Maciu 27
27
Sa Kau vei Pailato ko Jisu
(Marika 15.1; Luke 23.1-2; Joni 18.28-32)
1Ni sa mataka, era sa bosei Jisu ko ira kecega na bete levu kei ira na nodra qase na tamata, me ra vakamatea. 2Ia ni ra sa vesuka, era sa kauta yani, ka solia vei Pailato na kovana.
Sa Kukunataki koya ko Jutasa
(Cakacaka 1.18-19)
3 #
Caka 1.18,19 Ia ko Jutasa, ko koya ka solia yani, ni sa raica sa lewai ko koya me mate, sa qai veivutuni, a sa vakasuka na tiki ni siliva e tolusagavulu vei ira na bete levu kei ira na qase, 4ka kaya, “Au sa cala ni ka'u a soli koya sa sega ni cala me mate.” A ra sa kaya, “Sa bale vakacava vei keitou? Sa baleti iko ga.” 5A sa biuta ko koya na veitiki ni siliva e na vale-ni-soro, ka curu yani; ka laki kukunataki koya.
6A ra sa kauta na veitiki ni siliva ko ira na bete levu, ka kaya, “Sa sega ni tara me biu ki na kato ni kamunaga ni vale-ni-soro, ni sai sau ni mate.” 7A ra sa qai bosea, ka volia kina na tiki ni vanua ni dautuli kuro, me ra bulu kina na vulagi. 8O koya oqo sa vakatokai kina na tiki ni vanua ko ya, na tiki ni vanua ni dra, ka yacova na siga oqo. 9#Saka 11.12,13Sa qai vakayacori na ka sa tukuna ko Jeremaia na parofita, ka kaya, “Era sa kauta na tiki ni siliva e tolusagavulu, ai voli kei koya sa volitaki, ko koya era sa volia ko ira eso na luve i Isireli, 10a ra sa solia mei voli ni tiki ni vanua ni dautuli kuro, me vaka sa vosa vei au na Turaga.”
Vakatarogi Jisu ko Pailato
(Marika 15.2-5; Luke 23.3-5; Joni 18.33-38)
11A sa tu ko Jisu e na mata ni kovana, a sa tarogi koya na kovana ka kaya, “O sa nodra Tui na Jiu, se segai?” A sa kaya vua ko Jisu, “O sa kaya dina mai.” 12Ia ni ra sa beitaka ko ira na bete levu kei ira na qase, sa sega ni vosa ko koya. 13Sa qai kaya vua ko Pailato, “O sa sega beka ni rogoca na kena levu ni ka era sa beitaki iko kina?” 14A sa sega tale ni sauma ko koya e dua na nona vosa; a sa kurabui vakalevu kina na kovana.
O Parapa se ko Jisu?
15A sa dau nona i valavala na kovana e na solevu ni Lako-sivia ko ya me sereka vei ira na lewe vuqa e dua na tamata vesu, ko koya era sa digitaka. 16A sa tiko vei ira e dua sa vesu tu, e rogo sara, sa vakatokai ko Parapa.
17O koya oqo, ni ra sa soqoni vata mai, sa kaya kina vei ira ko Pailato, “Ko cei dou sa vinakata me'u sereka vei kemudou? Ko Parapa, se ko Jisu, ko koya sa vakatokai na Karisito?” 18Ni sa kila ko koya era a soli koya yani ni ra sa vuvutaka.
19Ia ni sa tiko sobu ko koya e nai tikotiko ni veilewai, sa talatala vua ko koya na watina, ka kaya, “Me kakua e dua na ka ko cakava vua na tamata dodonu ko ya, ni ka'u sa rarawa vakalevu edaidai ni ka'u sa tadrai koya.”
20A sa vakadreta vei ira na lewe vuqa ko ira na bete levu kei ira na qase, me ra kerei Parapa, ka me mate ko Jisu. 21Sa qai vosa na kovana, ka kaya vei ira, “Ko cei vei rau na lewe rua dou sa vinakata me'u sereka vei kemudou? Era sa kaya, Ko Parapa.” 22Sa kaya vei ira ko Pailato, “A cava me'u qai kitaka vei Jisu, ko koya sa vakatokai na Karisito?” Era sa kaya kecega vua, “Me lauvako ga ki na kauveilatai.” 23Sa qai kaya na kovana, “A cava na ka ca sa cakava ko koya?” A ra sa qai qoqolou vakalevu cake, ka kaya, “Me lauvako ga ki na kauveilatai.” 24#Vrua 21.6-9Ni sa raica ko Pailato sa sega ni yaco na nona vosa, ka sa ue mai ko ira na tamata, sa qai kauta e dua na wai, a sa vuluvulu e matadra na lewe vuqa, ka kaya, “Oi au. Kau na sega ni tarogi e na vuku ni mate ni tamata dodonu oqo; sa baleti kemudou ga.” 25A ra sa qai vosa kece na tamata ka kaya, “Me baleti keimami kei ira talega na luveimami na nona mate!” 26Sa qai sereki Parapa vei ira ko koya; ia ni sa vakanakuitataki Jisu mada, sa qai solia yani me vakoti ki na kauveilatai.
