HOSEA 3
3
Hosea We' Jhaug' Mazaug: Ra" Myiqe:
1 Asang wa ngore- Dam: ye: mung: zoqae: pho" dayaug we' seim lai qho: ra" myiqe: re jhid'de; myid qhu" byid: wa,- Israel byumyu" wa gatau: so jham shad' khyo lhang: phaug' lo" mung: solho jham re sabyi" kyaug' jham qhaug' byid: gengadqere: ngo: yang: ajhid'de; na shi" ru we' dakhyo: nao re: yao: re jhid'de; ca"- ga: ta" ra".
2Aimung: ngo wa ngaui daxe: ngo" kye' we' bale yho" ngo" tang: yang yao: re vai: yu va". 3Yao: wa sumlai re: maqho:- shava myhi" re: makad' zo: lo: myao" sho' ngore lao" na ca" li" nae" ein: ngo: yang yao: re ta" va". Ai: ayo, gu: mae ngo wa yao: re lao" na nae" ngad:- 4Israel byumyu" qere: ce we' dakhyo: yao: ayo, myao" sho' kho:kham re: maqo"- au: jhaung re: maqo" lo:- xeim: re: mangaui" byid:- gyang" lho" laugbaui jham re: majo,- boe, phyid' nae" solho jham we' khyao dau lho jham re:- maqo" lo: genae". 5Ngadqere: Israel byumyu" qe wa yao: bam: Mao"So Asang we' yao: bam: kho:kham Davi nho: myid:zo: qejhao" dam: lhang: tug' lo: ra" ayo, joe" lo: li" nae". Ailao" yao: bam wa Asang re gyaug phug' mung: yao" nho: jhaung qhu" gai jham re qo" khae: yu: li" genae".
Currently Selected:
HOSEA 3: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
