Tito 2

Nā Vāega Kehekehe i Loto o te Ekalehia i Kelete

1Tito, e tatau ke akoako e koe nā mea e talafeagai ma te talitonuga faka-Kelihiano. 2Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai. 3Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei, 4ma fakaako ia fafine talavou ke alolofa ki a lātou tāne ma a lātou fānau, 5ke ola pūlea ma mamā, ma ke kavea ma āvaga lelei i te kikilaga o te kāiga ma uhitaki ki a lātou tāne, kae ke nahe takukinoa ai te fekau e hau mai te Atua.

6Ke vēnā foki oi fakamālohi ki taulelea talavou ke ola pūlea. 7E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai. 8Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

9Fakatonu nā pologa ke uhitaki ki o lātou matai ma ke fai e ki lātou nā mea e fakafiafia ai. E hē tatau ki lātou ke talitali ki o lātou matai, 10pe kaihohoa a lātou mea. Kae e tatau ke fakaali e ki lātou ko ki lātou e lelei pea lava i taimi uma ma fakamāoni, kae ke takuleleia ai nā akoakoga e uiga ki te Atua to tātou Fakaola, i nā mea uma e fai e ki lātou.

11Auā kua fakaalia e te Atua tona alofa tūnoa e ala i te fakaolataga kua ia hāunia mo tagata uma. 12Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei, 13ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho#2.13 to tātou Atua hilihili ma te Fakaola ko Iehu Keliho; pe te Atua hilihili ma to tātou Fakaola ko Iehu Keliho. 14#Hal 130.8; Eho 19.5; Teu 4.20; 7.6; 14.2; 1 Pet 2.9Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

15Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Currently Selected:

Tito 2: TNT

Highlight

Copy