1 Timoteo 3
3
Takitaki o te Ekalehia
1Ko te fakakupuga tēnei e hako: Kāfai he tino e fofou ke kavea ia ma takitaki o he Ekalehia, ko tona uiga e naunau ke ia faia he gāluega e lelei. 2#Tit 1.6-9Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga,#3.2 ke fokotahi oioti tana āvaga; pe ke fakaipoipo fakafokotahi oioti. ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu; 3e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe; 4e tatau ke ia mafaia oi kikila lelei tona kāiga, ma akoako tana fānau ke iloa uhitaki ma fakaaloalo. 5Auā kāfai he tamāloa e hē ia mafai oi kikila lelei tona kāiga, e vēhea ona mafai e ia oi kikila lelei te Ekalehia a te Atua? 6E tatau ko he tino kua matua i te fakatuatua, auā e i nā ka fefete tona loto i te fāfia ma fakahalagia ai, e vē ko te fakahalaga o te Tiāpolo. 7E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.
Nā Tiākono
8Ko nā tiākono e tatau foki ni tino e āmio lelei ma e fakamāoni; e hē fiafia inu lahi ki te uaina pe mānumanu ki te tupe; 9e tatau ki lātou ke pipiki mau ki te meamoni kua fakaalia e uiga ki te talitonuga, ma te lotofuatia e mamā. 10E tatau ke fakamāonia muamua e ki lātou ki te Ekalehia ko ki lātou ni tino e lelei kātoatoa, oi fātoā mafai ai ke gālulue i nā tofi tiākono. 11Ko nā āvaga a ki lātou#3.11 nā āvaga a ki lātou; pe Ko tiākono fafine. e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma. 12Ko te tiākono e tatau ke fokotahi oioti tana āvaga,#3.12 fokotahi oioti tana āvaga; pe fakaipoipo fakafokotahi oioti. ma ia mafaia oi kikila lelei tana fānau ma tona kāiga. 13Ko nā tiākono e lelei te faiga o a lātou gāluega, e taku leleia ma fakaaloalogia, ma ki lātou mafaia oi tautatala mālohi, e uiga ki to lātou fakatuatua ki a Keliho Iehu.
14Ko au e fakamoemoe e fanatu i he taimi lata mai, kae kua tuhi atu e au nā mea iēnei mo koe, 15nā ia au e tuai atu. Ko te tuhi tēnei e fakailoa atu ai ki a te koe, nā mea e tatau ke havavali ai ki tātou i loto o te kāiga o te Atua, ko te Ekalehia tēnā a te Atua e ola pea lava, ma ko te poutū ma te lagolago o te meamoni.
Ko he Pehe ki a Iehu
16Kua iloa uma lele e ki tātou, te uiga kehe o te mealilo e uiga ki to tātou talitonuga:
Na hau ia i tona tino tagata,
na fakamāonia te hako o ia e te Agaga,#3.16 na fakamāonia te hako o ia e te Agaga; pe ma i tona tino fakateagaga, na fakamāonia te hako o ia.
ma na kitea ia e agelu.
Na tālaki e uiga ki a te ia ki nukukehe,
na talitonu ki a te ia te lalolagi,
ma na kavake ki te lagi e te Atua.
Currently Selected:
1 Timoteo 3: TNT
Highlight
Share
Copy
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.
