Lɔmukalu Lɛtɛlɛ sɛvɛko kun
Lɛtɛlɛ sɛvɛko kun
Isa ya keladen Pɔli ka taama minu kɛ Samakan Kein lasenko lɔ, a ka lɛtɛlɛ min sɛvɛ wo taama sawana laban ne lɔ. A kɛyine iwo Jahudiya minu tɛɛ vɛ limaniya Isa ma, iwo Pisila ni a kɛ́ Akuila, wolu dɔlu tɛɛ vɛ Samakan Kein lase Lɔmu so kɔnɔ. Limaniyamɔɔ minu tɛɛ je ai sabu la, wolu ka kɛ Lɔmu limaniyajama kunfɔlɔ le. Ai do tɛɛ ladɛn kɛla Pisila ni Akuila ya bon ne la (16.3-5). Wo le k'a kɛ, Pɔli tɛɛ a fɛ ka taa bɔ ai ma Lɔmu, ni a tɛɛ ka kɛ timinna ka taa Ɛsipaɲɛ jamana lɔ. A do ka lɛtɛlɛ min sɛvɛ taama wo lɔbɛnko le lɔ (15.22-24).
Pɔli tɛɛ a fɛ ka Lɔmu limaniyamɔɔlu kalan ko dana le la.
A kunfɔlɔ yi Samakan Kein lasenko le le siboloma gbɛlɛ mɔɔlu ma. A a jiya le la ko Samakan Kein yi mɔɔ bɛ le lakisila, Jahudiyalu ni siboloma gbɛlɛ mɔɔlu bɛ (1.16). Ni mɔɔ mɔɔ si ka limaniya Ala ma k'a bolo sii Isa ya Samakan Kein kɔlɔ, wo tii yi kisile, kamasɔlɔn Ala tɛ lafisayali kɛla (1.18–8.39).
Wo kɔ, Pɔli yi kisiko lasena Bani Isilankalu bɛ ma, ko ai ka kan k'ai bolo sii Ala ya nɛɛma kɔlɔ (9–11). Ala kɛtɔ aa mɔɔ kilininnu bɛ lakisila, Jahudiyalu ni siboloma gbɛlɛ mɔɔlu bɛ.
Lɛtɛlɛ tɔ koni, min taanin kɛla sula tan ni filana le ka taa sii a tan ni looluna la, Pɔli yi limaniyamɔɔlu lalila fɔsa ai y'ai jando ai taamaɲa lɔ, k'i jando i ɲɔɔ lɔ, ani ka kuntiilu buɲa. Lɛtɛlɛ sula laban ne Pɔli ya folikannu le.
Lɛtɛlɛ kɔnɔlɔkolu
Lɛtɛlɛ damina kumalu (1.1-17)
Adamaden bɛ mako yi kisiko le la (1.18–3.20)
Ala yi mɔɔlu jatela telenmande le teme (3.21–4.25)
Isa yi niimaya kula min dila a malimaniyamɔɔlu ma (5–8)
Ala ka ko min latɛɛ Bani Isilankalu ma (9–11)
Limaniyamɔɔlu taamaɲa kula (12–15)
Pɔli ya folikan ni kuma labannu (16)
Currently Selected:
Lɔmukalu Lɛtɛlɛ sɛvɛko kun: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023