Kɛkolu 1

Isa ka Nii Sɛnɛyanin lahedi ta teme

1 # Luka 1.1-4. Ǹ tɔva Teyofile, ǹa sɛvɛli kunfɔlɔ lɔ, ǹ na kumala ka bɛn Isa kɛkolu ni aa kalan bɛ ma ka ta aa baale damina ma, 2haan fɔɔ a kɔlɔtanin waate min nɔ ka taa haijɛnɛ. Jani a kɔlɔ tɛɛ ta, a ka jamalilu di aa keladen tanilu ma Nii Sɛnɛyanin ya see lɔ. 3Aa tɔlɔya kɔ, a ɲɛnɛma ka bɔ gbɛ la ai ɲana boloɲa siyama ma, ani k'a jɛlɛ jiya ai la tele binaani (40) kɔlɔ, ka kuma ka bɛn Ala ya masaya ma. 4#Luka 24.49.A ka to ai fɛ ka jamali di ai ma, a vɛɛ: «Ài kà bɔ Jelusalɛmu, mafɔ ka ǹ Fa ya lahedi mafako makɔnɔ, ǹ na min ya ko fɔla ài yɛ. 5#Matiyu 3.11; Malɛkɛ 1.8; Luka 3.16; Yohana 1.33.Kamasɔlɔn Yaya tɛɛ mɔɔlu makola ji le le, kɛɛ tele dana vɛ timinna, ài makotɔ Nii Sɛnɛyanin ne le.»

Isa kɔlɔ ka ta ka jɛlɛ sangbolo lɔ teme

6Ai bɛ ladɛnnin dingila kelen nɔ, keladennu ka Isa maɲininga, ai vɛɛ: «Mɔ Kuntii, i kɛtɔ masaya laseila Bani Isilankalu ma waate min ne lɔ?» 7A k'ai javi, a vɛɛ: «Àiya ko tɛ wo le, k'a fɔ ài yi waate ni lon wolu lɔn, minu latɛɛnin ǹ Fa ya seetiiya lɔ. 8#Matiyu 28.19; Malɛkɛ 16.15; Luka 24.47, 48.Kɛɛ Nii Sɛnɛyanin vɛ jiila ài kɔkan, ài kɛtɔ fanga sɔlɔnna. Ài do kɛtɔ ǹ selelu le Jelusalɛmu ani Jude ni Samaliya koovilu lɔ, haan fɔɔ dunuɲa dan na.»

9 # Malɛkɛ 16.19; Luka 24.50, 51. Isa wɔlinin wo fɔla, a kɔlɔ ka ta ai ɲana ka jɛlɛ sangbolo lɔ, ado sanbiliya ka a latunun ai ma. 10Ai ɲa lɔnin ka to Isa lɔ, a jɛlɛtɔla sangbolo lɔ, kɛ́ fila ka bɔ gbɛ la telemanin k'i lɔ ai dafɛ, faani gbɛ vɛ ai kanna. 11Wolu vɛɛ ai yɛ: «Galilekalu, mindɛ lɔ ài lɔnin jan, ài ɲa vɛ sangbolo lɔ? Isa min kɔlɔtanin ài tɛma ka jɛlɛ sangbolo lɔ, a do kɛtɔ seikɔla wo boloɲa kelen ne ma, iwo ài n'a jɛlɛtɔla yena teme sangbolo lɔ.»

Ai ka Matiyasi bila Judasi nɔ lɔ teme

12Wo kɛnin, keladennu ka jii tini la ka seikɔ Jelusalɛmu. Ai y'a fɔla tini min ma ko Zeituna tini. Wo ni Jelusalɛmu wotɛ yi kilo kelen jate bɔle. 13#Matiyu 10.2-4; Malɛkɛ 3.16-19; Luka 6.14-16.Ai donnin so kɔnɔ, ai ka taa sangaso sanmabon na, ai jiyanin tɛɛ tɛɛminja. Ai tɔɔlu le ne: Piyɛli, Yohana, Janguba, Andele, Filipe, Tomasi, Batolomu, Matiyu, Alife denkɛ Janguba, Fasokanuba Simɔn, ani Janguba denkɛ Judasi. 14Ai bɛ tɛɛ ai ladɛnna Aladaliko lɔ miliya kelen ne kan waate bɛ, ailu ni moso dɔlu, ani Isa ba Mɔyamu, ni a dɔɔkɛlu.

15Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate. 16A do vɛɛ ai yɛ: «M̀ badenmalu, fɔ kitabu kɔnɔ kuma ma tɛɛ fa, Nii Sɛnɛyanin ka Nabi Dawuda lɔ min fɔla ka bɛn Judasi ma, min na kɛla Isa minabalu ɲabila le. 17A tɛɛ mɔ dɔ le le. A fɛ tɛɛ baale min na.» 18#Matiyu 27.3-8.(Wo kɔ, a ka sala min sɔlɔn min tɛɛ aa koyonkɛ sala le, a ka gbɛkɛnɛ dɔ san wo la. A do k'i ben a kun kan je le, k'a kɔnɔ lɔte k'a noo bɛ jɛzɛn. 19Jelusalɛmukalu bɛ ka wo lɔn mingɛ, ai ka fɔ woja ma ai balakan nɔ ko Akɛdama. Wo kɔlɔ le ko Mɔɔ Jeli Gbɛkɛnɛ.) 20Piyɛli k'a fɔ kɔtunun, a vɛɛ: «A sɛvɛnin Zabuli kɔnɔ, ko:

‹Aa bon lakolon yi to,

mɔɔ suu suu kà sii a kɔnɔ.›

A sɛvɛnin fana, ko:

‹Mɔɔ gbɛlɛ yi baale kɛ a nɔ lɔ.›

21 # Matiyu 3.16; Malɛkɛ 1.9; Luka 3.21; Malɛkɛ 16.19; Luka 24.51. Wo lɔ, fɔ m'i kɛ́ kelen kafon mɔ kan ka bɔ mɔ bilankɔɲɔɔlu lɔ minu tɛɛ mɔ fɛ waate bɛ, mɔ tɛɛ jii ni jɛlɛla Isa fɛ waate min nɔ, 22ka damina a mako waate ma Yaya bolo, haan fɔɔ a kɔlɔ ka ta mɔ tɛma lon min na. Wo tii yi kɛ sele dɔ le mɔ fɛ ka bɛn mɔ Tii Isa lawuliko ma ka bɔ saya lɔ.»

23Wo lɔ, ai ka mɔɔ fila jiya. Dɔ tɔɔ le tɛɛ ko Jusufu, ai tɛɛ a fɔla min ma fana ko Balasabasi, niwotɛ Jusitusi. A tɔ kelen tɔɔ le tɛɛ ko Matiyasi. 24Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la. 25Wo yi keladenya baale kɛ mɔ fɛ, kamasɔlɔn Judasi vɛ baale min bila ka taa dingila dɔ lɔ, min bɛnnin a ma.» 26Wo kɛ, ai ka kalabila kɛ, ado kala ka bɛn Matiyasi tɔɔ le. Wo le k'a kɛ, ai ka a kafon keladen mɔɔ tan ni kelen (11) kɔkan.

Currently Selected:

Kɛkolu 1: MBT2023

Highlight

Copy