1 Tehalonia 3

1 # Gāl 17.15 Mulimuli ake, ona kua hē ki mātou nafatia lava te fia pa atu, oi na fai ai loa ta mātou tonu ko ki mātou ke nonofo i Atenai nā ko ki mātou 2kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua, 3kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou. 4Auā ka koi i ei ai ki mātou ma koutou, na taku atu lava e ki mātou i te taimi muamua tēnā, ko ki mātou ka maua i nā fakahāuāga; ma e vē ona koutou iloa, na taunuku lava nā mea iēnei. 5Ko te ala ia na uga atu ai e au ia Timoteo. Kua hē kō nafatia lele toku fia iloa te tūlaga kua i ei te koutou fakatuatua, oi kua uga atu ai e au kae ke maua mai he fakamatalaga. Kua hē uma toku popole auā koutou i nā fakaohoohogia e te Tiāpolo, ma fakahēaogā uma lele ai a mātou gāluega.

6 # Gāl 18.5 Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou. 7E ui lava la i nā fakafītāuli ma nā puapuagā e fetaiaki ma ki mātou, ko ki mātou kua fiafia lele ona ko koutou nā uho ma nā tuafafine. Ko te koutou fakatuatua kua fai ma fakamālohiaga ki a te ki mātou 8auā ko te tutū mālohi o koutou i te hokotaga a koutou ma te Aliki, e vē he mānavaga o he ola fou ki a te ki mātou. 9I te taimi nei, kua tatau ke hiki e ki mātou he fakafetai ki te Atua mo koutou. E fakafetai ki mātou ona ko te fiafia kua maua e ki mātou i tona fakatahi mai, ona ko koutou. 10I te pō ma te ao ko ki mātou e ole atu ki a te ia ma o mātou loto kātoatoa, ke maua he tātou feiloakiga ma kavatu ki a te koutou nā mea e manakomia e koutou ke haga mautū ai te koutou fakatuatua.

11Ke hāunia e te Atua te Tamana ma to tātou Aliki ko Iehu, he avanoa ke oatu au ai ki mātou ke feiloaki ma koutou. 12Ke fakatupu pea lava e te Aliki te alofa o tētahi ki tētahi, ma ki tagata uma, ke vē ko te lahi o to mātou alofa mo koutou. 13I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.#3.13 ki lātou uma e o ia; pe ma ana agelu uma.

Currently Selected:

1 Tehalonia 3: TNT

Highlight

Copy