Thodŏpho Dèsŭgū

Dèsŭgū

Thodŏpho Adèphîdèmè tèb́è jo ḿî dèhwe abò̄kô Lŭka Adèthalōthalai Awîakè̆ Acè lò. Adèwîdèkè̆ akokhwi ḿî akò d́ò̆sa bija alôkô Jezŭ ale alabū htè ab́è thè̆lei kî Spirito Tcahtĭ tòcò, bò̄igè Zè dèthalōthalai Awîakè̆ “thĭ gā khab́èkò̆ ji nikhĭ thè̆thî d́ŏ Jerŭsalèm u kî Judĕage thèd́è̆ge kî Samarĭa, htô̆do Lākho kŭdu nu” (1.8). Aḿîgè dèwîdèkè̆ ab́èkja Krĭstupho tòcò adègemeelô htè cahta d́ŏ Jŭdapho tòcò aklè̆ kî akèhtagè dèb́u domo d́ŏ Lākho thèd́è̆b́è nu. Ahwe cè dèbwè thaènikô bija apha cè ajo tòcò kò ò mòthomòthabò̄ d́ŏ cè tòcò thîhè̆b́è Krĭstupho tòcò ḿî atè b́èkja tèpwè Rŏma Htĭge adèŭi adèphîdèmè ńò, ḿî Krĭstupho adèb́u mèpĕhtagè Jŭdapho adèthub́uthèb́è̆ dòkhò̆.

Thodŏpho Adèphîdèmè b́è bēpha 3 glā, acab́ô̆ wa tcahtî dèbò̄i ab́èkja Jezŭ Adèthalōthalai Awîakè̆ D́èlò̄d́èkhò̆gè kî dèòplo òhtagè d́ŏ dè ale dalā hwă dalā nu; (1) Krĭstupho tòcò adègemeelô tcahta d́ŏ Jerŭsalèm u abu b́ĕ Jezŭ gehta hwă Mò̄kho alekă nu. (2) ahèkhò̆hta dogè d́ŏ Palèstĭnage bu dèlle alewe tòcò nu. (3) d́èlò̄d́èkhò̆ dob́a d́ŏ pellèkhò̆thathĭ abu do d́ŏ Rŏma nu.

Thodŏpho Adèphîdèmè abu dè ad́è̆lî̄hta ajwīdomodo ḿî Spirito Tcahtĭ adègemeelô, alei dècô̆thèlè̆ d́ŏ bija ab́udè aò Jerŭsalèm tòcò b́ĕ Pèntèkò̆stè pwè̆ nu. Spirito Tcahtĭ ikhoiăgè dèòplo kî akhoane tòcò d́ŏ dèmè ane lŏcăcè tòcò nu b́è hwela d́ŏ Cè abu nu. Krĭstupho alabū tòcò awîakè̆ b́èhwed́è̆lî̄hta aglobu d́ŏ dèd́ò̆htôla tòcò cò abu, dècô̆dèthèlè̆ d́è̆lî̄htagè d́ŏ ab́udè tòcò adèòthôḿô̆ abu, kî dèòplo tòcò adèmèthòhlè lōwa abu nu.

Dèwîdèkè̆ Aglobu

Dèprahnèdòlò d́ŏ agā kha thè̆thî anikhĭ (1.1-26)

a. Jezŭ adèhmèla Agudulă kî adèaḿăkhai (1.1-14)

b. Bija ahtage Jŭda ablô. (1.15-26)

Dèkhathè̆thî d́ŏ Jerŭsalèm (2.1—8.3)

Dèkhathè̆thî d́ŏ Jŭdage kî Samarĭage (8.4—12.25)

Păulu mè Kib́ĭcè adèphîdèmè (13.1—28.31)

a. Zè dèlle aŭsu tapla (13.1—14.28)

b. Dèladēplodo d́ŏ Jerŭsalèm abu (13.1—14.28)

c. Zè dèlle gīpla tapla (15.36—18.22)

Zè dèlle thŏpla tapla (18.23—21.16)

Păulu ladēnī dèkî̆dî̄ bu d́ŏ Jerŭsalèm, Cesărea, kî Rŏma. (21.17—28.31)

Currently Selected:

Thodŏpho Dèsŭgū: GRNT21

Highlight

Copy

Want to have your highlights saved across all your devices? Sign up or sign in

Learn More About Geba Roman New Testament

Thodŏpho Dèsŭgū

Popular Bible Verses from
Thodŏpho Dèsŭgū

Bible:

Karen, Geba

Version: Geba Roman New Testament - GRNT21

Thodŏpho Dèsŭgū

Thodŏpho Dèsŭgū

Popular Bible Verses from Thodŏpho Dèsŭgū

Bible:

Karen, Geba

Version: Geba Roman New Testament - GRNT21

Thodŏpho Dèsŭgū

Popular Bible Verses from
Thodŏpho Dèsŭgū