Kèʼlo 36

Kfə́ə Esav e wòŋ Kanan

(1 Wòŋ 1.34‑37)

1Rám Esav wo á kfə̀n yoŋ sa ji Edome rə́ne. 2Esav‑iì nə̀ə́ vikìy və́ fó wòŋ Kanan, a vé‑eè dzə̀ jii, Ada woo wan Elon woo wir Hit, e lì Oholibama wo tàr wov‑iì dzəə̀n Ana woo wan Tsibeyon woo wan wìr Hiv. 3Wùmòʼ dzə̀ Basemat wo jèmèr rə dzəə̀n Nebayiot, a tàr wov dzə̀ Ishmael. 4Esav wùn Ada dzəə́ Elifas, wùn Basemat dzəə́ Ruel. 5Wùn Oholibama dzəə́ Jeush wùn à Jalam, e lì Kora. Á mo wón ve Esav‑iì dzəən é wòŋ Kanane dzəə̀n.

6Esav nèn lì vikìy və́ wùn à wón vəə́, à wìr dzə̀m wo wù‑uù dzəə̀n e wun laʼ, e lì nyám sə́ wùn à kéŋ rəə́ e dzə̀m ye wù‑uù kooyin é wòŋ Kanan, e màʼtì fə́r və Jakov fo, e dù e wòŋ wo səné. 7Wù‑uù lo bèy, bìʼ fo nyám sév sí‑iì kùʼùn ne e ŋàŋ, kirə́ʼ ke áwune‑eè dzə́ sho ki nèn a dornín fo áwune wáa dzə kirə́ʼ kimòʼón. 8Esav wo á kfə̀n yoŋ sa ji Edom‑eè lò bey, e dù, a dzə aàgwan veé Seir.

Rám Esav e wòŋ Edom

9Esav nèn a dzə tàr à wìr veé Edom ve á dzə́ aàgwan veé Seir. A rám rə́ yee fóo dzə̀ jii, 10Elifas woo wan wùn Ada, e lì Ruel woo wan wùn Basemat. 11Wón Elifasi‑iì dzə̀ jii, Teman wùn à Omar, à Sefo, à Gatam, à Kenas. 12Timna wo Elifas‑iì lèmèn dzəə́ Amalek. Á wón ve vé‑eè ràmèn fo Esav wùn wiiy və woo Ada.

13Wón Rueli‑iì dzə̀ jii, Nahat wùn à Sera, à Shamma, à Missa. Á wón ve vé‑eè ràmèn fo Esav wùn wiiy və woo Basemat.

14Wón Esav wùn Oholibamàa‑aà dzə̀ jii, Jeush wùn à Jalam, à Kora. A tàr a Oholibama‑aà dzə̀ Ana woo wan Tsibeyon wo dzəə̀n wan wìr Hiv.

15Yír sé kfəə se sí‑iì ràmèn fo wón Esav si sìne. Se sí‑iì loòn fo Elifas woo wan Esav mbìy si dzə̀ jii, Teman wùn à Omar, à Sefo, à Kenas, 16à Kora, à Gatam, e lì Amalek. Á yír sé kfəə seé wòŋ Edom se sí‑iì ràmèn fo Esav wùn wiiy və woo Ada.

17Kfəə́ se sí‑iì ràmèn fo Ruel woo wan Esav si dzə̀ jii, Nahat wùn à Sera, à Shamma, e lì Missa. Á yír sé kfəə seé wòŋ Edom se sí‑iì ràmèn fo Esav wùn wiiy və woo Basemat.

18Kfəə́ se sí‑iì ràmèn fo wón Oholibama woo wiiy Esav si dzə̀ jii, Jeush wùn à Jalam, à Kora. Á kfəə́ se sí‑iì loòn fo Oholibama wo tàr wov‑iì dzəə̀n Ana. 19A kfəə́ sìn sidzə̀m si kù‑uù ràm fo Esav, e bóo fèr woŋ Edom.

