Marika 4
4
A Vosa Vakatautauvata ni Daukabukaburaki
(Maciu 13.1-9; Luke 8.4-8)
1 #
Luke 5.1-3
A sa ia tale ko koya me vakatavuvuli e matasawa. A sa lewe vuqa sara era sa soqoni vata vua, a sa vodoka kina na waqa ko koya ka tiko sobu kina mai wai, ka ra sa tu kecega na lewe vuqa mai matasawa. 2A sa vuqa na ka sa vakavulici ira kina ko koya e na vosa vakatautauvata, ka kaya vei ira e na nona i vakavuvuli: 3“Dou rogoca! Sa dua na daukabukaburaki sa laki kabukaburaki. 4A sa yaco, ni sa kabukaburaki lako, sa lutu eso e na tutu ni sala, a sa lako mai na manumanu vuka ka kania. 5A sa lutu eso ki na vanua veivatu, sa sega ni levu kina na qele, a sa tubu cake vakatotolo sara, ni sa sega ni vavaku na kena qele. 6Ia ni sa cabe na siga, sa malai, ia ni sa sega na wakana, sa raqosa sara. 7A sa lutu eso ki na veiwa-vakavotona, a sa tubu cake na veiwa-vakavotona, ka vakaruguta, a sa sega kina ni vua. 8A sa lutu eso ki na vanua vinaka, a sa vuavuai vinaka ka tubu cake me levu, a sa vuai tolusagavulu eso, ka onosagavulu eso, ka drau eso.” 9A sa kaya vei ira ko koya, “O koya sa vakadaligana me rogoca, me mani rogoca sara.”
Na Kedra i Naki na Vosa Vakatautauvata
(Maciu 13.10-17; Luke 8.9-10)
10Ia ni sa tiko duaduaga ko koya, era sa tarogi koya e na vosa vakatautauvata ko ira na lewe tinikarua, kei ira era sa dautiko vata kaya. 11A sa kaya vei ira ko koya, “Sa soli vei kemudou mo dou kila na ka vuni ni matanitu ni Kalou, ia vei ira ga e taudaku, sa tukuni na ka kecega e na vosa vakatautauvata, 12#Aisea 6.9,10me rawa kina
‘me ra raica tiko, ka sega ni kila,
ka me ra rogoca tiko, ka lecava tu,
de dua na siga era saumaki mai kina, ka me vosoti na nodra i valavala ca.’ ”
Sa Vakamacalataka ko Jisu na Vosa Vakatautauvata ni Daukabukaburaki
(Maciu 13.18-23; Luke 8.11-15)
13Sa kaya talega vei ira, “Dou sa sega li ni kila na vosa vakatautauvata oqo? Ia dou na kila rawa vakaevei na vosa vakatautauvata kecega? 14Sa kaburaka na vosa na daukabukaburaki. 15Ia ko ira oqo era vaka na tutu ni sala, sa kaburaki kina na vosa, ia ni ra sa rogoca oti, sa qai lako sara mai ko Setani, a sa kauta tani na vosa sa kaburaki e lomadra. 16Ko ira talega oqo sa kaburaki ki na vanua veivatu: era rogoca na vosa, ka vakabauta sara e na reki. 17Ia ka sega ga na wakana e lomadra, a ra sa tu dede vakalailai ga; ia ni sa tubu e muri na rarawa se na veivakacacani e na vuku ni vosa, era sa tarabe sara. 18Ia ko ira eso sa kaburaki ki na veiwa-vakavotona. Ko ira era sa rogoca na vosa, 19ia na lomaocaoca e na vuku ni vuravura oqo, kei nai yau e dauveivakaisini, kei na daugadreva na veika tale eso sa curu kina ka vakaruguta na vosa, a sa sega kina ni vua. 20Ia ko ira oqo sa kaburaki ki na vanua vinaka: era sa rogoca na vosa, ka vakabauta, ka vua, sa vuai tolusagavulu eso, ka onosagavulu eso, ka drau eso.”
