Maciu 23
23
Me ra Qarauni na Vunivola kei Ira na Farisi
(Marika 12.38-39; Luke 11.43,46; 20.45-46)
1Sa qai vosa ko Jisu vei ira na lewe vuqa, vei ira talega na nona tisaipeli, 2ka kaya, “Sa tiko e nai tikotiko i Mosese ko ira na vunivola kei ira na Farisi; 3ia na ka kecega era sa kaya vei kemudou mo dou vakabauta, dou vakabauta ga ka cakava, ia dou kakua ga ni muria na nodra i valavala, ni ra sa vosa ga ka sega ni cakava. 4Ni ra sa vauca nai colacola bibi e dredre sara ni colati, ka vakataqara e na usouso-ni-domodra na tamata, a ra sa sega ni via vakayavalata e na dua na nodra i qaqalo. 5#Maciu 6.1; Tiko 15.38; Vrua 6.8Ia na nodra cakacaka kecega era sa kitaka me raici ira kina na tamata. Ni ra sa vakarabailevutaka na nodra veivakananumi tabu, ka ra sa vakalevutaka na tutu ni nodra i sulu. 6A ra sa vinakata nai tikotiko vakaturaga ni ra kana vata, kei nai tikotiko ni qase e na veivalenilotu, 7ka me ra kidavaki e na veirara ni veivoli e na vakarokoroko, ka me vakatokai talega vei ira na tamata me ra i vakavuvuli. 8Ia koi kemudou, dou kakua ni vakatokai me i vakavuvuli, ni sa dua bauga na nomudou i Vakavuvuli, ka dou sa veitacini kecega. 9Dou kakua talega ni vakatoka e dua me tamamudou e vuravura, ni sa dua bauga na Tamamudou—ko koya sa tiko mai lomalagi. 10Dou kakua talega ni vakatokai me turaga, ni sa dua bauga na nomudou Turaga, ko koya na Karisito. 11#Maciu 20.26,27; Mari 9.35; 10.43-44; Luke 22.26Ia ko koya sa uasivi cake vei kemudou, me nomudou tamata dauveiqaravi ko koya. 12#Luke 14.11; 18.14Ia ko koya ena vakalevulevui koya, ena vakayalomalumalumutaki, ia ko koya ena vakayalomalumalumutaki koya, ena vakalevulevui.
Vosataka Vakabibi ko Jisu na Nodra Dauveivakaisini
(Marika 12.40; Luke 11.39-42,44,52; 20.47)
13 “Ia e ca vei kemudou, na vunivola kei na Farisi, na dauveivakaisini! Ni dou sa sogota na matanitu vakalomalagi vei ira na tamata. Ni dou sa sega ni curu rawa kina koi kemudou, se laivi ira era sa curu tiko me ra curu kina. 14E ca vei kemudou, na vunivola kei na Farisi, na dauveivakaisini! Ni dou sa kovea na nodra i yau na yada, ni dou sa masu vakabalavu tiko me veivakaisini, o koya oqo dou na cudruvi vakalevu cake kina. 15E ca vei kemudou, na vunivola kei na Farisi, na dauveivakaisini! Ni dou sa lakova na wasawasa kei na vanua mo dou vukica e dua me lotu vakataki kemudou, ia ni sa rawa, dou sa cakava me luve ni Eli me uasivi vakarua vei kemudou.
16 “E ca vei kemudou, nai vakavuvuli mataboko! Dou sa kaya, ‘O koya ena bubului ki na vale-ni-soro, a ka wale ko ya, ia ko koya ena bubului ki na koula ni vale-ni-soro, sa vauci kina ko koya.’ 17Vei kemudou na lialia kei na mataboko! A cava vei rau e levu cake, na koula, se na vale-ni-soro sa vakatabui kina na koula? 18Ia dou sa kaya, ‘O koya ena bubului ki nai cabocabo-ni-madrali, a ka wale ko ya, ia ko koya ena bubului ki nai madrali sa koto kina, sa vauci kina ko koya.’ 19Vei kemudou na mataboko! A cava vei rau e levu cake, ai madrali, se nai cabocabo-ni-madrali sa vakatabuya nai madrali? 20O koya sa bubului ki nai cabocabo-ni-madrali, sa bubului ki na ka ko ya, kei na ka kecega sa koto kina. 21Ia ko koya sa bubului ki na vale-ni-soro, sa bubului kina, vei koya talega sa tiko kina. 22#Aisea 66.1; Maciu 5.34Ia ko koya sa bubului ki lomalagi, sa bubului ki nai tikotiko vakaturaga ni Kalou vei koya talega sa tiko kina.
