Luke 3

De agoago o John taane Babudaisi

(Mat 3.1-3; Mark 1.1-8; John 1.19-28)

1Gai de madaangahulu ma lima huu ngadau o Tiberius Caesar ne hodooligi ai — go de masavaa o Pontius Pilate e goobenaa ai i Judea, Herod go de tetrarch#3.1 De tetrarch se dagi bei de goobenaa i de masavaa laa. o Galilee, dono daina daane go Philip go de tetrarch Ituraea ma Traconitis, gai Lysanias go de tetrarch o Abilene — 2de masavaa laa gai go Annas ma Caiaphas luu dangada haimeedabu maolunga, gai de Maadua ne hagaago ange ana muna gi a John, tama daane a Zechariah i de vao. 3Gai ia ne hano gi mommee alodahi i luu baasi o Jordan ga agoago ai dagodo o de babudaisi, ma de dahuli o de lodo gi maatala ai denga haisala. 4Bei de hai gu sisi ai i de beebaa iai muna a de pelaabisi go Isaiah:

“De leo o dahi e oo i de vao ma e hagadaba,

‘Hagadabena ina de haiava o Tagi Maolunga;

hagassoea ono haiava.

5Haaoa age denga geelonga alodahi,

gai uluhia denga mounga ma duuduu alodahi.

Gai hagassoea denga mommee pigo,

gai haia gi baba denga mommee haduhadua.

6Gai dangada alodahi e gidee naa de hagaola a de Maadua!’ ” #Isa 40.3-5

7Gai ia ne hai ange gi dangada soa ne loomai laa e babudaisi i ono daha, “Goodou dama a denga labodo hagammau! Goai ne hai adu goodou gi hagaola ina goodou mai i de bole gu dai humai laa?#Mat 12.34; 23.33 8Goodou hagaagona mai i oodou hegau bolo goodou gu daahuli abodonu oodou lodo. Gai goodou aude hagataba, ‘Gimaadeu ni dama nii Abraham.’ Au e hai adu gi goodou, de Maadua e maua i de hai hadu nei e hai ai dama a Abraham!#John 8.33 9Iainei gai de hagadaguu gu dagodo donu i daahido o denga manu ssomo. Deenei ai, manu ssomo alodahi e deai hua danuaa iai e sele iho naa donu ga tili ange gi lo te ahi.” #Mat 7.19

10Gai dangada soa ne ssili ange gi de ia, “Ni aha amaadeu e hai?”

11John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

12De gau e hagabudulia taagisese ne loomai hogi e babudaisi i daho John, gai gilaadeu ga ssili ange gi de ia, “Tangada Agoago, ni aha amaadeu e hai?” #Luke 7.29

13John ne hai ange gi gilaadeu, “Goodou aude haia gi dubu ange sseene oodou e kave mai i daho dangada, i mee gu hagamodu adu gi goodou.”

14Denga daane hebagi ne ssili ange hogi gi de ia, “Gai gimaadeu, ni aha amaadeu e hai?”

Ia ne hai ange gi gilaadeu, “Goodou e dee hai gi de mahi sseene a dangada, aabe gi hagabuuia ange ssala gi gilaadeu i de muna hadu; gai goodou gi malangilangi i oodou hagaoanga.”

15De masavaa laa gai dangada alodahi gu tali, ma de ssili i olaadeu lodo dagodo o John, be ia go de Klisdo. 16Gai a John ne hai ange gi gilaadeu alodahi, “Au e babudaisi goodou i de vai, gai e dahi naa dangada e humai i ogu dua; ia e maolunga ange i de au, gai au e dee bau ange i de tala mee e noonooa ai ono mee vae. Ia e babudaisi naa goodou i de Hagasaalunga Dabu ma de ahi. 17Ia e poo i dono lima dana laagau nonu grain, gai ia ga hagamalaelae ai dana mommee hili huamanu, gai ga hagabudu denga grain i lo tana mommee doange grain, aagai ia ga dudu denga gili i de ahi e dee maua laa i de diinei.” 18E lagolago muna a John ne hagammahi ange ai lodo o dangada aama de agoago ange gilaadeu i de longo danuaa.

