Zowănnī 14

Jezŭ ḿî Klè Ale d́ŏ B́ĭcè Pa ò

1“B́èhjŏb́èmabò̄ ḿè kî othoothabò̄ ḿè. B́ugenège Kib́ĭcè kî b́ugenègebò̄ Jè. 2D́ŏ Ja Pa ahibu nu, hiò̆bu òèòò d́o, kî Je gē le prahnèdòlòkò̆ alleaklè thĭ nikhĭ. Agî̄ dî ḿî ma gōnu ńò d́ō, Jò kò tò d́ò̆sa tèpwè thĭ ńò. 3Je gē le pradòlò hwă thĭ le thĭ klè d́ō, Je gē geb́akò̆ tapla be kî Je gē geikò̆ thĭ d́ŏ Jò ò nu; cab́ô̆htè Jò ò ale atherĕ thĭ kò òkôb́èbò̄ nu. 4Thĭ thîhè̆ tèpwè klè athè̆le dè ale htè Je legè nu,” Cò d́ò lōwa tòcò do.

5Tomăzo d́ò Cè, “B́ĭcè, wî dî thîhè̆ Ne le d́òlè̄ nu ńò, kî wî gî̄ thîhè̆ za d́ò̆ klè aledo d́ŏnu cadè̄?” cè d́è̆ lōwa do.

6Jezŭ d́òge cè, “Jî ḿî klè, dèdî̄dèhma, kî dèthôḿô̆ lò. Ḿî̆dîḿî Jè ńò nu bija do dohtî Apa dèbwè̆ ńò.” 7Cò dò lōwa tòcò, “Khŏnujo thĭ thîhè̆ htŏ Jè, kî thĭ gî̄ thîhè̆ tèpwè Apa, kî khŏnujo phlò̆ ahlò̆mò̄ thĭ thîhè̆ htŏ tèpwè Cè, kî tcahtî htŏ tèpwè Cè.”

8Philĭpo d́òge Cè, “B́ĭcè, d́è̆lî̄bò̄ wa Apa kî ab́ènibòni htŏ tèpwè wi nikhĭ,” cò d́ò lōwa do.

9Jezŭ d́òge cè, “Philĭpo, Jò òkô thĭ kă òjî̄gè, thĭ dî thîhè̆ Jè hnî̆ńò ā? Bija atcahtî Jè dèbwè nu za tcahtî htŏ Apa. ‘D́è̆lî̄bò̄ wa Apa’ ńò kò̄ d́ò za d́ò̆ do cadè̄? 10Jò ò d́ŏ Apa abu kî Apa ò d́ŏ Ju bu nu, nu tu b́ugè ńò ā? Dèjî̄b́è Jò d́ò thĭ tòcò nu, tè b́è Jò d́ò dò̆ Ju phlŭ Je there abu nu ńò. Ḿî Apa aò d́ŏ Ju bu dèbwè aphlŭathere dòkhò̆. Amè dèmè ḿî Cè. 11B́ubò̄ Jò ò d́ŏ Apa abu, kî Apa ò d́ŏ Ju bu nu, ḿî̆dîḿî ńò, b́ubò̄ Jè dèphîdèmè tòcò nu. 12Jò d́ò̆sa thĭ adî̄ahma; bija ab́u Jè dèbwè nu dèmè htè Jè mè nu zè gè̄ mè tèpwè. Ab́èhŏ! Zè gè̄ mèkò̆ dèmè adoamu d́okhlŏ, manè̄ Je gē le d́ŏ Apa ò nu. 13Gajă thĭ dadè d́ŏ Ji mi abu tòcò nu, Jè gè̄ mènikò̆ thĭ cab́ô̆htè Apa adòathe kè̄ b́è d́è̆lî̄htabò̄ d́ŏ Apho ò nu. 14Thĭ gā dadè dimimi d́ŏ Ji mi abu nu, Jè gè̄ mè tèpwè.

Spirito Tcahtĭ Adèŏlaphlala

15“Thĭ kè b́èlò̄ b́eḿĕ Jè d́ō, òibò̄ Jè dèhmèla. 16Ja gā dakò̆ Apa, kî Ci gī ilakò̆ thĭ Amèzodè alewe dèbwè, kî Cò kò òkô thèjô̆kò̆ thĭ kă. 17Zî ḿî Spirito Tcahtĭ htè ad́è̆lî̄ Kib́ĭcè adèdî̄dèhma nu. Lākho di nib́è za Cè ńò, manè̄ d́ō ada tcahtî Cè ńò kî adî thîhè̆ Cè ńò ńò. Barasă d́ō thĭ thîhè̆ tèpwè Cè, manè̄ d́ō, cò òkô thĭ kă kî cò ò d́ŏ thĭ bu nu.

