2 Tehalonia 1

1 # Gāl 17.1 Mai ia Paulo, Hila, ma Timoteo —

Ki nā tino o te Ekalehia i Tehalonika kua kavea ma tagata o te Atua to tātou Tamana, ma te Aliki ko Iehu Keliho:

2Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Ko te Fakamahinoga kāfai e Haele mai ia Keliho

3Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi. 4Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.

5Ko nā mea uma iēnei e fakamāonia ai te āmiotonu o te fakamahinoga a te Atua, ma ko te mea ia ka kavea ai koutou ma tagata e tatau ma onomea mo tona Mālō, tēia e māfua ai te maua o koutou i nā puapuagā. 6E fai lava e te Atua te mea e tonu: ka taui e ia nā puapuagā ki nā tino na puapuagā ai koutou, 7ma ka fakamapu e ia koutou iēnā e puapuagā vēnā ma ki mātou. Ka ia faia te mea tēnei, kāfai te Aliki ko Iehu e haele ifo mai te lagi ma tana kau agelu mākekeke, 8ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu. 9#Iha 2.10Ka puapuagā ki lātou i te fakahalaga ke pa ki te fakavavau, ma kave kehea mai i te mea e i ei te Aliki ma te uiga kehe o tona mālohi, 10i te Aho e hau ai ke kavatu ki ei nā vīkiga mai tagata uma o ia, ma fakaeke atu ki ei te mamalu mai ia te ki lātou uma kua talitonu. Ko koutou foki ka i ei fakatahi ma ki lātou, ona ko koutou kua talitonu ki te fekau na lea atu ai ki mātou.

11Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua. 12I te faiga tēnei, ka maua ai he vīkiga o te igoa o te Aliki ko Iehu mai ia te koutou, vēnā koutou mai ia te ia, e ala i te alofa tūnoa o to tātou Atua vēnā mai te Aliki#1.12 to tātou Atua vēnā mai te Aliki; pe to tātou Atua te Aliki. ko Iehu Keliho.

Currently Selected:

2 Tehalonia 1: TNT

Highlight

Copy