1 Tehalonia 2

Ko te Gāluega a Paulo i Tehalonika

1Te kau uho, e iloa lelei lava e koutou ko te malaga a ki mātou na fanatu ki a te koutou na aogā. 2#Gāl 16.19-24; 17.1-9E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia. 3Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino. 4Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto. 5E iloa lelei lava e koutou ko ki mātou e hēki oatu ma ni tala ke fakafāfifia ai koutou, ma e hēki ki mātou fakaaogāgia foki ni fakakupuga kae ke vēake ai koutou ko a mātou gāluega e lelei — ko te Atua ko ta mātou molimau! 6E hēki taumafai ki mātou ke maua ni o mātou vīkiga mai tagata, pe mai ia te koutou, pe mai i iētahi tino, 7e ui lava ko ki mātou ni apohitolo e a Keliho ma na tatau ke lea atu ki mātou ki nā mea e fofou ki mātou ki ei. Kae ko ki mātou nae faifai mālie atu lava ki a te koutou, e vē he mātua#2.7 ko ki mātou nae faifai mālie atu ki a te koutou, e vē he mātua; ko iētahi tuhituhiga e lea mai ko ki mātou nae vē ni tamaiti i te taimi nae i kinā ai ki mātou; ko ki mātou nae vē he mātua. e kikilagia tana fānau. 8Ona ko to mātou alolofa ki a te koutou, na lava hāuni ai ki mātou ke kavatu te Tala Lelei mai te Atua ki a te koutou, e tuha lava pe feoti ai ki mātou. Ko koutou e tāua lahi lele ia te ki mātou. 9Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

10Ko koutou a mātou molimau vēnā ma te Atua, ko a mātou faiga nae fai ki a te koutou tagata Kelihiano, nae mamā lava ma hako, ma hēai he mea na hehē ai. 11E iloa e koutou ko nā faiga a ki mātou nae fai ki a te koutou e vē lava ko nā faiga a he tamana e fai ki tana lava fānau. 12Nae fakamālohi atu ki mātou ki a te koutou, nae fakamāfanafana atu ma fakamākeke atu ki mātou ko koutou ke ola i te itūkāigā ōlaga e fiafia ki ei te Atua, tē e kalaga mai ke kavea koutou ma vāega o tona Mālō ma tona mamalu.

13Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu. 14#Gāl 17.5Te kau uho, e tutuha lava te mea na pa koutou ki ei ma te mea na pa ki ei nā tino kua ia Keliho Iehu i nā Ekalehia a te Atua i Iutea. Na pakia koutou i nā fakahāuāga mai nā tino lava o koutou, e vē foki lava oi pakia ki lātou i nā fakahāuāga a tagata Iutaia, 15#Gāl 9.23, 29; 13.45, 50; 14.2, 5, 19; 17.5, 13; 18.12iē na tāmatea te Aliki ko Iehu ma nā pelofeta, ma fakahāuā mai foki ki a te ki mātou. Kai te hē fiafia o te Atua ki a te ki lātou! Toetoe lava e hēai he tino ke hē feita ki lātou ki ei. 16Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

Ko te Manakoga o Paulo ke toe Āhiāhi ki te Ekalehia

17Kae e vē la ko ki mātou, te kau uho, ko ki mātou na tāofia ke nahe oatu ki a te koutou mo he taimi — na tāofia oioti i o mātou tino kae hē i o mātou māfaufau — te mihia ko o koutou e ki mātou, ma nae taumafai mālohi lava ki mātou ke toe feiloaki ma koutou. 18Ko ki mātou nae fofou ke toe foki atu ki a te koutou. Na taumafai fakafia lava au ke toe foki atu, kae e hēki mafai ona ko Hātani. 19Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei? 20Ko koutou lava te kua maua ai ki mātou i te loto fiafia ma te fāfifia.

Currently Selected:

1 Tehalonia 2: TNT

Highlight

Copy