18“Jè dè lè̄ phosè thĭ ńò. Je gē gehtî we thĭ. 19Akò ò tod́opho be kî Lākho da tcahtî be Jè ńò, barasă thĭ gā tcahtî tèpwè Jè. Ḿî Jò ò thôḿô̆ akhoacè̆, thĭ kò òthôḿô̆kò̆. 20B́ĕ anu dini nu thĭ gî̄ thîhè̆kò̆ Jò ò d́ŏ Apa abu, kî thĭ ò d́ŏ Ju bu, kî Jò kò òkò̆ thĭ bu nu.

21“Bija htè aphîni Jè dèhmèla kî aòi cè dèbwè nu, zî ḿî ab́èlò̄ Jè. Ḿî ab́èlò̄ Jè dèbwè nu, Apa kè b́èlò̄kò̆ cè, Jè kè b́èlò̄kò̆ cè, kî Jè kè d́è̆lî̄kò̆ cè Je ne,” Cò d́ò lōwa do.

22Jŭda, tè b́è Jŭdas Iskariŏta ńò d́ò Cè, “B́ĭcè, Nè b́è d́è̆lî̄hta tèpwè Ne ne d́ŏ wò ò nu, ḿî Nè tè d́è̆lî̄hta ma Ne ne d́ŏ Lākho nu ńò nè?” Cè d́è̆ lōwa do.

23Jezŭ d́òscĭge cè, “B́eḿĕ bija dèbwèbwè kè b́èlò̄ Jè nu, cò kò òi tèpwè Jè dèjî̄b́è. Ja Pa kè b́èlò̄kò̆ cè, kî we gē lehtî cè kî òkôkò̆ ca kă. 24Bija atè b́èlò̄ Jè ńò dèbwè nu, tò òi Jè dèjî̄b́è ńò. Ḿî dèjî̄b́è thĭ thîhè̆b́è htŏ tòcò nu, tè b́è Jè è̆ ńò, ḿî Ja Pa athodŏle Jè dèbwè nu è̆,” Cò d́ò lōwa do.

25“Jò d́ò̆sa htŏ thĭ dè ajo tòcò b́ĕ Jò òkôwe thĭ kă nu. 26Amèzodè, Spirito Tcahtĭ htè Apa gō thodŏle d́ŏ Ji mi abu dèbwè, gē le thôithò̆i lŏkò̆ thĭ kî Zè gè̄ mè gomohtanikò̆ thĭ gajă Jò d́ò̆sa htŏ thĭ tòcò nu.

27“Jè lè̄ladani thĭ dèjīdèd́wă, Jè dèjīdèd́wă Ji ila thĭ lò. Ji i thĭ tè b́è acab́ô̆ Lākho ila nu ńò. B́èhjŏb́èmabò̄ mè, scisăbò̄ ḿè ḿè. 28Thĭ thîhè̆ htŏ Jò d́ò̆sa thĭ htè, ‘Jè gè̄ hèphlòḿĭ kî Je gē gehtî thĭ,’ nu. Thĭ kè b́èlò̄ ma Jè d́ō, thĭ gā thaganāi tèpwè htè Je le d́ŏ Apa ò nu, manè̄ d́ō Apa ḿî adolĭ Jè. 29Kî khŏnujo Jò d́ò̆sa thĭ thôrô̆ kî dèphî̆hta hnî̆ńò nu, cab́ô̆htè thĭ ku b́ubò̄ b́ĕ dèphî̆hta akhî nu. 30Tè b́è Jî gî̄ jî̄b́èhtî òèòò be thĭ ńò, manè̄ d́o, Lākho Asaphra dole htŏ. Zô cô̆thèlè̆ tò ò Jo kho dimĭ ńò. 31Barasă Ze le cab́ô̆htè Lākho gî̄ thîhè̆bò̄ Jè b́èlò̄ Apa, kî Jè mè dè htè Apa hmèla Jè tòcò nu.

“Wè̄hto, gè̄ hèhtagè b́ĕjo,” Cò d́ò lōwa do.

Currently Selected:

Zowănnī 14: GRNT21

Highlight

Copy

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Zowănnī 14

Videos for Zowănnī 14

The Last Supper

Son of God

The way the truth and the life

Lumo Project

Jesus Comforts His Disciples

Jesus Film Project

I AM The Way, The Truth & The Life

Streetlights

Zowănnī 14

Popular Bible Verses from
Zowănnī 14

Videos for Zowănnī 14

The Last Supper

The way the truth and the life

Jesus Comforts His Disciples

I AM The Way, The Truth & The Life

Bible:

Karen, Geba

Version: Geba Roman New Testament - GRNT21

Zowănnī 14

Zowănnī 14

Popular Bible Verses from Zowănnī 14

Videos for Zowănnī 14

The Last Supper

The way the truth and the life

Jesus Comforts His Disciples

I AM The Way, The Truth & The Life

Bible:

Karen, Geba

Version: Geba Roman New Testament - GRNT21

Zowănnī 14

Popular Bible Verses from
Zowănnī 14