Maciu 19
19
Nai Vakavuvuli i Jisu me Baleta na Veibiu
(Marika 10.1-12)
1Ni sa vakaotia ko Jisu na vosa oqo, sa qai lako tani e Kalili, ka yaco ki na yasayasa vaka-Jutia e na tai kadua ni Joritani; 2a ra sa lewe vuqa sara era sa muri koya a sa vakabulai ira mai kea ko koya.
3A sa lako mai vei koya ko ira na Farisi, ka vakatovolei koya, ka kaya vua, “Sa tara vua na tagane me biuta na watina e na vuku ni ka kecega, se segai?” 4#Vteki 1.27; 5.2A sa vosa ko koya, ka kaya vei ira, “Dou a sega beka ni wilika, ko koya sa buli rau e nai vakatekivu ‘sa bulia ga na tagane kei na yalewa,’ 5#Vteki 2.24a sa kaya, ‘E na vuku ni ka oqo ena biuti tamana kei na tinana na tagane, ka kabita na watina, a rau na lewe dua?’ 6O koya oqo erau sa sega kina ni lewe rua tiko, erau sa lewe dua ga. Ia na ka sa vauca vata na Kalou, me kakua ni tawasea rua na tamata.” 7#Vrua 24.1-4; Maciu 5.31Era sa kaya vua, “A cava sa vakarota kina ko Mosese me solia vua nai vola ni veibiu, ka qai biuta tani?” 8Sa kaya vei ira ko koya, “E na vuku ni nomudou lomakaukauwa sa vosoti kemudou kina ko Mosese mo dou biuta tani na watimudou, ia ka sega ni vakaoqo mai nai vakatekivu. 9#Maciu 5.32; 1Kori 7.10,11Ia ka'u sa kaya vei kemudou, O koya ena biuta tani na watina yalewa, ke sa sega ni dautagane, ka laki vakawati kei na dua tale, sa veibutakoci; kei koya talega erau laki veiwatini kaya sa biu, sa veibutakoci.”
10Sa kaya vua ko ira na nona tisaipeli, “Ke sa vakaoqo na lewa vua na tagane kei na watina, ke sa vinaka me kakua ni ia na vakawati.” 11A sa kaya vei ira ko koya, “Sa sega ni rawata nai vakavuvuli oqo na tamata kecega, ko ira ga sa soli vei ira. 12Ni eso vei ira na mata sa sega ni vakawati mai na gauna ni nodra sucu, ka eso era vakayacori me ra mata mai vei ira tale eso, ka eso era sa vakayacori ira ga me ra mata e na vuku ni matanitu vakalomalagi. O koya sa rawata me vakabauta, me vakabauta sara.”
Sa Vakalougatataki Ira na Gone Lalai ko Jisu
(Marika 10.13-16; Luke 18.15-17)
13Sa qai kau mai vua eso na gone lalai, me tabaki ira ko koya e na ligana, ka masulaka. A sa vunauci ira ko ira na tisaipeli. 14A sa kaya ko Jisu, “Laivi ira na gone lalai, ka kakua ni tarovi ira ni ra sa lako mai vei au; ni sa nodra ko ira sa vaka oqo na matanitu vakalomalagi.” 15A sa tabaki ira e na ligana ko koya, ka qai lako tani mai kea.
Na Cauravou Vutuniyau
(Marika 10.17-31; Luke 18.18-30)
16Ka raica, sa lako mai e dua, ka kaya vua, “Vakavuvuli vinaka, a cava na ka vinaka me'u kitaka, me'u rawata kina na bula tawa mudu?” 17A sa kaya vua ko koya, “A cava ko sa tarogi au kina e na vuku ni ka vinaka? Sa duabau ga sa vinaka; ia kevaka ko sa via curu ki na bula, mo muria na vunau.” 18#Lako 20.13-16; Vrua 5.17-20Sa kaya vua ko koya, “A vunau cava?” A sa kaya ko Jisu, “Mo kakua ni laba, Mo kakua ni ia na veibutakoci, Mo kakua ni butako, Mo kakua ni veibeitaki vakailasu, 19#Lako 20.12; Vrua 5.16; Vsoro 19.18Vakarokoroko vei rau na tamamu kei na tinamu; ka, Mo lomana na kai nomu me vaka ko sa lomani iko.” 20Sa kaya vei koya na cauravou, “A ka kecega oqori ka'u a vakabauta ga ni ka'u sa gone ka yacova na siga oqo; a cava tale sa vo vei au?” 21Sa kaya vua ko Jisu, “Kevaka ko sa vinakata mo vinaka sara, mo lako, mo volitaka na nomu i yau, ka solia vei ira sa dravudravua, ko na qai vakaiyau mai lomalagi; ia mo lako mai ka muri au.” 22Ia ni sa rogoca na vosa oqo na cauravou, sa lako tani a sa rarawa na lomana, ni sa levu na nona i yau.
23Sa qai kaya vei ira na nona tisaipeli ko Jisu, “Au sa kaya vakaidina vei kemudou, Ena dredre vua na tamata vutuniyau me curu ki na matanitu vakalomalagi. 24Ia ka'u sa kaya tale vei kemudou, sa rawarawa me curuma na mata ni cula na kameli, ia ka dredre vua na tamata vutuniyau me curu ki na matanitu ni Kalou.” 25Ia ni ra sa rogoca na nona tisaipeli, era sa kidacala sara, ka kaya, “O cei ena qai vakabulai rawa?” 26A sa vakaraici ira ko Jisu, ka kaya, vei ira, “Oqo sa dredre sara vei ira na tamata, ia sa rawarawa vua na Kalou na ka kecega.”
Nai Sau ni Muri Jisu
(Marika 10.29-31; Luke 18.28-30)
27Sa qai vosa ko Pita, ka kaya vua, “Raica, keitou sa biuta na ka kece, ka muri kemuni. A cava ena qai neitou?” 28#Maciu 25.31; Luke 22.30A sa kaya vei ira ko Jisu, “Au sa kaya vakaidina vei kemudou, Oi kemudou sa muri au, ni na yaco na veivakadodonutaki, ni na tiko na Luve ni Tamata e nai tikotiko vakaturaga ni nona i ukuuku, dou na qai tiko talega e nai tikotiko vakaturaga e tinikarua, me lewai ira na yavusa e tinikarua ni Isireli. 29Ia ko koya yadua sa biuta na vale, se na veitacini, se na ganena, se na tamana, se na tinana, se na luvena, se na vanua, e na vuku ni yacaqu, ena yadrau ena rawata; ena taukena talega na bula tawa mudu. 30#Maciu 20.16; Luke 13.30Ia era lewe vuqa sa liu era na muri; kei ira talega sa muri era na liu.
Currently Selected:
Maciu 19: FRV21
Highlight
Share
Copy
Want to have your highlights saved across all your devices? Sign up or sign in
