YouVersion Logo
Search Icon

ထဝ်ꩡ︀တ︀်ႉၵ︀ဝ် 14

14
လ︀ွင︀်ႈဝီင︀်းဢ︀ိက︀ေႃꩫ︀ိမ︀ႆ︀ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈ
1ဝီင︀်းဢ︀ိက︀ေႃꩫ︀ိမ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ေႃလ︀ုꩫ︀ၵ︀ႃၿႃꩫ︀ၿ ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛက︀ႃꩬ︀ီ ၵ︀ၢမ︀်းၸ︀ြႃးꩭူဝ်းꩫ︀ီႈꩫ︀ီႈက︀ီး က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ 2ꩫ︀ႆ︀ႇꩫ︀က︀ေႃႇ က︀ျူးဢ︀ꩫ︀်ႈမ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ူꩫ︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩬ︀ၢꩫ︀်တ︀ၢꩫ︀်းက︀ꩫ︀်ႈဢ︀ူ။ 3တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ ဝီင︀်းဢ︀မ︀ႂ်းမ︀ႆ︀ႛ ဢ︀ူဢ︀ဝ်ႈꩭိုင︀်ꩰꩬ︀ီ ၵ︀ၢမ︀်းၸ︀ြႃးꩭူဝ်းက︀တ︀်ႉꩰဢ︀ူ။ ꩡ︀ဝ်ႛယ︀ေꩬ︀ုက︀ေႃႇ လ︀ွင︀်ႈက︀ျေးꩡ︀ူးတ︀ူဝ်ꩡ︀ဝ်ႛ ဢ︀ꩫ︀်ႈၵ︀ဝ်ꩭူဝ်းꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ꩫ︀်းၵ︀ူဝ်း ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩫ︀ိမ︀ိက︀်ႉဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ꩬ︀ီ ပ︀ျႃးꩬ︀ၢက︀်ႉꩬ︀ေꩭႂ်ႛဢ︀ူ။ 4က︀ူꩫ︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းဢ︀မ︀ႂ်းꩫ︀ႆ︀ႇၵ︀ဝ် ပ︀ီꩫ︀်ႈꩬ︀ွင︀်က︀ုမ︀်ႛက︀ႃꩬ︀ီ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛတ︀မ︀ၢꩫ︀်ꩡ︀ဝ်ႛၵ︀ဝ်င︀ႆ︀း၊ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛက︀ျူးꩫ︀ႆ︀ႇၵ︀ဝ်ဢ︀ူ။ 5ဢ︀ꩫ︀်ႈက︀ျူးမ︀ဝ်ꩡ︀ႂ်ႈက︀မ︀်ႈၸ︀ွင︀်းင︀ႆ︀း က︀ျူးꩫ︀ႆ︀ႇၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛꩫ︀ိက︀်ႉꩬ︀ၢက︀်ႉင︀ႆ︀း ဢ︀ဝ်ႈꩭိꩫ︀်ꩬ︀ိင︀်းက︀ွတ︀်ꩫ︀ꩬ︀ီ တ︀င︀်းꩭူဝ်က︀ေၵ︀ဝ် ꩭူမ︀်ႈꩬ︀ၢင︀်ꩬ︀ေႈꩡ︀ႃႉက︀ꩫ︀်ႈဢ︀ူ။ 6-7တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ လ︀ွင︀်ႈဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး၊ ဝီင︀်းလ︀ုတ︀်တ︀ရ︀၊ ဝီင︀်းၻေရ︀ပ︀ေ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းတ︀ိူင︀်းလ︀ုက︀ေႃꩫ︀ိင︀ႆ︀း ꩫ︀ႅꩫ︀်ႈꩭိမ︀်းဢ︀မ︀ႂ်းၵ︀ဝ်မ︀ႆ︀ႛ ပ︀ႆ︀ၢႈက︀ႃꩬ︀ီ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈက︀ꩫ︀်ႈဢ︀ူ။
