Acts Hanu dagodo o de beebaa nei
Hanu dagodo o de beebaa nei
Acts ne duudagi mai mee e sisi laa i De Longo Danuaa a Luke. Luu beebaa nei ngaadahi go Luke ne siia, i daha denga ngadau e 63 ma 70 a.d. De Beebaa go Acts e sisi ai dagodo de dagi a de Hagasaalunga Dabu dangada ne hagadonusia Iesu i taamada. Gai gilaadeu ne hagadele de Longo Danuaa o Iesu “i Jerusalem, ma Judea alodahi, aama Samaria, ga dae ai loo gi de bido laa o henua i lalo” (1.8). Luke e tala hegau a de nohoanga dabu ne daamada laa i daho de gau Ssuu. Gai hegau nei ne hai hogi gi maua ai e dangada i henua i lalo alodahi i de hagadonusia. Luke ne lodo e hai gi tonu ange dangada e daulia muna i lo te Beebaa nei, bolo de gai o dangada gu hagadonusia laa, e dee hai baasi ange ai gi de hodooligi o Rome, aagai e hai gi hoohonu danuaa denga hai daumaha a de gau Ssuu.
Dahi mee hagamogomogo i Acts go de hano iho o de Hagasaalunga Dabu ma dono sauaa, gi honga o denga dangada agoago a Iesu i Jerusalem i de laangi o Pentecost, ga dagi ma de hagalodo mmahi de nohoanga dabu ma denga dagi i kilaa, i hegau alodahi gu sisi laa i lo te beebaa nei. De mada e 1-12 o Acts e tala dagodo hegau a Peter, ma Stephen, ma Philip, aama hanu dagodo o Barnabas. De mada e 13-28 e tala dagodo o Paul, ma ana hegau, aama dono hagadaga saele.
Dahi gubu hagamogomogo: “Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo” (1.8).
Denga vaevaaenga
De gau tala i Jerusalem (1.1-26)
a. Muna hagaodi ma de hagatoo donu a Iesu (1.1-14)
b. Taane ne suuia Judas (1.15-26)
De Longo Danuaa i Jerusalem (2.1—8.3)
De Longo Danuaa i Judea ma Samaria (8.4—12.25)
Hegau a Paul (13.1—28.31)
a. Tahi hagadaga saele o Paul (13.1—14.28)
b. De hagasaele i Jerusalem (15.1-35)
c. De lua hagadaga saele o Paul (15.36—18.22)
d. Tolu hagadaga saele o Paul (18.23—21.16)
e. De noodia o Paul i Jerusalem, Caesarea ma Rome (21.17—28.31)
Currently Selected:
Acts Hanu dagodo o de beebaa nei: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.