Era Vakalialiai Jisu na Sotia
(Marika 15.16-20; Joni 19.2-3)
27Ia ko ira na sotia ni kovana era sa kauti Jisu ki na vale ni turaga, ka vakasoqoni ira vata kina na mata sotia taucoko. 28A ra sa luvata na nona i sulu, ka vakasuluma e na dua nai sulu damudamu. 29Ka ra sa qai talia e dua nai sala e na wa-votovotoa, era sa vakaisalataki koya kina, ka tura e na ligana i matau e dua na gasau. A ra sa tekiduru e matana, a ra sa vakalialiai koya, ka kaya, “Sa cecere, na nodra Tui na Jiu!” 30A ra sa qai kasivita, ka kauta na gasau, ka waroca na uluna. 31Ia ni ra sa vakalialia oti, era sa luvata vua nai sulu, ka vakasuluma e na nona i sulu dina; ka kauta yani me ra vakota ki na kauveilatai.
Sa Vakoti ki na Kauveilatai ko Jisu
(Marika 15.21-32; Luke 23.26-43; Joni 19.17-27)
32Ia ni ra sa lako yani, era sa kunea e dua na kai Kirini, ko Saimoni na yacana; ko koya era sa vakasaurarataka me colata na nona kauveilatai. 33Ia ni ra sa yaco ki na yasana sa vakatokai ko Kolikoca, (a kenai balebale, Na yasana ni qavokavoka,) 34#Same 69.21era sa solia vua na wai wiwi sa veiwaki vata kei na ka gaga me gunuva; ia ni sa tovolea ko koya, sa bese ni gunuva. 35#Same 22.18Era sa qai vakota ki na kauveilatai, a ra sa vota na nona i sulu, e na vakawiri madigi; me vakayacori kina na ka sa vosataka na parofita, “Era sa vota vei ira na noqu i sulu, ia na noqu i tutuvi era sa ia kina na vakawiri madigi.” 36A ra sa tiko sobu ka vakatawai koya mai kea. 37A ra sa vakota e cake me donuya na uluna na ka sa beitaki vua, ka sa volai vakaoqo, “Oqo ko Jisu, na Nodra Tui na Jiu.”
38Sa qai lauvako vata kaya ki na kauveilatai e lewe rua na daubutako, e dua e na ligana i matau, ka dua e na ligana i mawi. 39#Same 22.7; 109.25Ia ko ira sa lako voli, era sa vosavakacacataki koya, ni ra sa kurea na uludra, 40#Maciu 26.61; Joni 2.19ka kaya, “O iko sa basuka na vale-ni-soro, ka tara e na bogi e tolu, vakabulai iko mada! Kevaka ko sa Luve ni Kalou, mo kevu sobu mai na kauveilatai.” 41Sa vaka talega kina ko ira na bete levu, kei ira na vunivola kei ira na qase, era sa vakalialia, ka kaya, 42“O koya sa dau vakabulai ira na tani, sa sega ni vakabulai koya rawa. Sa nodra Tui na Isireli ko koya, me kevu sobu edaidai mai na kauveilatai, keimami na qai vakabauti koya. 43#Same 22.8Sa dauvakararavi ko koya vua na Kalou; me vakabulai koya edaidai ko koya, kevaka e vinakati koya. Ni sa kaya, ‘Oi au na Luve ni Kalou.’ ” 44Oi rau talega na daubutako, eratou a vakoti vata kaya ki na kauveilatai, erau sa vakalialiai koya vakakina.