လ︀ွင︀်ႈဝီင︀်းလ︀ုတ︀်တ︀ရ︀ꩫ︀ၵ︀ႃဝီင︀်းၻေရ︀ပ︀ေꩫ︀ႆ︀ႇၵ︀ဝ်မ︀ႆ︀ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈ
8ဝီင︀်းလ︀ုတ︀်တ︀ရ︀မ︀ႆ︀ႛ က︀ူꩫ︀်းဢ︀ꩫ︀်ႈလ︀ုက︀်ႉမ︀ိူဝ်ႈယ︀င︀်းပ︀ုꩫ︀်ႛ တ︀ိꩫ︀်ႈမ︀ဝ်ꩫ︀ီႈꩬ︀ီ ꩬ︀မ︀တ︀်က︀ေႃႇ မ︀ဝ်ꩭွꩫ︀်ၸ︀ႆ︀ၢႛပ︀ီꩫ︀်ႈမ︀ႃးꩫ︀ႆ︀ႇ က︀ူဝ်ႇလ︀ိူင︀်ႈယ︀င︀်းဢ︀ူ။ 9မ︀ꩫ︀်းယ︀ႃႇ ဢ︀ꩫ︀်ႈပ︀ေႃလ︀ုꩭူဝ်းမ︀ႆ︀ႛ ꩫ︀င︀်ႈင︀ႆ︀းထွမ︀်ꩬ︀ီဢ︀ူꩰ။ မ︀ꩫ︀်းမ︀ႆ︀ႛ ပ︀ေႃလ︀ုꩫ︀ူႈꩫ︀ီႈꩫ︀ီႈက︀ီး တ︀ိꩫ︀်ႈမ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ီႈꩭႂ်ႛပ︀ီꩫ︀်ႈဢ︀ူꩫ︀ꩫ︀ႆ︀ႇမ︀ႆ︀ႛ မ︀ꩫ︀်းယ︀ုမ︀်ယ︀မ︀်ႈဢ︀ူꩫ︀ꩬ︀ီꩭꩫ︀်ဢ︀ူ။ 10င︀ႆ︀းက︀ီး ပ︀ေႃလ︀ုယ︀ႃႇမ︀ꩫ︀်းမ︀ႆ︀ႛ “လ︀ုက︀်ႉꩬ︀ီ တ︀ိꩫ︀်ႈမ︀ႂ်း ယ︀ီတ︀်ၵ︀ွတ︀်လ︀ႃး” ꩫ︀ꩬ︀ီက︀ႃꩭႅင︀်းဝႃႈဢ︀ူ။ ꩫ︀ႆ︀ႇမ︀ႆ︀ႛမ︀ꩫ︀်းက︀ေႃႇ တ︀ီꩫ︀်ႛလ︀ုက︀်ႉꩬ︀ီက︀ူဝ်ၸ︀ႆ︀ၢႛပ︀ꩫ︀်လ︀ေဢ︀ူ။
11ဢ︀ꩫ︀်ႈပ︀ေႃလ︀ုꩭီတ︀်ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ꩭꩫ︀်က︀ီး ၵ︀ဝ်ယ︀ႃႇ “ၸ︀ြႃးၸ︀ီꩫ︀ႆ︀ႇၵ︀ဝ်လ︀ွက︀်ႉၵ︀ၢပ︀်ႉက︀ူꩫ︀်းꩬ︀ီ ꩭဝ်းမ︀ႆ︀ႛက︀ျွႃးလ︀ူင︀်းမ︀ႃးယ︀ဝ်ႇ” ꩫ︀ꩬ︀ီ ဢ︀ဝ်ႈၵ︀ၢမ︀်းလ︀ုက︀ေႃꩫ︀ိၵ︀ဝ် ဢ︀ိဝ်က︀ꩫ︀်ႈဢ︀ူ။ 12ၵ︀ဝ်ယ︀ႃႇ ၿႃꩫ︀ၿမ︀ႆ︀ႛꩲုႀ︀ꩫ︀ꩬ︀ီꩭွင︀်ႇဢ︀ူ။ ပ︀ေႃလ︀ုယ︀ႃႇပ︀ီꩫ︀်ႈၸ︀ူႛꩭီတ︀်ꩭူဝ်တ︀ၢꩫ︀်ႛၵ︀ၢမ︀်းꩬ︀ီ မ︀ꩫ︀်းမ︀ႆ︀ႛ ꩭေရ︀မ︀ေꩫ︀ꩬ︀ီꩭွင︀်ႇဢ︀ူ။ 13ꩡ︀ွင︀်းၿိက︀်ႉမ︀ၢꩫ︀် ၸ︀ြႃးꩲုႀ︀ယ︀ႃႇ ဢ︀ူက︀ꩫ︀်ႛꩫ︀ွက︀်ႉဝီင︀်းမ︀ႆ︀ႛꩫ︀မ︀်။ ယ︀ီတ︀်ႉပ︀ရ︀ေႃးꩭိက︀်ႉၸ︀ြႃးꩲုႀ︀ဢ︀မ︀ႂ်းယ︀ႃႇ တ︀င︀်းၸ︀ုင︀်က︀ူꩫ︀်းꩫ︀ႆ︀ႇၵ︀ဝ် တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈၵ︀ႅက︀်ꩡ︀ဝ်ႛꩬ︀ီ င︀ူဝ်းထိူက︀်ꩫ︀ႆ︀ႇၵ︀ဝ်၊ ပ︀ၢꩫ︀်ႇမ︀ွက︀်ယ︀ႃႛꩫ︀ႆ︀ႇၵ︀ဝ်ဢ︀ဝ်ႈမ︀ႃးက︀ꩫ︀်ႈဢ︀ူ။ 14ꩫ︀ႆ︀ႇꩫ︀က︀ေႃႇ ၿႃꩫ︀ၿꩫ︀ၵ︀ႃပ︀ေႃလ︀ုယ︀ႃႇ ဢ︀ꩫ︀်ႈၵ︀ဝ်တ︀ီꩭီတ︀်ꩫ︀ႆ︀ႇမ︀ႆ︀ႛတ︀ွင︀်းက︀ီး ꩬ︀ိူဝ်ႛၵ︀ဝ်ꩡ︀ိꩫ︀်ႇၵ︀ွတ︀်င︀ႆ︀း က︀ꩫ︀်ႛꩫ︀ႂ်းၸ︀ုင︀်က︀ူꩫ︀်းမ︀ႆ︀ႛ လ︀ႅꩫ︀်ႈၵ︀ဝ်ႛက︀ႃꩬ︀ီ 15“က︀လ︀ုက︀်က︀ူꩥ︀်း ꩭီတ︀်က︀ꩬ︀င︀်ꩫ︀ႆ︀ ꩭီတ︀်င︀ႆ︀းꩫ︀ႆ︀ႇ။ ပ︀ီꩭီတ︀်မ︀ႃႉ၊ ၵ︀ႅꩫ︀်းꩫ︀က︀ေႃႚ၊ တ︀ူႈက︀ေႃႇꩫ︀င︀်ꩬ︀ူꩫ︀က︀ꩫ︀်ႈက︀ူꩫ︀်းꩫ︀ႆ︀ၢႈꩫ︀မ︀်။ တ︀ူႈ မ︀ႆ︀ႛမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛၵ︀ွတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉယ︀င︀်းမ︀ႆ︀ႛ ပ︀ိုင︀်ဢ︀ိင︀်ႈꩫ︀ႆ︀ႇ မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ပ︀ၢင︀်လ︀ႆ︀ၢင︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈက︀ꩫ︀်ႛꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀မ︀်။ 16မ︀ိူဝ်ႈင︀ႃးပ︀ုꩫ︀်ႛယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩫ︀ႆ︀ႇၵ︀ဝ်ၵ︀ႂ်ႈꩭီတ︀်ꩫ︀ႆ︀ႇ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩭီတ︀်မ︀ႃးဢ︀ူ။ 17ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀င︀်းဢ︀ူꩫ︀ꩫ︀ႆ︀ႇ ဢ︀ဝ်ႈလ︀ွင︀်ႈꩫ︀ီႈဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ် ꩬ︀ၢက︀်ႉꩬ︀ေပ︀ျႃးꩭႂ်ႛမ︀ႃးဢ︀ူ။ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛၸ︀ူꩫ︀်ဢ︀ဝ်ႈတ︀ူက︀်ꩭႂ်ႛꩬ︀ီ မ︀ိုဝ်ႇယ︀ၢမ︀်းထိုင︀်က︀ီး မ︀က︀်ꩫ︀ႆ︀ႇၵ︀ဝ်ဢ︀ဝ်ႈပ︀ီꩫ︀်ႈꩭႂ်ႛဢ︀ူ။ မ︀ꩫ︀်းꩡ︀ဝ်ႛꩬ︀ူမ︀ႆ︀ႛလ︀ီင︀်ႇဢ︀ွႆ︀ꩬ︀ီ ဢ︀ဝ်ႈပ︀ိဝ်ယ︀ႃꩬ︀ႃꩡ︀ႂ်ႈꩭႂ်ႛဢ︀ူ” ꩫ︀ꩬ︀ီဢ︀ိဝ်ꩬ︀ီ ၵ︀ဝ်မ︀ႆ︀ႛဝႃႈဢ︀ူ။ 18င︀ႆ︀းꩬ︀ီဝႃႈꩫ︀က︀ေႃႇ ၵ︀ဝ်မ︀ႆ︀ႛဢ︀ဝ်ႈꩫ︀ႂ်ꩵ︀ႈꩫ︀ႆ︀ႛ။ ဢ︀ꩫ︀်ႈၵ︀ဝ်ꩬ︀ၢင︀်က︀ꩫ︀်ႈꩬ︀ူꩫ︀ႆ︀ႇ ꩭီတ︀်ဢ︀ူမ︀ဝ်ꩬ︀ဝ်းဢ︀ူ။
19မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။ 20ꩫ︀ႆ︀ႇမ︀ႆ︀ႛၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ထိုင︀်မ︀ႃးꩬ︀ီ မ︀ꩫ︀်းမ︀ႆ︀ႛမ︀ႃးၵ︀ုမ︀်ႇက︀ꩫ︀်ႈက︀ီး ပ︀ေႃလ︀ုယ︀ႃႇလ︀ုက︀်ႉꩬ︀ီ က︀ꩫ︀်ႛꩫ︀ႂ်းဝီင︀်းမ︀ႆ︀ႛ ၵ︀ဝ်ႛက︀ႃပ︀ွက︀်ႉဢ︀ူ။ ꩫ︀င︀်မ︀ိူဝ်ႈꩭုက︀်ႉꩫ︀ႆ︀ႇ ပ︀ေႃလ︀ုꩫ︀ၵ︀ႃၿႃꩫ︀ၿ ဢ︀ွက︀်က︀ႃဝီင︀်းၻေရ︀ပ︀ေဢ︀ူ။
လ︀ွင︀်ႈပ︀ေႃလ︀ုꩫ︀ၵ︀ႃၿႃꩫ︀ၿ ပ︀ွက︀်ႉက︀ႃဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းꩬ︀ီရ︀ီယ︀ႃး
21ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ဝီင︀်းၻေရ︀ပ︀ေမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀် ပ︀ီꩫ︀်ႈၸ︀ူႛယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ယ︀ဝ်ႇက︀ီး ဝီင︀်းလ︀ုတ︀်တ︀ရ︀၊ ဝီင︀်းဢ︀ိက︀ေႃꩫ︀ိ၊ ဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိꩫ︀ႆ︀ႇၵ︀ဝ်မ︀ႆ︀ႛ ပ︀ွက︀်ႉက︀ႃဢ︀ူ။ 22ꩬ︀ွင︀်ၵ︀ႃယ︀ႃႇ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈၵ︀ိူင︀်ꩰꩫ︀ႆ︀ႇ ၵ︀ဝ်မ︀ႆ︀ႛ ꩬ︀ႂ်ꩭႅင︀်းꩭႂ်ႛဢ︀ူ။ “မ︀ိူဝ်ႈꩭဝ်းက︀ႃ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇ တ︀ၢင︀်းယ︀ပ︀်ယ︀ၢက︀်ႉၻုက︀်ႉၵ︀ဢ︀ၢꩫ︀်တ︀ၢꩫ︀် ဝႃႈꩫ︀ႆ︀ႛၵ︀ၢမ︀်ဢ︀ူ” ꩫ︀ꩬ︀ီၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛဢ︀ူ။ 23ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။
24ꩬ︀ွင︀်ၵ︀ႃယ︀ႃႇ တ︀ိူင︀်းပ︀ိတ︀ိၻိမ︀ႆ︀ႛ က︀ႃယ︀ဝ်ႇက︀ီး မ︀ိူင︀်းပ︀မ︀်ၸ︀ုလ︀ိမ︀ႆ︀ႛထိုင︀်က︀ႃဢ︀ူ။ 25ꩬ︀ွင︀်ၵ︀ႃဝီင︀်းပ︀ေရ︀က︀ေမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈယ︀ဝ်ႇက︀ီး ဝီင︀်းဢ︀တ︀်တ︀လ︀ိမ︀ႆ︀ႛက︀ႃဢ︀ူ။ 26ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ွင︀်ၵ︀ႃဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ၵ︀ီꩬ︀ၢင︀်ႈၸ︀ူဝ်းꩬ︀ီ မ︀ိူဝ်းက︀ႃဢ︀ူ။ ꩡ︀ိူဝ်းဝီင︀်းဢ︀မ︀ႂ်းယ︀ႃႇ ဢ︀ꩫ︀်ႈꩬ︀ွင︀်ၵ︀ႃမ︀ႆ︀ႛ ဢ︀မ︀ူးဢ︀ꩫ︀်ႈင︀ႆ︀ႚ ꩬ︀ွင︀်ၵ︀ႃꩭီတ︀်မ︀ႃးꩫ︀ႆ︀ႇၵ︀ဝ် ꩭႂ်ႛပ︀ူဝ်းꩫ︀ႆ︀ႛꩭီတ︀်မ︀ႃးꩫ︀ႆ︀ႇ ဢ︀ၢပ︀်ႉꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇꩫ︀မ︀်။ 27ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛထိုင︀်က︀ီး ꩬ︀ွင︀်ၵ︀ႃယ︀ႃႇက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛꩭွင︀်ႇတ︀ုမ︀်ႈꩬ︀ီ ဢ︀မ︀ူးဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩡ︀ွႆ︀ႈမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ပ︀ုတ︀်တ︀ၢင︀်းꩭႂ်ႛမ︀ႃးꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛဢ︀ူ။ 28ယ︀ဝ်ႇက︀ီးꩬ︀ွင︀်ၵ︀ႃဝီင︀်းဢ︀မ︀ႂ်းမ︀ႆ︀ႛ တ︀င︀်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ဢ︀ဝ်ႈꩭိုင︀်ꩰꩭူမ︀်ႈဢ︀ူဢ︀ူ။

Highlight

Share

Copy

None

Want to have your highlights saved across all your devices? Sign up or sign in