23 #
Vsoro 27.30
“E ca vei kemudou, na vunivola kei na Farisi, na dauveivakaisini! Ni dou sa solia nai katini ni botebotekoro kei na co vakaoqo, ia dou sa biuta laivi na veika bibi e na vunau, nai valavala dodonu, kei na loloma, kei na vakadinata. O koya sa kilikili mo dou kitaka, me kakua talega ni biu laivi ko ya. 24Ai vakavuvuli mataboko! Dou sa tauvulona me biu na nana, ia na kameli dou sa tiloma ga.
25 “E ca vei kemudou, na vunivola kei na Farisi, na dauveivakaisini! Ni dou sa vakasavasavataka na bilo kei na dari e taudaku, ia e loma sa sinai e na daubutako kei na garogaro. 26A Farisi mataboko! Mo vakasavasavataka mada na loma ni bilo kei na dari, me qai savasava talega kina e taudaku.
27 #
Caka 23.3
“E ca vei kemudou, na vunivola kei na Farisi, na dauveivakaisini! Ni dou sa vaka na veivale ni bulubulu sa boro vulavula, ka sa rairai vinaka e taudaku, ia e loma sa sinai e na sui ni mate, kei na ka kecega sa velavela. 28Sa vaka talega kina koi kemudou, dou sa rairai e taudaku vei ira na tamata me tamata dodonu, ia e loma dou sa sinai e na dauveivakaisini kei na ka e sega ni dodonu.
Sa Tukuna ko Jisu na Cudru ena Yacovi Ira
(Luke 11.47-51)
29 “E ca vei kemudou na vunivola kei na Farisi, na dauveivakaisini! Ni dou sa tara na nodra veivale ni bulubulu na parofita, ka vakaiukuukutaka na nodra veivale ni bulubulu na tamata yalododonu. 30Ka kaya, ‘Kevaka eda sa bula e na gauna ni noda qase, eda a bese ni lomavata kei ira e na nodra vakamatei ira na parofita.’ 31O koya oqo dou sa tukuni kemudou kina, ni dou sa luvedra era vakamatei ira na parofita. 32Ia mo dou vakasinaita nai vakarau ni nomudou qase. 33#Maciu 3.7; 12.34; Luke 3.7Na gata, a luve ni gata loaloa koi kemudou! Dou na dro rawa vakaevei mai na cudruvi mai Eli? 34Ia ka raica, au na tala yani vei kemudou eso na parofita, kei na tamata vuku, kei na vunivola, ia eso vei ira dou na vakamatea ka vakota ki na kauveilatai, ka eso dou na vakanakuitataka e na nomudou veivalenilotu, ka vakasevi ira mai na koro e dua ki na koro e dua, 35#Vteki 4.8; 2Vei 24.20-21me yaco kina vei kemudou nai sau ni kedra dra na tamata yalododonu kecega ka vakadavei e vuravura, mai na dra nei Epeli na yalododonu ka yaco ki na dra nei Sakaraia na luvei Parakaia, ko koya dou a vakamatea e na tadrua ni vale-ni-soro kei nai cabocabo-ni-madrali. 36Au sa kaya vakaidina vei kemudou, A ka kecega oqori ena yaco ki nai tabatamata oqo.
Na Nona Lomani Jerusalemi ko Jisu
(Luke 13.34-35)
37 “Isa! Jerusalemi, Isa! Jerusalemi, ko iko sa vakamatei ira na parofita, ka vakaviriki ira sa talai yani vei iko, au a nanuma vakavica me'u vakasoqoni ira vata na nomu gone, me vaka na toa yalewa sa vakasoqoni ira na luvena e ruku ni tabana, ia dou a sega ni vinakata! 38#Jere 22.5Raica, sa qai biu vei kemudou na nomudou vale me lala didi. 39#Same 118.26Ni'u sa kaya vei kemudou, Dou na sega ni raici au tale, ka malua dou na kaya mada, ‘Sa kalougata ko koya sa lako mai e na yaca ni Turaga.’ ”
Currently Selected:
Maciu 23: FRV21
Highlight
Share
Copy
Want to have your highlights saved across all your devices? Sign up or sign in