Na Cina ena Ruku ni Bilo
(Luke 8.16-18)
21 #
Maciu 5.15; Luke 11.33 Sa kaya talega vei ira ko koya, “Sa dua beka na cina sa kau mai, me viritoka e ruku ni vakarau ni sila, se ruku ni mocemoce? E sega beka ni viritoka e na kenai tutu ga? 22#Maciu 10.26; Luke 12.2Ni sa sega na ka e tabogo, me na sega ni vakarairaitaki mai; se na ka sa vuni, me na sega ni vakavotui. 23Kevaka e dua e vakadaligana me rogoca, me mani rogoca sara!” 24#Maciu 7.2; Luke 6.38Sa kaya talega vei ira, “Dou qarauni kemudou e na ka dou rogoca: ai vakarau dou na vakarautaka, ena vakarautaki tale vei kemudou, ena soli vakalevu talega vei kemudou. 25#Maciu 13.12; 25.29; Luke 19.26Ni sa tu vua na tamata e dua na ka, ena qai soli vua, ia ke sa sega ni tu vua na tamata e dua na ka, ena qai kau tani mai vua na ka sa tu vua.”
Na Vosa Vakatautauvata ni Kau sa Tubu Tiko
26Sa kaya talega ko koya, “Sa tautauvata na matanitu ni Kalou, kei na tamata sa laki kaburaka na sila ki na qele. 27A sa moce ka tucake, e na bogi kei na siga, a sa rovu na sila ka tubu cake, a sa sega ni kila ko koya na kenai valavala. 28Ni sa vua vakai koya ga na qele, sa liu mada na buroro, sa tarava na sola, a sa qai muri na vuana e matua e na sola. 29#Joeli 3.13Ia ni sa matua mai na vuana, sa qai vakacuruma ko koya nai sele takelo, ni sa cava na yabaki.”
Na Vosa Vakatautauvata ni Sore ni Musita
(Maciu 13.31-32,34; Luke 13.18-19)
30A sa kaya ko koya, “Tou na vakatautauvatataka na matanitu ni Kalou kei na cava? Se cava na ka vakaibalebale me da vakatautauvatataka kina? 31Sa vaka e dua na sore ni musita, o koya ni sa tei e na qele, sa lailai sobu vei ira kecega na sore ni kau e na qele, 32ia ni sa tei, sa tubu cake, a sa yaco me levu cake vei ira kecega na kau lalai, a sa vakatabana vakaidina, a sa ro rawa na manumanu vuka e na kena rurugu.”
33A sa vuqa na vosa vakatautauvata vakaoqo sa tukuna kina ko koya na vosa vei ira, me vaka era sa rogoca rawa. 34A sa sega ni vosa walega vei ira, sa vosa vakatautauvata tikoga, a sa vakatakila nai balebale ni ka kecega vei ira na nona tisaipeli, ni ra sa tiko vakai ira.
Sa Vakamaravutaka na Cava ko Jisu
(Maciu 8.23-27; Luke 8.22-25)
35Ia e na siga ko ya, ni sa yakavi mai, sa kaya vei ira ko koya, “Me da lako yani ki tai kadua.” 36Ia ni ra sa laivi ira mada na lewe vuqa, era sa qai kauti koya sara vaka ga ko ya e na waqa. Ka so tale na waqa lalai era sa lako vata kaya. 37A sa tubu e dua na cagi levu sara, a sa seva na waqa na biau, a sa qai luvu kina. 38A sa tiko ko koya e na mua e muri, a sa moce e nai lokoloko. A ra sa vakayadrata, ka kaya vua, Vakavuvuli, ko sa wele beka ga ni da sa mate? 39A sa tucake ko koya, ka vunauca na cagi, a sa kaya ki na wasawasa, “Mo vakacegu! Mo maravu mai!” A sa ruru na cagi, a sa maravu levu mai. 40A sa kaya vei ira ko koya, “Dou sa rere e na vuku ni cava? E vakaevei ni sa sega na nomudou vakabauta?” 41A ra sa rere vakalevu, a ra sa veikayaka vakai ira, “O cei beka oqo, ni sa talairawarawa vua na cagi kei na wasawasa?”
Currently Selected:
Marika 4: FRV21
Highlight
Share
Copy
Want to have your highlights saved across all your devices? Sign up or sign in