Na Mate i Jisu
(Marika 15.33-41; Luke 23.44-49; Joni 19.28-30)
45Sa qai butobuto na vanua taucoko, sa vakatekivu mai nai kaono ni aua ka yacova nai kaciwa ni aua. 46#Same 22.1Ia e nai kaciwa ni aua sa kaci ko Jisu e na domo levu, ka kaya, “Ilai, Ilai, lama sapakicani?” a kenai balebale, “Noqu Kalou, noqu Kalou, ko ni sa biuti au e na vuku ni cava?” 47Ia ka so vei ira sa tu voleka, ni ra sa rogoca, era sa kaya, “Na tamata oqo sa kacivi Ilaijia.” 48#Same 69.21A sa cici sara e dua vei ira, a sa taura e dua na vutovuto, ka tonisua e na wai wiwi, ka vivia ki na dua na gasau, a sa vagunuvi koya. 49A sa kaya ko ira sa vo, “Laiva mada; me da raica se na lako mai ko Ilaijia me vakabulai koya, se segai.”
50Ia ko Jisu, ni sa kaci tale e na domo levu, sa qai laiva na yalona.
51 #
Lako 26.31-33
Ka raica, sa sei rua nai lati ni vale-ni-soro mai na tikina e cake ka kauta ki ra. A sa tavuki na vanua, a sa kavida rua na veivatu lelevu. 52A sa dolavi na veibulubulu, sa vuqa talega na yagodra na yalododonu ka moce, sa tucake tale mai. 53Ia ni sa tucake tale mai na mate ko koya, era sa lako mai na veibulubulu, ka lako ki na koro tabu, ka sa rairai vei ira na lewe vuqa.
54Ia na turaga-ni-valu, kei ira sa tiko vata kaya me vakatawai Jisu, ni ra sa raica na tavuki ni vanua, kei na veika sa yaco, era sa rere vakalevu, ka kaya, “E dina ga sa Luve ni Kalou ko koya oqo.”
55 #
Luke 8.2,3 Era sa lewe vuqa talega na yalewa era sa vakaraica vakayawa, ko ira era a muri Jisu mai Kalili, ni ra sa dauqaravi koya. 56E dua vei ira ko Meri na yalewa ni Makitala, kei Meri na tinai Jemesa kei Josese, kei na tinadrau na luve i Sepete.
Na Bulu nei Jisu
(Marika 15.42-47; Luke 23.50-56; Joni 19.38-42)
57Ia ni sa yakavi, sa lako mai e dua na tamata vutuniyau, na kai Arimacea, na yacana ko Josefa, ko koya talega sa tisaipeli i Jisu. 58Sa lako vei Pailato ko koya, ka kerea na yagoi Jisu. Sa qai kaya ko Pailato me soli na yagona. 59A sa kauta na yagona ko Josefa, ka solega e na dua nai sole lineni sa savasava, 60a sa vakotora e na nona i bulubulu vou, ka taya ko koya e na vatu. A sa vaqiqica e dua na vatu levu ki na katuba ni bulubulu, ka lako tale yani. 61A sa tiko mai kina ko Meri na yalewa ni Makitala, kei na Meri kadua, erau sa tiko sobu ka donuya nai bulubulu.
Yadravi na Mata ni Bulubulu
62Ia e na mataka e na siga sa tarava na siga vakarau, era sa soqoni vata vei Pailato ko ira na bete levu kei ira na Farisi, 63#Maciu 16.21; 17.23; 20.19; Mari 8.31; 9.31; 10.33-34; Luke 9.22; 18.31-33a ra sa kaya, “Kemuni na Turaga, keitou sa nanuma ni sa kaya na dauveivakacalai ko ya, ni sa bula tiko, ‘Me oti mada e tolu na bogi ka'u na qai tucake-tale mai.’ 64O koya mo ni qai lewa me sogo vakaukauwa nai bulubulu me oti mada nai katolu ni bogi, de ra lako mai na nona tisaipeli, ka butakoca, ka qai kaya vei ira na tamata, ‘Sa tucake tale mai na mate ko koya,’ ena qai levu cake kina na veivakacalai e muri, ka ca vakalailai ko ya eliu.” 65Sa qai kaya vei ira ko Pailato, “Sa tu ga vei kemudou nai vakatawa eso. Dou lako, dou vakadeitaka me vaka dou sa rawata.” 66Era sa qai lako, a ra sa sogota vakaukauwa nai bulubulu, ka ra sa dregata na vatu, ka lesia eso na sotia me vakatawa.
Currently Selected:
Maciu 27: FRV21
Highlight
Share
Copy
Want to have your highlights saved across all your devices? Sign up or sign in
