमूह लेईन जाह किजी मी रेणे ताहरी तुमूह पुण रेंय. 4जांबी मी जाह हि तावालू सिडिक तुमूह मालूम हि.” 5थोमा ने ताह कियील, “हे प्रभु, आमूह नाहं मालूम कि तू काहरी जात हि; तर वाट किहीकाय मालूम रेहू?” 6यीशु ताह कियील, सिडिक एने सत्य एने जीवन मीच हि; माहु वाचीन पित्या उगे कुनुस जाहू नाहं. 7केध्दीह तुमूह माहु ओलखिल हि, तर मारा पित्याला पुण ओलखिल हि; एने ऐवी ताह ओलकतेह, एने ताह देखताला पुण.

8फिलीप ने ताह कियील, “हे प्रभु, पित्याला आमूह देखाडीन आप, ज्याच आमरा केरता मोक्तास हि.” 9यीशु ताह कियील, “हे फिलीप, मी ओलाक माय दिह तारीन तुमरो हेरी हि, एने काय तू माहु नाहं ओळखतेह?” ज्यान माहु देखील हि तान पित्याला देखाय हि तू का किथे कि पित्याला आमूह देखाड? 10काय तू विश्वास नाहं केरतीन कि मी पित्या माय हि एने आबोक मारो माय हि वात मी तुवाह किथे, मार फायरीन नाहं केहू शकत, पुण पित्या मारो माय रेयीन तान काम करने. 11मारो विश्वास केरू कि मी पित्या माय हि एने मी पित्या माय हि; नाह पुण कामान कारणाने मारपुर विश्वास केरू.

12मी तुमु खेरो खेरो किथे कि जो मारो उपेर विश्वास करने, हे कामे मी करने ते तो पुण केरूह, नाहं तर तान पेक्षा भी काही कामे तो केरूह, काहाकाय मी पित्याफाय जाथू 13जे काही तुमूह मारो नावान मागू, तोज मी केरूह कि सोरो च्या द्वारे पितान महिमा एय. 14केध्दीह तुमूह मारो फायरीन मारो नावा केरीन काही मागू, तर मी ताह केरूह.

पवित्र आत्मान प्रतिज्ञा

15“केध्दीह तुमूह मारो उपेर प्रेम केरणू, तर मारो आज्ञाना पालू. 16मी पित्याला विनंती केरूह, एने तो तुमूह एक उन्जू साहायक मोकलुहु कि तो कायम तुमरो हेरी रेंय. 17म्हणजे सत्याचा आत्मा, ज्याह जग ग्रहण नाहं केरू शकत, काहाकाय तो ताह दिखिह नाहं एने ताह, ओळखतेह; तुमूह ताह ओलकतेह, कारण तो तुमरो हेरी रेणे, एने तो तुम्रेमाय रेंय.”

18“मी तुमूह अनाथ सोडणार नाहं; मी तुमरो आहने आव हु. 19एने थोडोच टाइम रेयीन गीयी हि कि ओवतो जग माहु देखणार नाहं, पुण तुमूह माहु देखणे; ज्ञान केरता कि मी जीवतालो हि, तुमूह पुण जीवतालो रेती. 20ता एक दिह तुमूह हे सोमजीह कि मी आपणो पित्या हेरी हि, एने तुमूह कुणबी, एने मी तुम्रेमाय हि पित्या हेरी हि, एने तुमूह कुणबी, एने मी तुम्रेमाय हि. 21ज्यान आहने मारी आज्ञा एने ते ताह देखणे, तोच मारो उपेर प्रेम करने; एने जो आबाक प्रेम करने एने मारो जीवाह तान उपेर प्रगट केरूह.” 22दया यहूदा इस्कर्योत जो हेल्ल्नी नाहं एतो, ताह कियेल, “हे प्रभु, काय एय गीयो कि तू आपणो जीवाह आमरा उपेर प्रगट केरणे देखी एने जगा नाहं?” 23यीशु ताह उत्तर आपील, “केध्दीह कूण मारपुर प्रेम करने तर तो मारो वचनामाय पालने, एने मारो आबोक तान उपेर प्रीती केरूह एने मी तान आहने आवी नाणी तान आहने रेंय. 24जो मारपुर प्रेम नाहं केरतीन, तो मारा वचन देखतालु नाह; एने जे वचन तुमूह होमेलनू ते मारा नाहं तर पितान हि, ज्यान माहु मुकलेल.

25“आवो वातू मी तुमरो हेरी रेतालान मी तुमूह केदाली. 26पुण मदत केरणार म्हणजे पवित्र आत्मा ज्याह आबोक मारो नावामाय मोकलुहु, तो तुमूह आखा वातू हिकाडू, एने जे काही मी तुमूह केयेल हे आखा तुमूह इआवीह केरीन आपुह. 27मी तुमूह शान्ति आपिन जाथू आपणी शान्ति तुमूह आपथु; जोहलो जगाम आपणु, मी तुमूह नाहं आपतेन: तुमरो मोन व्याकुल एतो एने बिऊ मा.” 28तुमूह होमलेल, कि मी तुमूह केयेल, मी जाथू, एने तुमरो आहने पोशा आवूह केध्दीह तुमूह मारपुर प्रेम केरती, तर आवो वातू केरीन आनंदित एय गीयो हि कि मी पित्या आहने जाह, काहाकाय आबोक मारो ताहरीन मोठू हि. 29एने मी ज्ञान आवणेन पेलूच केयीन आपील हि, ताहेरया ते एय जाह, तेवी विश्वास केरू. 30मी ऐवी तुमरो हेरी जुलुम वातू नाहं केरुहू, आवो जगामायवालो सरदार आविह हि मारपुर तान अधिकार नाहं; 31पुण हे ज्ञान केरता एता, हि कि जग सोमजी कि मी आबाकपूर प्रेम करने, एने जोहलो आबुक माहु आज्ञा आपील मी तिहीच करने. उठो, न्यारीन चालो.

Currently Selected:

यूहन्ना 14: NLXNT

Highlight

Copy