2 Timoteo 3

Ko nā toe Aho

1Ke manatua e koe te mea tēnei; ka i ei nā taimi faigatā lahi e pa mai i nā toe aho. 2Auā ko tagata ka manatu fakapito ifo lava te tino ki a te ia lava, ka mānumanu ki nā tupe, ka fāfifia ma fiahihili; ka fai kupu fakakino, ka hē uhitaki ki nā mātua, ka hē loto fakafetai ma hē āmio mamalu, 3ka hē loto alolofa, hē loto fakamāgalo, ka tau fakakino, ka fakahāuā, ma hē pūlea; ka feita ki nā mea lelei; 4ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua; 5ka tāofi mau ki lātou ki nā auala e fakatino ai te tātou talitonuga, kae e hē talitonu ki te mana o te talitonuga. 6Ko iētahi o ki lātou e olo ki loto o nā fale o iētahi tino, ma pule kātoa ai ki lātou ki nā fafine e vāivai nā loto ma tumu i te fakaatu ona ko a lātou agahala, ma e takitakia e te lahi o itūkāigā lagona, 7nā fafine e fiafia pea lava oi fakalogologo ki nā akoakoga, kae e hē mafai lele ke ki lātou iloa te meamoni. 8#Eho 7.11E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho. 9Kae e hē mataloa he taimi e hao ai a lātou mea iēnei, auā ka kitea e tagata te vālelea o ki lātou, e vē foki lava ko te mea na pa ki ei ia Ianehe ma Iamele.

Nā toe Fakahinoga

10Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai, 11#Gāl 13.14-52; 14.1-7, 8-20nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei. 12Ho he tino e fofou ke ola i he ōlaga āmiotonu i te māfutaga ma Keliho Iehu, ka maua i nā fakahāuāga; 13ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou. 14Kae e vē la ki a te koe, pipiki mau pea lava ki nā mea na akoako ai koe ma kua talitonu lelei koe ki ei. E iloa e koe nā tino na akoakoa koe, 15ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu. 16Ko nā Tuhituhiga Paia uma e mai te Atua, ma e aogā ke akoakoga ai, ke akoaki ai, ke fakatonu ai, ma ke fakapoto ai i te āmiotonu, 17kae ke kātoatoa ai te lelei o te tino e kaukauna ki te Atua, ma lava hāuni ke faia nā gāluega lelei uma lele.

Currently Selected:

2 Timoteo 3: TNT

Highlight

Copy