19Aagai a John ne hagasee Herod, de tetrarch i hiidinga ia gu hai bodu ange gi Herodias, de bodu o dono daina daane, aama mee baubau alodahi a Herod gu hai,#Mat 14.3-4; Mark 6.17-18 20gai Herod ne hagapuni ange hogi de mee nei gi mee alodahi ange laa: ia ne hhao a John gi lo te hale pono.

De babudaisi o Iesu

(Mat 3.13-17; Mark 1.9-11)

21Gai de masavaa huu ne odi ai dangada i de babudaisi, gai Iesu gu babudaisi hogi, gai de masavaa oona e dalodalo ai gai gu hhuge de langi, 22gai de Hagasaalunga Dabu gu hano iho gi ono elunga e hagadulagi ange gi de manu kono. Gai gu basa iho hogi de leo i de langi ga hai ange, “Go koe dagu Dama Daane hagamogomogo; au e malangilangi i de goe.” #Gen 22.2; Psa 2.7; Isa 42.1; Luke 9.35

Denga dubuna madagidagi o Iesu

(Mat 1.1-17)

23Gai Iesu gu dai matolu ono ngadau i de masavaa aana ne daamada ai dana duuhanga hegau. Gai dangada e maanadu bolo ia se dama daane nii Joseph, Joseph go tama daane a Heli, 24Heli go tama daane a Matthat, Matthat go tama daane a Levi, Levi go tama daane a Melki, Melki go tama daane a Jannai, Jannai go tama daane a Joseph, 25Joseph go tama daane a Mattathias, Mattathias go tama daane a Amos, Amos go tama daane a Nahum, Nahum go tama daane a Esli, Esli go tama daane a Naggai, 26Naggai go tama daane a Maath, Maath go tama daane a Mattathias, Mattathias go tama daane a Semein, Semein go tama daane a Josek, Josek go tama daane a Joda, 27Joda go tama daane a Joanan, Joanan go tama daane a Rhesa, Rhesa go tama daane a Zerubbabel, Zerubbabel go tama daane a Shealtiel, Shealtiel go tama daane a Neri, 28Neri go tama daane a Melki, Melki go tama daane a Addi, Addi go tama daane a Cosam, Cosam go tama daane a Elmadam, Elmadam go tama daane a Er, 29Er go tama daane a Joshua, Joshua go tama daane a Eliezer, Eliezer go tama daane a Jorim, Jorim go tama daane a Matthat, Matthat go tama daane a Levi, 30Levi go tama daane a Simeon, Simeon go tama daane a Judah, Judah go tama daane a Joseph, Joseph go tama daane a Jonam, Jonam go tama daane a Eliakim, 31Eliakim go tama daane a Melea, Melea go tama daane a Menna, Menna go tama daane a Mattatha, Mattatha go tama daane a Nathan, Nathan go tama daane a David, 32David go tama daane a Jesse, Jesse go tama daane a Obed, Obed go tama daane a Boaz, Boaz go tama daane a Salmon, Salmon go tama daane a Nahshon, 33Nahshon go tama daane a Amminadab, Amminadab go tama daane a Admin, Admin go tama daane a Arni, Arni go tama daane a Hezron, Hezron go tama daane a Perez, Perez go tama daane a Judah, 34Judah go tama daane a Jacob, Jacob go tama daane a Isaac, Isaac go tama daane a Abraham, Abraham go tama daane a Terah, Terah go tama daane a Nahor, 35Nahor go tama daane a Serug, Serug go tama daane a Reu, Reu go tama daane a Peleg, Peleg go tama daane a Eber, Eber go tama daane a Shelah, 36Shelah go tama daane a Cainan, Cainan go tama daane a Arphaxad, Arphaxad go tama daane a Shem, Shem go tama daane a Noah, Noah go tama daane a Lamek, 37Lamek go tama daane a Methuselah, Methuselah go tama daane a Enoch, Enoch go tama daane a Jared, Jared go tama daane a Mahalalel, Mahalalel go tama daane a Kenan, 38Kenan go tama daane a Enos, Enos go tama daane a Seth, Seth go tama daane a Adam, gai Adam go tama daane a de Maadua.

Currently Selected:

Luke 3: DBD

Highlight

Copy