Kɛkolu Kitabu sɛvɛko kun
Kitabu sɛvɛko kun
Kitabu min sɛvɛba taanin kɛla Luka le le, min na Isa ya Samakan Kein kitabu sawana sɛvɛla. A do na a sɛvɛla a tɔva Teyofile le ma, iwo a n'a kɛla teme aa kitabu kunfɔlɔ kɔnɔ.
Kitabu min kuma kunfɔlɔlu yi Isa kɔlɔtaɲa le ɲafɔla ka taa haijɛnɛ, ani a kɔbiladennu na waate min kɛla Jelusalɛmu, jani Isa ya lahedi ma tɛɛ fa. Tele Biloolunanlon selilon na, wo ka bɛn tele tan ne ma Isa jɛlɛ kɔ, Nii Sɛnɛyanin ka jii a kɔbiladennu kɔkan, ka Ala ya seetiiya di ai ma. Ai do tɛɛ kawanili kɛla, ka Samakan Kein lase ka bɛn Isa ma. Limaniyamɔɔlu ka siyaya, ani Samakan Kein ko ka bɔ Jelusalɛmu ka se haan fɔɔ Jude koovi fan bɛ lɔ, ani Samaliya koovi, ani dunuɲa fan siyama lɔ. Wo ka kɛ ka bɛn Isa jɛlɛkanu dalakan ne ma, a vɛɛ: «Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na» (1.8).
Kitabu min damina lɔ, m'a yena ko Piyɛli kɛyine iwo limaniyajama ɲamɔɔ. Kɛɛ ka damina sula kɔnɔna ma, Pɔli ya baalelu le ɲa yi fɔla. Pɔli tɛɛ taamana jamana siyama kɔnɔ Samakan Kein lasenko lɔ. Wo taamalu ka taa laban haan fɔɔ Lɔmu so kɔnɔ. Pɔli ka tɔlɔya ni sɛɛ ni kasolabila siyama mina a ma, kɛɛ foi ma se Ala kumakan dansiila. Nii Sɛnɛyanin tɛɛ Ala ya mɔɔlu madɛmɛnna fɔsa ai tɛɛ kɛ Isa selelu le dunuɲa kɔnɔ haan fɔɔ ka na sii bi la.
Kitabu kɔnɔlɔkolu
Isa ka Nii Sɛnɛyanin lahedi ta teme (1.1-11)
Keladennu ka mɔɔ dɔ ta teme k'a bila Judasi nɔ lɔ (1.12-26)
Nii Sɛnɛyanin ka jii keladennu kɔkan teme, ani ai ka kawananko minu kɛ (2.1–6.7)
Jahudiya ɲamɔɔlu ka Etiyɛn ya kiti tɛɛ k'a faa teme (6.8–7.60)
Pɔli ka limaniyajama jangata teme (8.1-39)
Pɔli ka kɛ Isa ya keladen ne teme (9.1-31)
Piyɛli taako sɔdasi kuntii ya bon na (10.1-48)
Piyɛli ka a kɛkolu fɔ dɔ keladennu yɛ (11.1-18)
Limaniyajama ka buɲali min sɔlɔn Antiyɔsi so kɔnɔ (11.19-29)
Jahudiya ɲamɔɔlu ka Janguba faa, ka Piyɛli bila kaso la teme (12.1-25)
Nii Sɛnɛyanin ka Baanabasi ni Sawuli ta k'ai kelaya teme (13.1–14.28)
Lɛtɛlɛ min la ka taa limaniyajama ma ka bɛn kɛnɛkɛko ma (15.1-41)
Pɔli ka so minu lɔtaama (16.1–21.26)
Ai ka Pɔli ya kiti tɛɛ teme ka taa a le masakɛba fɛlɔ (21.27–28.31)
Currently Selected:
Kɛkolu Kitabu sɛvɛko kun: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023