Kolohe Fakatomuaga
Fakatomuaga
Ko te Tuhi a Paulo ki nā tino i Kolohe, na tuhi ki te Ekalehia i Kolohe, he kakai i Ahia Taigole, i te itū ki hahae o Efeho. Ko te Ekalehia tēnei e hēki fakavaea e Paulo, kae nae tū i loto o he kogāfenua nae i lalo o tana kikilaga, i te taimi na ia uga atua ai te kau tālaki mai Efeho, te laumua o te itūmālō o Loma i Ahia. Na maua e Paulo nā fakamatalaga, e i ei nā faiakoga pepelo i te Ekalehia i Kolohe e lea, e fātoā mafai e he tino ke ia iloa te Atua ma te fakaolataga kātoatoa, pe kāfai e ifo atu ki ni itūkāigā “aliki ma ni pūlega fakateagaga.” Nae lea vē foki e tatau i tagata tau tokatahi ke mulimuli tonu lava ki nā tū fakapitoa, e vē ko te pelitome, ma ke tauhihi ki nā tūlāfono e uiga ki nā meakai ma iētahi mea vēnā.
Kua tuhi ia Paulo ke teteke ki nā akoakoga iēnei ma kavatu ki a te ki lātou te fekau moni faka-Kelihiano. Ko te kakano tonu lava o tana tali atu vēnei, ko Iehu Keliho e maua ai te fakaolataga kātoatoa, ma ko iētahi tū ma talitonuga, e takitaki kehe ai ia tagata mai ia te ia. E ala ia Keliho na gaohia ai e te Atua te lalolagi, ma e ala foki ia Keliho e ia toe kaumaia ai ki a te ia. Ko te māfutaga oioti lava ma Keliho, te maua ai he fakamoemoe mo te fakaolataga o te lalolagi. Oi fakamālamalama ai e Paulo te fakauigaga o te akoakoga tāua tēnei, mo ōlaga o tagata kua talitonu.
E tāua ke iloa, ko Taihiku tēia na fano ma te tuhi a Paulo ki Kolohe, na olo fakatahi ma Onehimo, te pologa na tuhi ai ia Paulo ki a Filemoni
Fakahologa o nā vāega o te Tuhi
Fakatomuaga 1.1-8
Ko te gāluega a Keliho 1.9 — 2.19
Ko te ola fou i te mafutaga ma Keliho 2.20 — 4.6
Fakaikuga 4.7-18
Currently Selected:
Kolohe Fakatomuaga: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.