Ruti 1
1
Naomi ina kaiyakomou tetelina
(Ruti 1:1-22)
Naomi monena be natunao Moabe goi sikámasa tetelina
1-2E koroto tayamo yoina Elimaleka go, monena Naomi taiyao Bedeliyema goi sikaaiyaka. Bedeliyemayana moe Yuda dadavina sinaena. Ma natuudiyao koroto adi taiyuwo; tayamo yoina Maloni, tayamo yoina Kiliyoni go, adi .
E tutayana Isileli idi totaligavayao siilovina, Isileli sinaena loga gagaina isowóduwo losiye pasina. Tuwo Elimaleka monena natunao adi taiyuwo taiyao sitaoya, sina asa Moabe#1:1-2 Moabe: Ame asa yoina. Boi nimatu Loti natuna vavina taiyao simasisi, ikéuwama. Ikéuwama niga ivenátuna, natuna koroto yoina Moabe. Niga Moabeyana tubunao yoidi Moabe moe nakae adi dala yoina. Aiyuwoina idi kasa sivayou Moabe (Abv 19:30-38). goi sikaaiyaka. 3Sikaaiyaka aaa, Naomi monena Elimalekayana ikámasa. Tuwo Naomi natunao adi taiyuwo taiyao aditava sikaaiyaka. 4Sikaaiyaka, natunaoyadi Moabe vevinaidi sinaidi, tayamo yoina Opa,#1:4 Opa: Isileli tubunao niyadi goi ame youyana ana yagoina moe tugavila. tayamo yoina Ruti. Amoko goi sikaaiyaka tala ana badabada yawou 5go, Maloni be Kiliyoni adi taiyuwokova nakae sikámasa. Tuwo Naomi monena be natunao bogina sikámasa, tauna anetava ikaaiyaka.
Ruti ina kasala ivagiitakoe Naomi yaina tetelina
6E Naomi livala tayamo inove bego ina bodao Yuda goi ivaaitedi; adi máliya bogina ivinidi. Tauna yaonao adi taiyuwo taiyao sitaoya, sikatubayasi bego Moabe sikalave go, sikaluvila sina Yuda. 7Sikatubayasi ikavava, asayana goi sikaaiyaka sikalave go, siketoiya bego sina Yuda. 8Sinonoina go, Naomi idigo kana,
‘Yaogowo, kokaluvilāmna kōna sinamiyao taiyao kokaaiyāka. Guna kawanoi bego Yauwe ikubunuwemi nakae komi bogina kokubuunuwegu be nakae boi natugowo kokubuunuwedi. 9Aiyuwoina, guna kawanoi bego Yauwe itagona konaimna bei monemiyao taiyao kokaaiyaka imi vada.’
Tuwo, tauyana iyowoiidi go, kidi sitáiya. 10Sitáiya, sidigo kadi,
‘Yaoma, geya latuwoma kakalavem. Latuwoma bego kakitaum bei taiyao tana im bodayao yaidi.’
11E kina go Naomiyana idigo kana,
‘Yaogowo, kokaluvilāmna kōna imi kasa. Kaga pasina latuwomi kokitaugu? Yau geya itoboineguta bei avaitemi. Nakae geya itoboineguta bei natugowo koroto avenatunidi bei monemiyao. 12Tuwo, kokaluvīla kōna imi kasa. Yau bogina akainamoya, tauna geya itoboineguta anaimna. Go neta sabamgo ame yau koroto tayamo bei anai, taiyao kamasisi akéuwama be natugowo koroto avenatunidi, 13manakae? Bei kotuyaosidi, e sibíbina gagaidi baige konaidi? Bei nai kototo? Geya, yaogowo, geya itoboinemita. Yaubada bogina itugavilegu, tauna moumou ivakaigaga yaigu namlieta komi. Bogina koyagoi. Komi itoboinemi konaimna go, yau geya.’
14E tuwo ina livala sinove, sitaiyamna. E Opa yaona iyowoi ikavava, ikaluvila ina ina kasa go, kina Ruti yaona imatakanikaniye, e ivalabilabine. 15E tuwo, Naomi idigo kana,
‘Kunōve. Tuwowom ikaluvilamna ina ina bodao be ina yaubadayao#1:15 Ina yaubadayao: Da Moabe idi yaubada polapola gagaina yoina Kemosi (1To 11:33). yaidi. E kom taiyao kokaluvīla.’
16Go kina Rutiyana idigo kana,
‘Taabu kukaawanōi yau yaigu bego akalavem, go sem neta kutagonegu bei akitaum.
Nako goi kuna,
yau taiyao tana.
Nako goi kwaaiyaka,
yau taiyao takaaiyaka.
Im bodao moe kita ida bodao.
Im Yaubada moe kita ida Yaubada.
17Nako goi kukámasa,
yau taiyao takámasa,
e moeko goi bei sivaliwogegu.
Bei ámasa tauna ikupoida go,
geya, bei Yauwe liuna gagaina ivinigu.’
18E Ruti ibóbwara ikavava, Naomi bogina iyagoi bego Ruti latuwona toina taiyao sina. Tauna itugau. 19aE tuwo adi taiyuwokova siketoiya sinonoina Bedeliyema manuna.
Naomi ikaluvilamna ina Bedeliyema tetelina
19bTutayana sisowóduwo Bedeliyema goi sisiu, asa butukaona iyata, e vevina liliudi sima adi taiyuwokova sigitedi, sidigo kadi,
‘Iyaa! Amo Naomi ae?’
20Go kina Naomiyana idigo kana,
‘ ikitaitaiyegu, tauna taabu koduuduwēgu Naomi,#1:20 Naomi: Isileli tubunao niyadi goi ame youyana ana yagoina moe uyáwana. go sem koduduwēgu Mara.#1:20 Mara: Isileli tubunao niyadi goi ame youyana ana yagoina moe nuwomou o tamatama. 21Boi akalavemi maa konagu go, ame tutayana Yauwe ikaluvilemneigu nima kaka. Kaga ana dedevina koduduwegu Naomi? Geya. Yauwe Tokalika itugavilegu be nakae ikitaitaiyegu.’
22Tauna nakae Naomi Moabe goi itaoya yaona Ruti guma Moabe taiyao sina Bedeliyema. Ego tutayana sisowóduwo Bedeliyema goi, moe ana tuta dibayoya ana kaba vatowo.
Currently Selected:
Ruti 1: GVS
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.