Rám Seir e wòŋ Edom

(1 Wòŋ 1.38‑42)

20Wír mbìy veé nsay Edome‑eè dzə̀ wón Seir, Seir wo yì‑iì dzəə̀n wan wìr Hor. Kfəə́ se wón Seir si dzə̀ jii, Lotan wùn à Shobal, à Tsibeyon, à Ana, 21à Dishon, à Eser, à Dishan. Á kfəə́ seé wòŋ Edom se sí‑iì loòn fo Seir wo yì‑iì dzəə̀n wan wìr Hor.

22Kfəə́ se sí‑iì loòn fo Lotan si dzə̀ jii, Hori wùn Heman. Timna‑aà dzə̀ kfə́ jemèr Lotan.

23Kfəə́ se sí‑iì ràmèn fo Shobal si dzə̀ jii, Alvan wùn à Manahat, à Ebal, à Shefo, à Onam.

24Wón Tsibeyone‑eè dzə̀ jii, Aiya wùn Ana. Dzə̀ Ana və̀n wo wù‑uù tòmbìy yèn ntòŋ sé ndzəv é woʼ yímóʼó fo wù‑uù leey fo vimbèʼbìy vé tàr wov ví é kwaʼ. 25-26Ana nèn a dzə tàr à Dishon wùn jèmèr rə yee Oholibama. A kfəə́ se sí‑iì ràmèn fo Dishon#36.25‑26: Lám Hibrùu kér jii: Dishan, a dzə̀ dzə́ə yìmòʼ yée saŋ Dishon sho. si dzə̀ jii, Hemdan wùn à Eshban, à Itran, à Keran.

27Eser wáa dzə kfə́ tàr à rám kfəə see jii, Bilhan wùn à Saavan, à Akan. 28Tàr à kfəə see ji Us wùn à Aran nèn a dzə Dishan. 29-30Kfəə́ se wìr veé Hor se sí dzəə̀n é wòŋ Seir sidzə̀m si nén a dzə jii, Lotan wùn à Shobal, à Tsibeyon, à Ana, à Dishon, à Eser, à Dishan.

Afon veé Edom

(1 Wòŋ 1.43‑54)

31É bo wír veé Israyi wáa gwàrìr kímóʼ kí ji dzə̀ wìr wàa saʼ kitúm ji fon, aàfon vìne‑eè sí sáʼ e wòŋ woo Edom. Á dzə̀ jii, 32Bela woo fon mbìy wo yì‑iì dzəə̀n wan Beor, a vé‑eè lì wun fo Dinhaba, e bóo koʼór. 33Wù lày, á lì Jobav woo wan Sera fo Bosra, e kòʼór. 34Jobav lày, á kóʼór Husham wo wù‑uù loòn fó ŋguùŋè Teman. 35Husham lày, á lì Hadad fo Avit, e kòʼór. Dzə̀ wun wo wù‑uù tònèn wír veé Midian e rər se vé‑eè maʼ e nsay Moav. 36Hadad lày, á kóʼór Samla wo wù‑uù loòn fó Masreka. 37Samla lày, á kóʼór Shaul wo wù‑uù loòn fó mvə̀mlaʼ yee Rehobot ye yì‑iì dzəə̀n é ghaa ndzəv yee Yufret. 38Shaul lày, á kóʼór Baal‑Hanan woo wan Akbor. 39Baal‑Hanan lày, á nèn kòʼór lèn a dzə̀ Hadar wo wù‑uù loòn fó mvə̀mlaʼ yee Pau. Yeè lav və‑əə̀ dzə̀ Mehetabel wo yè wov‑iì dzəə̀n Matred woo wan Mesahav.

Anseèn veé Edom

40Sin si dzə̀ yír sé atǎr ram se sí loòn fo Esav, mo sí‑iì dzəə̀n aáwuné kfəə si wùn à virə́ʼ ve áwune‑eè dzəə̀n shó vi. Á dzə̀ jii, Timna wùn à Alva, à Jetet, 41à Oholibama, à Ela, à Pinon, 42à Kenas, à Teman, à Mibsar, 43à Magdiel, e lì Iram. Sin si dzə̀ kfəə́ seé Edom mo sí dzəə̀n é virə̀ʼ jeéy jeéy é nsay ye vé‑eè koon, a dzə sho. A kù dzə̀ Esav tàr à wìr vee kfə́ə Edom e dzə̀m.

Currently Selected:

Kèʼlo 36: LNB

Highlight

Copy