Zowănnī 15

Jezŭ ḿî Thobiscimu Hnèhnè

1“Jî ḿî thobiscimu hnèhnè kî Ja Pa ḿî akhwèi thobisci age lò. 2Ze bēkè̆ Je mē Ja phă adèthè ńò tòcò nu, kî mèb́ăthab́ă athèhtaphò̆hta tòcò nu cab́ô̆htè agè̄ thèhta d́okhlŏkò̆ nu. 3Dèthôithò̆i htè Ji ilani htŏ thĭ tòcò akhoacè̆ thĭ plî̆ thĭ tcă htŏ. 4Òbò̄ d́ŏ Ju bu kî Jò kò̄ òkò̆ d́ŏ thĭ bu nu. Thobisci aphă kò tò òwè̄ ma amuglôlò ńò nu, adè thèdò̆ za ńò. Thĭ kò tò òkô ma Ja kă ńò d́ō, thĭ tè thè dò phò̆ za ńò.

5“Jî ḿî thobiscimu kî thĭ ḿî amēaphă lò. Bija aò Ju bu kî Jò abu dèbwè nu, gè̄ thèhtaphò̆htakò̆ pwĕdimi; ḿĭdîḿî d́ŏ Jè ńò nu, thĭ dè mè za da dimĭ ńò. 6Bija dèbwè kò tò ò ma d́ŏ Ju bu ńò d́ō, cè kè̄ b́è hwĕphlòḿĭkò̆ acab́ô̆ thophă nu kî gē hwĕkò̆, bija gū thurŭge hwă cè, zî gî̄ htîhtanīkò̆ hmîklè̆ kî scwikè̆kò̆ cè. 7Thĭ kò òkô Ja kă kî Jè dèjî̄b́è kò òkô ma thĭ kă d́ō, thĭ thaèni dè arră dabò̄, kî dè ki ilanikò̆ thĭ. 8Ja Pa ahĭahtè̆ kè̄ b́è d́è̆lî̄htakò̆ d́ŏ thĭ thèhtaphò̆hta òèòò acè̆, kî dèjo akhoacè̆, thĭ gî̄ phî̆takò̆ jo bōhmubicè tòcò nu. 9Acab́ô̆ Ja Pa b́èlò̄gè Jè nu, Jè b́èlò̄gè thĭ. Òbò̄ Jè dèb́èlò̄ abu. 10Acab́ô̆ Jò òi htŏ Ja Pa adèhmèla tòcò nu kî ògè Zè dèb́èlò̄ abu nu, òibò̄ Jè dèhmèla tòcò nu kî òbò̄ Jè dèb́èlò̄ abu. 11Jò d́ò̆sa htŏ thĭ dèhmèla ajo tòcò nu cab́ô̆htè Jè dèthaganāi kò òbò̄ thĭ bu kî thĭ dèthaganāi gē pĕhtabò̄ nu. 12Ajo ḿî Jè dèhmèla; thĭ kè b́èlò̄hlèbò̄ lōwa acab́ô̆ Jè b́èlò̄ thĭ nu. 13Dèb́èlò̄ adolĭ bija ailaphlòḿĭ athathôḿô̆ akhò̆athò tòcò anikhĭ nu tò ò mè ńò. 14Thĭ gè̄ mèkô ma Jè dèhmèla thĭ tòcò akă d́ō, thĭ ḿî Jò thò tòcò lò. 15Jo do jo be thĭ zôbwè ńò, manè̄, zôpho dî thîhè̆ ci b́icè mè danè̄ nu ńò akhoacè̆ nu. Ḿî Jo jo htŏ thĭ athò tòcò, manè̄, gajă Jî thîhè̆b́è d́ŏ Apa ò tòcò nu Jè mèthîhè̆ htŏ thĭ akhoacè̆ nu. 16Thĭ dô rôgè Jè ńò, ḿî Jô rôgè thĭ dòkhò̆ kî hnagè thĭ le kî thèhtaphò̆hta kî thĭ phò̆ thĭ thè kò òhmeòglo; cab́ô̆htè dè arră thĭ da Ja Pa d́ŏ Ji mi abu tòcò kè̄ b́è ilanibò̄ thĭ nu. 17Jè hmèla thĭ dè ajo tòcò nu cab́ô̆htè thĭ kè b́èlò̄hlèbò̄ lōwa nu,” Cò d́ò lōwa tòcò do.

Lākho Adèdèwè̄dèsè̆ Ńò

18“Lākho gè̄ dè wè̄ dè sè̆ ma thĭ ńò d́ō, gomohtanibò̄ adèwè̄dèsè̆ Jè ńò ḿî aŭsu dòkhò̆. 19Thĭ kè b́èkja ma Lākho d́ō, akè b́èlò̄ tèpwè thĭ acab́ô̆ ab́èlò̄ aè̆ nu. Barasă thĭ tè b́èkja Lākho ńò, ḿî Jô rôhta kè̆ thĭ d́ŏ Lākho nu d́ō, Lākho dè wè̄ dè sè̆ tèpwè thĭ ńò. 20Gomohtani dèjî̄b́è Jò d́ò htŏ thĭ dôhmô̆ htè, ‘Zôpho to dolĭ ab́icè ńò,’ nu. Cè tòcò gô̄ lô mèssègnè̆ Jè d́ō, zè gè̄ mèssègnè̆kò̆ thĭ thĭ. Cè tòcò kò òi ma Jè dèjî̄b́è d́ō, cò kò òi tèpwè thĭ dèjî̄b́è b́è. 21Barasă cè tòcò gè̄ mèkò̆ gōjo d́ŏ Ji mi acè̆ nu, manè̄, cè tòcò dî thîhè̆gè htè athodŏle Jè ḿî bò̄bwè nu akhoacè̆ lò. 22B́eḿĕ Je gē de le kî jî̄b́èhtî ma cè tòcò nu ńò d́ō, zè dèkhòwè kò tò ò tèpwè ńò. Ḿî khŏnujo cè tòcò dî khjîhlô̆ za be adèkhòwè anikhĭ ńò. 23Bija adèwè̄dèsè̆ Jè ńò dèbwè nu, dè wè̄ dè sè̆ Ja Pa ńò ńò. 24Jè gè̄ dè mè ma dèmè htè bija dèbwè̆ dè mè hnî̆ńò d́ŏ cè tòcò ahlò̆mò̄ ńò d́ō, zè dèkhòwè kò tò ò tèpwè ńò. Barasă khŏnujo cè tòcò tcahtî htŏ Jè dèmè, kî dè wè̄ dè sè̆ Jè kî Apa ńò. 25Ajo ḿî acab́ô̆ dèjî̄b́è ahwela d́ŏ dèhmèla abu nu tòcò gē pĕhtabò̄ nu, htè ad́ò, ‘Awîakè̆ tò ò ńò kî cè tòcò dè wè̄ dè sè̆gè Jè ńò,’ nu.

26“Barasă d́ō, htô̆ḿî Amèzodè aḿî Kib́ĭcè aSpirito Tcahtĭ htè ad́è̆lî̄ dèdî̄dèhma ab́èkja Kib́ĭcè nu, kò ò d́ŏ Pa aò kî Cè htè aòhtakî Pa dèbwè nu gā khakò̆ Ji nikhĭ thè̆thî. 27Kî thĭ ḿî ḿî thĭ gā khakô kò̆ kò̆, manè̄ hlĕ akăhtî nu thĭ òkôgè Ja kă akhoacè̆ nu,” Cò d́ò lōwa tòcò do.

Currently Selected:

Zowănnī 15: GRNT21

Highlight

Copy