1 Kolɛntikalu Lɛtɛlɛ sɛvɛko kun
Lɛtɛlɛ sɛvɛko kun
Isa ya keladen Pɔli le ka lɛtɛlɛ min sɛvɛ, a tɛɛ Ɛfɛsi so kɔnɔ waate min nɔ. Pɔli tɛɛ vɛ Samakan Kein lase Kolɛnti so kɔnɔ aa taama filana waate lɔ. A ka san kelen kalo wɔɔlɔ kɛ je. Limaniyajama ka damina Kolɛnti wo waate le lɔ (Kɛkolu 10.1-18). Kolɛnti tɛɛ Gɛlɛki jamana so ba dɔ le le, min mangutu tɛɛ vɛ bɔ ka bɛn julayako ma, ani lɔnni, ani joobatokolu, ani koyon siyama minu tɛɛ kɛla je, iwo kanukɛko.
Pɔli tɛɛ vɛ lɛtɛlɛ gbɛlɛlu sɛvɛ k'ai lataa Kolɛntikalu ma, kɛɛ lɛtɛlɛ wolu ma se mɔ ma (5.9). Pɔli ka bɔ Kolɛnti waate min nɔ, gbɛlɛgbɛlɛ dɔlu ka limaniyamɔɔlu masɔlɔn. Ai ka lɛtɛlɛ dɔ lataa Pɔli ma ka ko wolu ɲafɔ a yɛ. Pɔli yi ko wolu le javila lɛtɛlɛ min kɔnɔ, k'ai lalɔnni ko gbɛlɛlu la fana.
Lɛtɛlɛ min kɔnɔ, Pɔli yi limaniyamɔɔlu lalila ka bɛn kanukɛko ma, ani bonnakolu, ani joosɔsoo dɔnko, ani fannɔbaya. A do y'ai kalanna ka bɛn limaniyamɔɔlu ya senkolu ma, minu yi sɔlɔnna Nii Sɛnɛyanin sabu la, (12–14), k'a laban kanundeya ko le, min y'ai bɛ lɔ bubata le (13).
Lɛtɛlɛ kɔnɔlɔkolu
Folikan ni kuma damina (1.1-9)
Bɛnbaliya min yi limaniyamɔɔlu wotɛ (1.10–4.21)
Kɛ́ ni moso wotɛko, ani bonnakolu (5.1–7.40)
Limaniyamɔɔlu taamaɲa limaniyabalilu tɛma (8.1–11.1)
Ala batokɛɲa, ani kanundeya (11.2–14.40)
Isa ya see sɔlɔnko saya ma (15.1-58)
Bololadɛnko ka bɛn Jude limaniyajama ma (16.1-4)
Pɔli ya taamanko (16.5-12)
Folikan labannu (16.13-24)
Currently Selected:
1 Kolɛntikalu Lɛtɛlɛ sɛvɛko kun: MBT2023
Highlight
Share
Copy
Want to have your highlights saved across all your devices? Sign up or sign in
Manya Bible Translation, © SIM International, 2023